ಯುದ್ದದಲ್ಲಿ ಮೊದಲು ಅಪಾಯಕ್ಕೆ ಒಳಗಾಗುವುದು ಸತ್ಯವಾದರೆ, ನಂತರದ ಅಪಾಯ ಮಹಿಳೆಯರು ಮತ್ತು ಮಕ್ಕಳಿಗೆ. ಇಸ್ರೇಲ್ ಮತ್ತು ಹಮಾಸ್ ನಡುವಿನ ಸಂಘರ್ಷವಿರಲಿ, ರಷ್ಯಾ ಮತ್ತು ಉಕ್ರೇನ್ ಯುದ್ದದಂತಹ ಯಾವುದೇ ಸಂಘರ್ಷದಲ್ಲೂ ಇದು ನಿಜವೇ ಆಗಿದೆ. ವರ್ಷದ ಹಿಂದೆ ಹಮಾಸ್ ಸಂಘಟನೆ ಇಸ್ರೇಲ್ ನೆಲದ ಮೇಲೆ ಶಸ್ತ್ರಸಜ್ಜಿತ ಸೇನೆಯ ಜೊತೆಗೆ ಪೂರ್ಣ ಪ್ರಮಾಣದ ಯುದ್ದ ಆರಂಭಿಸುವ ಮೂಲಕ ಇಸ್ರೇಲ್ನ ಗುಪ್ತಚರ ಸಂಸ್ಥೆ ಮೊಸದ್ ಅನ್ನು ಚಕಿತಗೊಳಿಸಿತ್ತು. ಅಕ್ಟೋಬರ್ 7ರಂದು ಹಮಾಸ್ 1,200 ಜನರ ಹತ್ಯೆ ಮತ್ತು 250 ಮಂದಿ ಇಸ್ರೇಲಿಗರ ಅಪಹರಣ ಮಾಡಿತ್ತು. 100ಕ್ಕೂ ಹೆಚ್ಚು ಮಂದಿಯನ್ನು ಗಾಜಾದಲ್ಲಿ ಒತ್ತೆಯಾಳಾಗಿರಿಸಿತು. ಇವರಲ್ಲಿ ಎಷ್ಟು ಮಂದಿ ಜೀವಂತವಾಗಿದ್ದಾರೆ ಎಂಬುದು ಇನ್ನೂ ಯಾರಿಗೂ ತಿಳಿದಿಲ್ಲ.
ಇದಕ್ಕೆ ಪ್ರತೀಕಾರವಾಗಿ ದಾಳಿ ಮಾಡಿದ ಇಸ್ರೇಲ್ ಪಡೆಗಳು 41,000 ಪ್ಯಾಲೆಸ್ತೇನಿಯರ ಹತ್ಯೆ ಮಾಡಿವೆ. ಸಂಘರ್ಷ ಆರಂಭವಾದಗಿನಿಂದ 16,000 ಮಕ್ಕಳು ಸಾವನ್ನಪ್ಪಿದ್ದು, 19,000 ಮಂದಿ ಅನಾಥರಾಗಿದ್ದಾರೆ. 1000 ಮಕ್ಕಳು ಕೈ-ಕಾಲು ಕಳೆದುಕೊಂಡಿದ್ದಾರೆ. ಶೇ 91ರಷ್ಟು ಪ್ಯಾಲೆಸ್ತೇನಿಯನ್ನರು ಆಂತರಿಕವಾಗಿ ಸ್ಥಳಾಂತರಗೊಂಡಿದ್ದಾರೆ. ಬಹುತೇಕ ಮಂದಿ ಆಹಾರ ಅಭದ್ರತೆಯನ್ನು ಎದುರಿಸಿದ್ದಾರೆ. ಗಾಜಾದಲ್ಲಿ ಆಸ್ಪತ್ರೆ, ಶಾಲೆ ಸೇರಿದಂತೆ ಅನೇಕ ಕಟ್ಟಡಗಳು ನಾಮಾವಶೇಷಗೊಂಡಿವೆ.
ಸಂಘರ್ಷ ಆರಂಭವಾಗಿ ವರ್ಷಗಳ ಬಳಿಕ ಪ್ಯಾಲೆಸ್ತೇನಿಯರು ಸಂಘರ್ಷದಿಂದ ಸಂಪೂರ್ಣವಾಗಿ ಜರ್ಜರಿತರಾಗಿದ್ದಾರೆ. ಹಮಾಸ್ ಇನ್ನೂ ಬಂಧಿತರನ್ನು ಸೆರೆಯಲ್ಲಿರಿಸಿದೆ. ಆದಾಗ್ಯೂ, ಇಸ್ರೇಲ್ನಲ್ಲಿ ಜನ ಜೀವನ ಸಾಮಾನ್ಯವಂತೆ ಕಂಡಿದೆ. ಗಾಜಾದಲ್ಲಿನ ಜನಜೀವನ ಸಂಘರ್ಷದ ಕೇಂದ್ರ ಬಿಂದುವಾಗಿ ರೂಪುಗೊಂಡಿದೆ. ವೈಮಾನಿಕ ಬಾಂಬ್ ದಾಳಿಯಿಂದ ಮಹಿಳೆಯರು ಮತ್ತು ಮಕ್ಕಳು ಮತ್ತಷ್ಟು ದುರ್ಬಲರಾಗಿದ್ದು, ಸುರಕ್ಷಿತವಾದ ಆಶ್ರಯತಾಣವಿಲ್ಲ. ಗಾಜಾದಲ್ಲಿ ಆರೋಗ್ಯ ಮತ್ತು ನೈರ್ಮಲ್ಯ ಕುಸಿತದಿಂದ ಬದುಕುಳಿದರ ಜೀವನವೂ ಸವಾಲುದಾಯಕವಾಗಿದೆ. ಪ್ರಾಣ ರಕ್ಷಣೆಗಾಗಿ ಓಡಲು ಸಾಧ್ಯವಾಗದಂತಹ ಮಕ್ಕಳ ಮೇಲಿನ ಬಾಂಬ್ ದಾಳಿಯಿಂದ ಹಮಾಸ್ ಘನತೆ ಮರೆಯಾಗಿದೆ. ಅಂಬೆಗಾಲಿಡಲು ಸಾಧ್ಯವಾಗದಂತಹ ಮಕ್ಕಳ ಮೇಲಿನ ಯುದ್ದವೂ ಭೀಕರ ಹಾನಿ ಮಾಡಿದೆ. ಮಕ್ಕಳ ಹಕ್ಕುಗಳ ಕುರಿತು ಹಲವು ರಾಷ್ಟ್ರಗಳಲ್ಲಿ ಹೆಚ್ಚು ಚರ್ಚೆ ನಡೆಯುತ್ತಿರುವ ಸಮಯದಲ್ಲಿ ಈ ದಾಳಿಗಳು ನಡೆದಿದೆ. ಈ ಯುದ್ದಗಳ ದಾಳಿಗಳು ಇತರೆ ಪ್ರದೇಶಗಳ ಮಹಿಳೆ ಮತ್ತು ಮಕ್ಕಳನ್ನು ದುರ್ಬಲವಾಗಿಸಿದೆ.
ಇತ್ತೀಚೆಗೆ ಲೆಬನಾನ್ ವಿರುದ್ಧ ಇಸ್ರೇಲ್ ಯುದ್ದ ಆರಂಭಿಸಿದೆ. ಇದರಿಂದಾಗಿ ಲೆಬನಾನ್ನ ಉಳಿಯುವಿಕೆ ಮತ್ತು ಅಭಿವೃದ್ಧಿ ಹೊಂದುವ ಗುರಿಗಳು ಕ್ಷಿಣಿಸಿದ್ದು, ದಕ್ಷಿಣ ಲೆಬನಾನ್ ಅಸ್ತಿತ್ವವೇ ಕಷ್ಟಕರವಾಗಿದೆ. ಲೆಬನಾನ್ ಮೇಲಿನ ಯುದ್ದ ಪಶ್ಚಿಮ ಏಷ್ಯನ್ನರನ್ನು ಆತಂಕಕ್ಕೆ ದೂಡಿದೆ. ಗಾಜಾದ ಭೀಕರತೆಯು ಇಲ್ಲಿಯೂ ಕೂಡ ಅಶಾಂತಿಯ ಭಾವನೆಯನ್ನು ಹೆಚ್ಚಿಸಲಿದೆ. ಪ್ಯಾಲೆಸ್ತೇನ್ ಮತ್ತು ಲೆಬನಾನ್ ಭಾಗದಲ್ಲಿ ವೈಮಾನಿಕ ಬಾಂಬ್ ದಾಳಿಗಳು ಮತ್ತಷ್ಟು ಅನಿಶ್ಚಿತತೆಗೆ ಕಾರಣವಾಗಿದೆ.
ಈ ದಾಳಿಯ ಬೆನ್ನಲ್ಲೇ ಯೆಮನ್ ಹೌತಿಗಳು ಕೆಲಕಾಲ ಮೌನವಾಗಿದ್ದು, ಹಿಜ್ಬುಲ್ಲಾ ಬಳಿಕ ನಮಗೆ ಅಸ್ತಿತ್ವ ಇರಬಹುದಾ ಎಂಬ ಆತಂಕ ಅವರಲ್ಲಿದೆ. ಹೌತಿ ಮತ್ತು ಹಿಜ್ಬುಲ್ಲಾ ಎರಡರ ಬೆನ್ನ ಹಿಂದೆ ಇರಾನ್ ಇದೆ. ಹಿಜ್ಬುಲ್ಲಾ ನಾಯಕ ಹಸನ್ ನುಸ್ರುಲ್ಲಾ ಹತ್ಯೆಯ ಬಳಿಕ ಇರಾನ್ ದೇಶ ಇಸ್ರೇಲ್ ಮೇಲೆ ದಾಳಿ ನಡೆಸಿದೆ. ಹಿಜ್ಬುಲ್ಲಾ ಮತ್ತು ಹಮಾಸ್ ಮೇಲೆ ಇಸ್ರೇಲ್ನ ಪ್ರತಿಕ್ರಿಯೆ ಕಠೋರ ಮತ್ತು ಭಯಾನಕವಾಗಿದೆ. ಸದ್ಯ ಇಸ್ರೇಲ್ ವಿರುದ್ಧ ಪ್ರತಿರೋಧ ವ್ಯಕ್ತಪಡಿಸುತ್ತಿರುವ ದೇಶಗಳೆಂದರೆ ಯೆಮೆನ್, ಲೆಬನಾನ್ ಮತ್ತು ಇರಾನ್. ಸೌದಿ ಅರೇಬಿಯಾ ಮತ್ತು ಇತರೆ ಸುನ್ನಿ ದೇಶಗಳು ಮೃದು ರಾಜತಾಂತ್ರಿಕತೆಯನ್ನು ಆಯ್ಕೆ ಮಾಡಿದ್ದು, ಖಂಡನೆಗಳ ಮೂಲಕ ತಮ್ಮನ್ನು ನಿರ್ಬಂಧಿಸಿಕೊಂಡಿವೆ. ಈ ನಡುವೆ ಮಧ್ಯಸ್ಥಿಕೆ ಮತ್ತು ಮಾತುಕತೆಗೆ ಕರೆ ನೀಡಿವೆ. ಇಸ್ರೇಲ್ ಮತ್ತು ಹಮಾಸ್ ನಡುವಿನ ಮಧ್ಯಸ್ಥಿಕೆವಹಿಸುವ ಮೂಲಕ ಮುಸ್ಲಿಂ ದೇಶಗಳು ಜಾಗರೂಕತೆಯಿಂದ ಆತಂಕವನ್ನು ಕಡಿಮೆ ಮಾಡಿ, ಉದ್ವಿಗ್ನತೆ ತಪ್ಪಿಸಲು ಪ್ರಯತ್ನ ಮಾಡುತ್ತಿವೆ. ಇಸ್ರೇಲ್ಗೆ ಯುಎಸ್ ಬೆಂಬಲ ಮತ್ತು ಯುದ್ಧ ಸಾಮಗ್ರಿ ಸಹಾಯದ ಜೊತೆಗೆ ಈಜಿಪ್ಟ್ ಮತ್ತು ಕತಾರ್ ಕದನ ವಿರಾಮಕ್ಕೆ ಕರೆ ನೀಡಿವೆ. ಆದರೆ, ಈ ಕದನ ವಿರಾಮ ತರುವಲ್ಲಿ ಅಮೆರಿಕ ಯತ್ನವೂ ವಿಫಲಗೊಂಡಿದೆ.
ಈ ಎಲ್ಲ ಬೆಳವಣಿಗೆಗಳ ನಡುವೆ, ಇಸ್ರೇಲ್ ಮತ್ತು ಪ್ಯಾಲೇಸ್ತೇನಿಯರ ನಡುವೆ ಉತ್ತಮ ಸಂಬಂಧ ಹೊಂದಿರುವ ಭಾರತ ಮಹತ್ವದ ಸ್ಥಾನದಲ್ಲಿದೆ. ಪಶ್ಚಿಮ ಏಷ್ಯಾದ ಹಿತಾಸಕ್ತಿಯಿಂದ ಭಾರತ ಪ್ರಮುಖ ಹೆಜ್ಜೆ ಇಡಲಿದೆ. ಕಾರ್ಯ ಇನ್ನೂ ಆರಂಭವಾಗದಿದ್ದರೂ ಮಹಾತ್ವಕಾಂಕ್ಷೆಯ ಐಎಂಇಇಸಿ (ಭಾರತ ಮಧ್ಯ ಪೂರ್ವ ಆರ್ಥಿಕ ಕಾರಿಡಾರ್) ಯೋಜನೆ ಸೌದಿ ಅರೇಬಿಯಾದ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಇದು ಕೇವಲ ಸೌದಿ ಅರೇಬಿಯಾಗೆ ಮಾತ್ರವಲ್ಲ, ಇರಾನ್, ಭಾರತಕ್ಕೂ ಪ್ರಮುಖವಾಗಿದೆ. ಇರಾನ್ನ ಚಾಬಹಾರ್ ಬಂದರು ಆರ್ಥಿಕವಾಗಿ ಮತ್ತು ಕಾರ್ಯತಂತ್ರವಾಗಿ ಪ್ರಮುಖವಾಗಿದೆ. ಇರಾನ್ ಮತ್ತು ಸೌದಿ ಎರಡು ಭಾರತದ ಬೆಳವಣಿಗೆ ಕಥೆಯಲ್ಲಿ ನಿರ್ಣಾಯಕವಾಗಿದೆ.
ಸಂಪೂರ್ಣ ಪಶ್ಚಿಮ ಏಷ್ಯಾ ಕಾರ್ಯತಂತ್ರದಲ್ಲಿ ಭಾರತಕ್ಕೆ ಪ್ರಮುಖವಾಗಿರುವಂತೆ, ಇಸ್ರೇಲ್ನ ರಕ್ಷಣಾ ಪೂರೈಕೆ ಕೂಡ ನಿರ್ಣಾಯಕ. ಇರಾನ್ ಕೂಡ ಭಾರತಕ್ಕೆ ಕಚ್ಛಾ ತೈಲವನ್ನು ಒದಗಿಸುತ್ತಿದೆ. ಪಶ್ಚಿಮ ಏಷ್ಯಾದಿಂದ ಶೇ 8ರಷ್ಟು ಇಂಧನ ಸಂಪನ್ಮೂಲ ಬರುತ್ತಿದೆ. ಇದಕ್ಕೆ ಅಡ್ಡಿಯಾದಲ್ಲಿ ಇದು ಭಾರತದ ಮೇಲೆ ಹೆಚ್ಚಿನ ಪರಿಣಾಮ ಬೀರಲಿದೆ. ಇರಾನ್ ಮತ್ತು ಇಸ್ರೇಲ್ ನಡುವಿನ ಪೂರ್ಣ ಪ್ರಮಾಣದ ಯುದ್ದವೂ ಭಾರತದ ಹಿತಾಸಕ್ತಿ ವಿರುದ್ಧವಾಗಿದೆ. ಭಾರತ ಮಾತುಕತೆಗೆ ಮನವಿ ಮಾಡುವ ಮೂಲಕ ಯುದ್ದವನ್ನು ಕೊನೆಗೊಳಿಸುವಂತೆ ಸಲಹೆ ನೀಡಿದೆ. ಪಶ್ಚಿಮ ಏಷ್ಯಾದಿಂದ ಸಂಪನ್ಮೂಲ ಮತ್ತು ಅವಕಾಶದಲ್ಲಿ ಭಾರತ ಮತ್ತು ಚೀನಾ ಇದ್ದೂ ಭಾರತದ ಕೈ ಹೆಚ್ಚಿನದಾಗಿದೆ.
ಅಕ್ಟೋಬರ್ 7, 2023ರಲ್ಲಿ ಒಂದು ವೇಳೆ ಹಮಾಸ್ ಯುದ್ದವನ್ನು ಆರಂಭಿಸದಿದ್ದಲ್ಲಿ ಚೀನಾ ಕೊಡುಗೆ ವಿಭಿನ್ನವಾಗಿರುತ್ತಿತ್ತು. ಹಮಾಸ್ ಮತ್ತು ಅಲ್ ಫತಾಹ್ ಜೊತೆಗೆ ಸೌದಿ ಅರೇಬಿಯಾ ಮತ್ತು ಇರಾನ್ ನಡುವೆ ಮಾತುಕತೆಗೆ ಚೀನಾ ಮಧ್ಯಸ್ಥಿಕೆಗೆ ಪ್ರಯತ್ನ ನಡೆಸಿತ್ತು. ಸುನ್ನಿ ಮತ್ತು ಶಿಯಾ ನಡುವಿನ ಒಪ್ಪಂದಕ್ಕೆ ಮುನ್ನ ಪೂರ್ಣ ಪ್ರಮಾಣದ ಯುದ್ದ ಆರಂಭವಾಯಿತು. ಸೌದಿ ಮತ್ತು ಇರಾನಿನ ಕಠಿಣ ಭಾವನೆ ಪರಿಹಾರ ಕಾಣವು ಮೊದಲೇ ಇಸ್ರೇಲ್ ಮೇಲುಗೈ ಸಾಧಿಸಿತು. ಇಸ್ರೇಲ್ ಹಮಾಸ್ ಮತ್ತು ಅದರ ಸಹಚರ ವಿರುದ್ಧ ಹೋರಾಟ ನಿರಂತರವಾಗಿ ಮುಂದುವರೆಸಿದೆ. ಈ ನಡುವೆ ಇರಾನ್ನ ಭೀಕರ ಕ್ಷಿಪಣಿ ದಾಳಿಗೆ ಇಸ್ರೇಲ್ ಹೇಗೆ ಪ್ರತಿಕ್ರಿಯಿಸಲಿದೆ ಎಂಬುದನ್ನು ಇನ್ನಷ್ಟೇ ಕಾದು ನೋಡಬೇಕಿದೆ.
ಇದನ್ನೂ ಓದಿ: ಪಶ್ಚಿಮ ಏಷ್ಯಾ ತಲ್ಲಣ: ಹಮಾಸ್, ಹಿಜ್ಬುಲ್ಲಾ, ಹೌತಿಗಳ ವಿರುದ್ಧ ಇಸ್ರೇಲ್ ಫೈಟ್
