ಚಿನ್ನದ ಗಣಿ ಕುಸಿತ: ಮಾಲಿಯಲ್ಲಿ 70ಕ್ಕೂ ಅಧಿಕ ಕಾರ್ಮಿಕರು ಸಾವು

Gold mine collapse: ಚಿನ್ನದ ಗಣಿ ಕುಸಿದು 70ಕ್ಕೂ ಅಧಿಕ ಕಾರ್ಮಿಕರು ಸಾವನ್ನಪ್ಪಿರುವ ಘಟನೆ ಪಶ್ಚಿಮ ಆಫ್ರಿಕಾದ ಮಾಲಿಯಲ್ಲಿ ಸಂಭವಿಸಿದೆ.

ಮಾಲಿ (ಪಶ್ಚಿಮ ಆಫ್ರಿಕಾ): ನೈಋತ್ಯ ಮಾಲಿಯಲ್ಲಿ ಕಳೆದ ವಾರ ಚಿನ್ನದ ಗಣಿ ಕುಸಿದು 70ಕ್ಕೂ ಅಧಿಕ ಕಾರ್ಮಿಕರು ಸಾವನ್ನಪ್ಪಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಜನರು ಸಾವನ್ನಪ್ಪಿರುವ ಕುರಿತು ಅಲ್ಲಿನ ಅಧಿಕಾರಿಗಳು ತಿಳಿಸಿದ್ದಾರೆ.

ನೈಋತ್ಯ ಕೌಲಿಕೊರೊ ಪ್ರದೇಶದ ಕಂಗಾಬಾ ಜಿಲ್ಲೆಯಲ್ಲಿದ್ದ ಗಣಿಯಲ್ಲಿ ದುರ್ಘಟನೆ ಸಂಭವಿಸಿದ್ದು, ಕಾರ್ಮಿಕರು ಅವಶೇಷಗಳಡಿ ಸಿಲುಕಿ ಸಾವನ್ನಪ್ಪಿದ್ದಾರೆ ಎಂದು ಮಾಲಿಯ ಗಣಿ ಸಚಿವಾಲಯ ತಿಳಿಸಿದೆ.