ಮೆನೋಪಾಸ್​ನಿಂದಾಗಿ ಅವಧಿಗೆ ಮೊದಲೇ ನಿವೃತ್ತಿ ಬಯಸುವ ಮಹಿಳೆಯರು; ಹೀಗಿರಲಿ ಕೆಲಸದ ವಾತಾವರಣ!

ಮೆನೋಪಾಸ್​ ಸಮಯದಲ್ಲಿ ಮಹಿಳೆಯರಲ್ಲಿ ಉಂಟಾಗು ತೀವ್ರವಾದ ಹಾರ್ಮೋನ್​ ಬದಲಾವಣೆಗಳು ಆಕೆಯ ಕೆಲಸದ ಜೀವನದ ಮೇಲೆ ಭಾರೀ ಪರಿಣಾಮ ಬೀರುತ್ತದೆ ಎಂದು ಆಸ್ಟ್ರೇಲಿಯನ್​ ಪತ್ರಕರ್ತೆ ತಿಳಿಸಿದ್ದಾರೆ.

ಹೈದರಾಬಾದ್​: ಮೆನೋಪಸ್​​ ಎಂಬುದು ಮಹಿಳೆಯ ಋತುಚಕ್ರ ನಿಲ್ಲುವ ಅವಧಿಯಾಗಿದೆ. ಮಹಿಳೆಯರು ತಮ್ಮ 45 ರಿಂದ 60 ವರ್ಷದಲ್ಲಿ ಈ ಲಕ್ಷಣವನ್ನು ಅನುಭವಿಸುತ್ತಾರೆ. ಈ ಸಮಯದಲ್ಲಿ ಹಾಟ್​ ಫ್ಲಾಷ್​​, ರಾತ್ರಿ ಬೆವರುವಿಕೆ, ಬ್ರೈನ್​ ಫಾಗ್​​ನ ನಂತಹ ಅರಿವಿನ ಅಡೆತಡೆ, ಆತಂಕ, ನಿದ್ರೆ ತಡೆಯಂತಹ ಲಕ್ಷಣವನ್ನು ಸಾಮಾನ್ಯವಾಗಿ ಮಹಿಳೆಯರು ಅನುಭವಿಸುತ್ತಾರೆ.

ಕೆಲವರಲ್ಲಿ ಮೆನೋಪಸ್​ ಲಕ್ಷಣಗಳು ಸಣ್ಣದಾಗಿದ್ದು, ಅಷ್ಟಾಗಿ ಸಮಸ್ಯೆಯಾಗುವುದಿಲ್ಲ. ಆದರೆ, ಶೇ 25ರಷ್ಟು ಮಹಿಳೆಯರಲ್ಲಿ ಈ ಮೆನೋಪಸ್​ ಅವರ ದೈನಂದಿನ ಕೆಲಸದ ಜೀವನದ ಮೇಲೆ ಭಾರೀ ಪರಿಣಾಮ ಬೀರುತ್ತದೆ. ಇದರಿಂದ ಅವರ ವೃತ್ತಿ ಜೀವನ ಮೊಟಕಾಗುತ್ತಿದ್ದು, ಅವರ ಆದಾಯವೂ ಕುಂಠಿತವಾಗುತ್ತದೆ. ಮೆನೋಪಸ್​ ಎಂಬುದು ಮಹಿಳೆಯರ ಕೆಲಸದ ಜೀವನದಲ್ಲಿ ಹೇಗೆ ಪರಿಣಾಮ ಬೀರುತ್ತದೆ. ಇದಕ್ಕೆ ಉದ್ಯೋಗದಾತರು ಮಾಡಬೇಕಿರುವುದು ಏನು ಎಂಬುದರ ಕುರಿತು ಆಸ್ಟ್ರೇಲಿಯಾದ ಪತ್ರಕರ್ತೆ ಇಮೋಜೆನ್ ಕ್ರಂಪ್​ ಮಾತನಾಡಿದ್ದಾರೆ.

ಸರ್ಕಾರವೂ ಕೂಡ ಮೆನೋಪಸ್​ ಅವಧಿಯಲ್ಲಿ ಮಹಿಳೆಯರ ಕೆಲಸದಲ್ಲಿ ಹೆಚ್ಚಿನ ಭಾಗಿತ್ವದ ಗುರಿಯನ್ನು ಹೊಂದಬೇಕಿದೆ ಎಂದಿದ್ದಾರೆ. ಇತ್ತೀಚಿನ ಆಸ್ಟ್ರೇಲಿಯನ್​ ಸಂಶೋಧನೆಯಲ್ಲಿ 45 ರಿಂದ 64 ವರ್ಷದ ಶೇ 17ರಷ್ಟು ಮಹಿಳೆಯರು ಕೆಲಸದಿಂದ ವಿರಾಮವನ್ನು ಪಡೆಯುತ್ತಿದ್ದಾರೆ.

ಮೆನೋಪಸ್​​ ಎಂಬುದು ಅನೇಕ ಮಹಿಳೆಯರ ಅವಧಿ ಪೂರ್ವವಾಗಿ ನಿವೃತ್ತಿ ಹೊಂದಿವ ಪ್ರಮುಖ ಅಂಶವೂ ಆಗಿದೆ. ಮಹಿಳೆಯರು ಪುರಷರಿಗಿಂತ ಮೊದಲೇ 7.4 ವರ್ಷ ಮೊದಲು ನಿವೃತ್ತಿಯನ್ನು ಪಡೆಯುತ್ತಾರೆ. ಇದರಿಂದ ಪ್ರತಿ ಮಹಿಳೆ 577.512 ಡಾಲರ್​ ಸಂಪಾದನೆಯನ್ನು ನಷ್ಟವನ್ನು ಹೊಂದುತ್ತಾರೆ. ಇದರಿಂದ ಆಗುವ ಆರ್ಥಿಕ ಪರಿಣಾಮವೂ ಹೆಚ್ಚು. ಮೆನೋಪಸ್​​ನಿಂದಾಗಿ ಪ್ರತಿ ವರ್ಷ ಅವಧಿ ಪೂರ್ವ ನಿವೃತ್ತಿಯಿಂದಾಗಿ 15.2 ಬಿಲಿಯನ್​ ಡಾಲರ್​​​​​ ಆದಾಯ ನಷ್ಟವನ್ನು ಹೊಂದುತ್ತಿದೆ.

ಕೆಲಸದ ಸಂಸ್ಕೃತಿ ಬದಲಾಗಬೇಕಿದೆ: ಈ ಅವಧಿಯಲ್ಲಿ ಮಹಿಳೆಯರಿಗೆ ಸುರಕ್ಷಿತ ಮತ್ತು ಮುಕ್ತ ಕೆಲಸದ ಸಂಸ್ಕೃತಿಯನ್ನು ನೀಡಬೇಕಿದೆ. ಮೆನೋಪಸ್​​ ಲಕ್ಷಣಗಳ ಕುರಿತು ಮಾತನಾಡುವ, ಜಾಗೃತಿ ಹೆಚ್ಚಿಸುವ, ಶಿಕ್ಷಣ ನೀಡುವ ಮತ್ತು ಈ ಅವಧಿಯಲ್ಲಿ ಹಿರಿಯ ನಾಯಕರನ್ನು ಕೆಲಸಕ್ಕೆ ತೆಗೆದುಕೊಳ್ಳುವ ಕ್ರಮಗಳು ಉದ್ಯೋಗ ಸ್ಥಳದಲ್ಲಿ ಸಕಾರಾತ್ಮಕತೆಯನ್ನು ಮೂಡಿಸುತ್ತದೆ.

ಸಹಯೋಗ ಮತ್ತು ಅಳವಡಿಕೆ ಪ್ರಮುಖ: ಉದ್ಯೋಗಿಗಳು ಮತ್ತು ಉದ್ಯೋಗದಾತರು ಒಟ್ಟಾಗಿ ಅಭಿವೃದ್ಧಿ ಸಾಕ್ಷಾಧಾರಿತ ಉದ್ಯೋಗ ಸ್ಥಳದ ಮಾರ್ಗದರ್ಶನದಲ್ಲಿ ಕೆಲಸ ಮಾಡುವುದು ಪ್ರಮುಖವಾಗಿದೆ. ಇದು ಕೆಲಸದ ಪರಿಸ್ಥಿತಿ ಸುಧಾರಣೆಯಂತಹ ಕಾರ್ಯಾರೂಪಣೆ ಸಲಹೆಗಳನ್ನು ಒಳಗೊಂಡಿರಬೇಕು. ಮಾರ್ಗಸೂಚಿಗಳು ಸಿಬ್ಬಂದಿಗಳ ಪಾಲಿಸಿಗಳಿಗಿಂತ ಉತ್ತಮವಾಗಿರಬೇಕು. ಕಡಿಮೆ ಆಡಳಿತಹಾಶಿ ಮತ್ತು ಹೆಚ್ಚು ಪ್ರಯೋಗಿಕವಾಗಿರಬೇಕು. ಅಂದರೆ, ಆರಾಮದಾಯಕ ಕೆಲಸ, ಫ್ಯಾನ್ಸ್​, ತಂಪಾದ ಕುಡಿಯುವ ನೀರು, ನೈಸರ್ಗಿಕ ಬೆಳಕು, ಉಚಿತ ಪಿರಿಯಡ್​ ಉತ್ಪನ್ನದಂತಹ ಅಂಶಗಳನ್ನು ಹೊಂದಿರಬೇಕು.

ವಿವಿಧ ಉದ್ಯಮ ವಲಯ, ವೃತ್ತಿ ಮತ್ತು ಉದ್ಯೋಗಗಳಿಗೆ ಅನುಸಾರವಾಗಿ ಈ ಮಾರ್ಗಸೂಚಿಗಳು ಇರಬೇಕು. ಕೃಷಿ, ಕಟ್ಟಡ ಕಾರ್ಮಿಕರು, ಅಡುಗೆ ಉದ್ಯಮದಲ್ಲಿ ಹೆಚ್ಚು ತಂಪಾದ ವಾತಾವರಣಕ್ಕೆ ಒತ್ತು ನೀಡಬೇಕು. ಇನ್ನು ಬೋಧನೆಯಂತಹ ವೃತ್ತಿಯಲ್ಲಿ ಶೌಚಾಲಯದ ವಿರಾಮ ಮತ್ತು ಅಲ್ಲಿಯೇ ಸ್ನಾನ ಮಾಡುವ ಸೌಲಭ್ಯವನ್ನು ನೀಡಬಹುದು.

ಅನುಕೂಲಕರ ಕೆಲಸದ ಪರಿಸ್ಥಿತಿಗಳು, ಅಗಾಗ್ಗೆ ವಿರಾಮ, ಮನೆಯಿಂದಲೇ ಕೆಲಸಗಳು ಸೌಲಭ್ಯವನ್ನು ನೀಡಬೇಕು. ಇಂತಹ ಸೌಲಭ್ಯವನ್ನು ನಿರ್ವಹಣೆಗೆ ಹಿರಿಯ ಮ್ಯಾನೇಜ್​ಮೆಂಟ್​​ ಬೆಂಬಲವೂ ಬೇಕಿದೆ ಎಂದು ತಿಳಿಸಿದ್ದಾರೆ. (ಪಿಟಿಐ)

ಇದನ್ನೂ ಓದಿ: ಮುಟ್ಟು ನಿಲ್ಲುವಿಕೆ ಅವಧಿಯಲ್ಲಿ ಮಹಿಳೆಯರಲ್ಲಿ ಹೆಚ್ಚುವ ತೂಕ; ಈ ವಿಚಾರ ಗಮನದಲ್ಲಿರಲಿ!