ನವದೆಹಲಿ: ಹೊಟ್ಟೆ ಉಬ್ಬರದಂತಹ ಉದರ ಸಂಬಂಧಿ ಇರಿಟೇಬಲ್ ಬೋವಲ್ ಸಿಂಡ್ರೋಮ್ (ಐಬಿಎಸ್) ಸಮಸ್ಯೆ ಅನೇಕರನ್ನು ಕಾಡುತ್ತದೆ. ಇಂತಹ ಸಮಸ್ಯೆಗೆ ಇತರೆ ಚಿಕಿತ್ಸೆಗಳಿಗಿಂತ ಆಹಾರ ಆಧಾರಿತ ಡಯಾಟರಿ ಚಿಕಿತ್ಸೆ ಪರಿಣಾಮಕಾರಿಯಾಗಿದೆ. ಈ ಚಿಕಿತ್ಸೆಯು ಶೇ.70ರಷ್ಟು ರೋಗ ಲಕ್ಷಣಗಳನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತದೆ ಎಂದು ಹೊಸ ಸಂಶೋಧನೆಗಳು ತಿಳಿಸಿವೆ. ಅಧ್ಯಯನ ವರದಿಯನ್ನು ದಿ ಲ್ಯಾನ್ಸೆಟ್ ಗ್ಯಾಸ್ಟ್ರೊಎಂಟರ್ನೊಲಾಜಿ ಮತ್ತು ಹೆಪೆಟೊಲಾಜಿಯಲ್ಲಿ ಪ್ರಕಟಿಸಲಾಗಿದೆ. ಇದಕ್ಕಾಗಿ ಮೂರು ಚಿಕಿತ್ಸೆ ವಿಧಾನವನ್ನು ಬಳಸಲಾಗಿದೆ. ಈ ಪೈಕಿ ಎರಡು ಡಯಾಟರಿ ಚಿಕಿತ್ಸೆಯಾಗಿದ್ದು, ಮತ್ತೊಂದು ಔಷಧಗಳ ಚಿಕಿತ್ಸೆ ಆಧಾರಿತವಾಗಿದೆ.
ಏನಿದು ಐಬಿಎಸ್?: ಐಬಿಎಸ್ ಎಂಬುದು ಸಾಮಾನ್ಯವಾಗಿ ಹೊಟ್ಟೆ ನೋವು, ಗ್ಯಾಸ್ ಅಥವಾ ಹೊಟ್ಟೆ ಉಬ್ಬರ, ಅತಿಸಾರ ಮತ್ತು ಮಲಬದ್ಧತೆಗೆ ಕಾರಣವಾಗುತ್ತದೆ. ಹಲವು ಸಂದರ್ಭಗಳಲ್ಲಿ ಈ ಸಮಸ್ಯೆಗಳು ವಿವಿಧ ಹಂತದ ತೀವ್ರತೆ ಹೊಂದಿರುತ್ತದೆ.
ಸಂಶೋಧಕರ ಮಾತು: "ಐಬಿಎಸ್ ಚಿಕಿತ್ಸೆಯಲ್ಲಿ ಡಯಟ್ ಪ್ರಮುಖ ಪಾತ್ರ ವಹಿಸುತ್ತದೆ ಎಂಬುದನ್ನು ಅಧ್ಯಯನದಲ್ಲಿ ಕಂಡಿದ್ದೇವೆ. ಆದಾಗ್ಯೂ, ಅನೇಕ ಪರ್ಯಾಯ ಚಿಕಿತ್ಸೆಗಳೂ ಕೂಡಾ ಪ್ರಯೋಜನಕಾರಿಯಾಗಿದೆ ಎಂಬುದನ್ನು ಗಮನಿಸಬೇಕಾಗಿದೆ" ಎಂದು ಸ್ವೀಡನ್ನ ಗುಟ್ಟನ್ಬರ್ಗ್ ವಿಶ್ವವಿದ್ಯಾಲಯದ ಡಯಾಟಿಷಿಯನ್ ಮತ್ತು ಸಂಶೋಧಕರಾದ ಸನ್ನಾ ನಿಬ್ಯಾಕ್ ತಿಳಿಸಿದ್ದಾರೆ.
ಸಂಶೋಧನೆ ನಡೆದಿದ್ದು ಹೇಗೆ?: ಅಧ್ಯಯನದಲ್ಲಿ ಭಾಗಿಯಾದ ಮೊದಲ ಗುಂಪಿಗೆ ಸಾಂಪ್ರದಾಯಿಕ ಐಬಿಎಸ್ ಆಹಾರ ಪದ್ಧತಿಯನ್ನು ಅನುಸರಿಸುವಂತೆ ಸಲಹೆ ನೀಡಲಾಗಿದೆ. ಈ ಸಂದರ್ಭದಲ್ಲಿ ಅವರು ಎಫ್ಒಡಿಎಂಎಪಿ ಎಂದು ಕರೆಯಲಾಗುವ ಕಡಿಮೆ ಹುದುಗುವ ಕಾರ್ಬೋಹೈಡ್ರೇಟ್ಗಳ ಸಂಯೋಜನೆಯನ್ನು ತಿನ್ನುವ ಅಭ್ಯಾಸವನ್ನು ಗುರಿಯಾಗಿಸಿಕೊಂಡಿದ್ದಾರೆ. ಈ ಎಫ್ಒಡಿಎಂಎಪಿಯಲ್ಲಿ ದ್ವಿದಳ ಧಾನ್ಯ, ಈರುಳ್ಳಿ, ಲ್ಯಾಕ್ಟೊಸ್ ಮತ್ತು ಬೇಳೆಕಾಳು ಉತ್ಪನ್ನಗಳನ್ನು ಹುದುಗಿಸಿ ನೀಡಲಾಗಿದೆ.
ಎರಡನೇ ಗುಂಪಿನವರಿಗೆ ಕಡಿಮೆ ಕಾರ್ಬೋಹೈಡ್ರೇಟ್ ಮತ್ತು ಹೆಚ್ಚಿನ ಪ್ರೋಟಿನ್ ಮತ್ತು ಕೊಬ್ಬಯ ಹೊಂದಿರುವ ಆಹಾರ ನೀಡಲಾಗಿದೆ. ಮೂರನೇ ಗುಂಪಿನವರು ತಮ್ಮ ಅತ್ಯಂತ ತೊಂದರೆದಾಯಕ ಐಬಿಎಸ್ ರೋಗಲಕ್ಷಣಗಳ ಆಧಾರದ ಮೇಲೆ ಔಷಧಿಗಳನ್ನು ಪಡೆದರು. ಸಾಂಪ್ರದಾಯಿಕ ಐಬಿಎಸ್ ಆಹಾರದ ಸಲಹೆ ಮತ್ತು ಕಡಿಮೆ ಎಫ್ಒಡಿಎಪಿ ಅಂಶಗಳು ಶೇ.76ರಷ್ಟು ಐಪಿಎಸ್ ಲಕ್ಷಣವನ್ನು ಕಡಿಮೆ ಮಾಡುತ್ತದೆ. ಕಡಿಮೆ ಕಾರ್ಬೋಹೈಡ್ರೇಟ್ ಮತ್ತು ಹೆಚ್ಚಿನ ಪ್ರೋಟೀನ್ ಮತ್ತು ಕೊಬ್ಬಿನ ಆಹಾರವನ್ನು ಪಡೆಯುವ ಗುಂಪಿನಲ್ಲಿ ಈ ಪ್ರಮಾಣವು ಶೇ.71 ಮತ್ತು ಶೇ.58ರಷ್ಟು ಔಷಧ ಚಿಕಿತ್ಸೆ ಮೂಲಕ ಪರಿಹಾರ ಕಂಡುಕೊಂಡಿದ್ದಾರೆ.
ಅಧ್ಯಯನದ ಪ್ರಕಾರ, ಎಲ್ಲಾ ಗುಂಪಿನಲ್ಲಿ ಈ ಚಿಕಿತ್ಸೆಯು ಉತ್ತಮ ಗುಣಮಟ್ಟದ ಜೀವನ, ಕಡಿಮೆ ದೈಹಿಕ ಸಮಸ್ಯೆ ಮತ್ತು ಆತಂಕ ಮತ್ತು ಖಿನ್ನತೆಯ ಕಡಿಮೆ ಚಿಹ್ನೆಗಳು ವರದಿ ಮಾಡಿದೆ. (ಐಎಎನ್ಎಸ್)
ಇದನ್ನೂ ಓದಿ: ಇರಿಟೇಬಲ್ ಬೋವೆಲ್ ಸಿಂಡ್ರೋಮ್ಗೆ ಏನು ಕಾರಣ?: ರೋಗಲಕ್ಷಣ ನಿಯಂತ್ರಿಸಲು ಆಹಾರ ಪದ್ಧತಿ ಹೀಗಿರಲಿ!
