ನವದೆಹಲಿ: ಮಧುಮೇಹಿಗಳಲ್ಲಿನ ಸಕ್ಕರೆ ಅಂಶ ದಿಢೀರ್ ಏರಿಕೆ ಅಪಾಯಕಾರಿ ಆಗಿದೆ ಎಂದು ಆರೋಗ್ಯ ತಜ್ಞರು ತಿಳಿಸಿದ್ದಾರೆ. ಅದರಲ್ಲೂ ರೋಗಿಗಳ ಸಕ್ಕರೆ ಮಟ್ಟ 300 ದಾಟಿದರೆ ಇದು ಅಪಾಯಕಾರಿ. ತಕ್ಷಣಕ್ಕೆ ಈ ಸಂದರ್ಭದಲ್ಲಿ ವೈದ್ಯಕೀಯ ನಿರ್ವಹಣೆ ಅಗತ್ಯವಾಗಿದೆ ಎಂದು ಡಾ ತಮೊರಿಶ್ ತಿಳಿಸಿದ್ದಾರೆ. ಭಾರತದಲ್ಲಿ ಮಧುಮೇಹಿಗಳ ಸಂಖ್ಯೆ ಹೆಚ್ಚುತ್ತಿದ್ದು, ಈ ನಿಟ್ಟಿನಲ್ಲಿ ಈ ಟಿವಿ ಭಾರತ್ ಈ ಅಂಶದ ಕುರಿತು ನೋಡಲು ಯತ್ನಿಸಿದ್ದು, ಈ ಕುರಿತು ತಜ್ಞರ ಅಭಿಮತ ಇಲ್ಲಿದೆ.
ಮಧುಮೇಹಕ್ಕೆ ಸಾಮಾನ್ಯ ಕಾರಣ ಏನು: ಭಾರತದಲ್ಲಿ ಮಧುಮೇಹಕ್ಕೆ ಕಾರಣವಾಗುವ ಮತ್ತು ಅದರ ಮೇಲೆ ಪರಿಣಾಮ ಬೀರುವ ಬಹಳಷ್ಟು ಅಂಶಗಳಿವೆ. ಅದರಲ್ಲಿ ಅನಾರೋಗ್ಯಕರ ತಿನ್ನುವ ಹವ್ಯಾಸ, ದೈಹಿಕ ಚಟುವಟಿಕೆ ಇಳಿಕೆ, ನಗರೀಕರಣ ಮತ್ತು ಒತ್ತಡ ಪ್ರಮುಖವಾಗಿದೆ. ದಟ್ಟವಾದ ಕ್ಯಾಲೋರಿ, ಹೆಚ್ಚಿನ ಫಾಸ್ಟ್ ಫುಡ್ ತಿನ್ನುವಿಕೆ ಅಭ್ಯಾಸ, ಜಢ ಜೀವನಶೈಲಿಯೂ ಮಧುಮೇಹದ ಅಪಾಯದ ಮೇಲೆ ಪ್ರಭಾವ ಬೀರುತ್ತದೆ. ಇದಕ್ಕಿಂತಲೂ ಮಾಲಿನ್ಯ ಮತ್ತು ಮಾನಸಿಕ ಆರೋಗ್ಯದ ಒತ್ತಡವೂ ದೀರ್ಘ ಪರಿಸ್ಥಿತಿಯೊಂದಿಗೆ ಸಂಬಂಧ ಹೊಂದಿದೆ. ವಯೋ ನಿರ್ಧಿಷ್ಟ ಪ್ರವೃತ್ತಿ ಅನುಸಾರ, 35 ರಿಂದ 49 ವರ್ಷದರೆಗಿನ ಅತಿ ಹೆಚ್ಚು, 15- 19 ವರ್ಷದ ಯುವ ಜನತೆಯಲ್ಲಿ ಕಡಿಮೆ ಮಧುಮೇಹದ ಅಪಾಯದ ಪ್ರಮಾಣದಲ್ಲಿದೆ.
ಯಾವಾಗ ಮಧುಮೇಹದ ತೀವ್ರತೆ ಉಂಟಾಗುತ್ತದೆ: ಭಾರತದಲ್ಲಿನ ಬಹುತೇಕ ಮಧುಮೇಹಗಳು ಟೈಪ್ 2 ಆಗಿದೆ. ಟೈಪ್ 2 ಮಧುಮೇಹದಲ್ಲಿ ದೇಹವೂ ಸಾಕಷ್ಟು ಪ್ರಮಾಣದ ಇನ್ಸುಲಿನ್ ಬಿಡುಗಡೆ ಮಾಡುವುದಿಲ್ಲ ಅಥವಾ ಇನ್ಸುಲಿನ್ ಪ್ರತಿರೋಧವನ್ನು ಹೊಂದಿರುತ್ತದೆ. ಟೈಪ್ 2 ರೋಗಿಗಳು ತೀವ್ರತರಹವಾದ ಸಮಸ್ಯೆಗಳಾದ ಡಯಾಬಿಟಿಕ್ ಕೀಟೋ ಆಸಿಡೋಸಿಸ್ ಅಥವಾ ಹೈಪರೋಸ್ಮೊಲಾರ್ ಹೈಪರ್ಟೋನಿಕ್ ನಾನ್‌ಕೆಟೋಟಿಕ್ ಸ್ಥಿತಿಯಂತಹ ಹೆಚ್ಚಿನ ಸಕ್ಕರೆ ಪರಿಸ್ಥಿತಿಗಳು ಮತ್ತು ಹೈಪೊಗ್ಲಿಸಿಮಿಯಾದಂತಹ ಕಡಿಮೆ ಸಕ್ಕರೆ ಪರಿಸ್ಥಿತಿಗಳನ್ನು ಒಳಗೊಂಡಿರುತ್ತಾರೆ. ಈ ಪರಿಸ್ಥಿತಿಯಲ್ಲಿ ನಿಖರ ಪತ್ತೆ ಮತ್ತು ನಿರ್ವಹಣೆ ಅಗತ್ಯವಾಗಿದೆ. ಆದಾಗ್ಯೂ ಮಧುಮೇಹದ ಸಮಯ, ದೀರ್ಘಾವಧಿ ಸಮಸ್ಯೆಗಳು ಉಲ್ಬಣವಾಗುತ್ತದೆ. ದೀರ್ಘಾವಧಿಯ ಸಮಸ್ಯೆಗಳಲ್ಲಿ ಮೈಕ್ರೊವಸ್ಕಯೂಲರ್ ಮತ್ತು ಮಕ್ರೋವಸ್ಯೂಕುಲರ್, ನಾನ್ವಸ್ಕ್ಯೂಲರ್ ಸಂಕೀರ್ಣತೆ ಹೊಂದಿದೆ.
ಯಾವ ಹಂತದಲ್ಲಿ ಮಧುಮೇಹಿಗಳು ಇನ್ಸುಲಿನ್ ಪಡೆಯಬೇಕು: ಇದಕ್ಕೆ ನಿರ್ದಿಷ್ಟ ಮಟ್ಟ ಇಲ್ಲ. ವೈದ್ಯರು ರೋಗಿಯ ಪರಿಸ್ಥಿತಿ ಮೇಲೆ ನಿರ್ಧರಿಸುತ್ತಾರೆ. ಇನ್ಸುಲಿನ್ ಪಡೆಯುತ್ತಿರುವವರು ವೈದ್ಯರ ಸಲಹೆ ಪಡೆಯದೇ ಇದನ್ನು ನಿಲ್ಲಿಸುವಂತಿಲ್ಲ.
ಮಧುಮೇಹದ ಪ್ರಕರಣ: ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ ಪ್ರಕಾರ, ಮಧುಮೇಹಗಳು 15 - 49ವರ್ಷದಲ್ಲಿ ಕಂಡು ಬರುತ್ತದೆ. ಇನ್ನು ಪತ್ತೆಯಾದ ಮಧುಮೇಹ ಪ್ರಕರಣಗಳು 24.82ರಷ್ಟಿದೆ. ಇದರಲ್ಲಿ ಪುರುಷರ ಸಂಖ್ಯೆ 28.82ರಷ್ಟು ಮತ್ತು ಮಹಿಳೆಯರಲ್ಲಿ 24.22ರಷ್ಟಿದೆ.
ಭಾರತದಲ್ಲಿ ಮಧುಮೇಹದ ಅಪಾಯ ದರ: ಎರಡನೇ ಅತಿ ಹೆಚ್ಚು ಸಂಖ್ಯೆಯಲ್ಲಿ ಮಧುಮೇಹಿಗಳನ್ನು ಭಾರತ ಹೊಂದಿದೆ. 20 ರಿಂದ 79 ವರ್ಷದವರಲ್ಲಿ ಇದನ್ನು ಕಾಣಬಹುದಾಗಿದ್ದು, 2021ರಲ್ಲಿ 74.9 ಮಿಲಿಯನ್ ಮಧುಮೇಹಿಗಳಿದ್ದು, ಈ ಸಂಖ್ಯೆ 2045ರ ಹೊತ್ತಿಗೆ 124.9ರಷ್ಟು ಆಗಲಿದೆ. ಅಂದಾಜಿನ ಪ್ರಕಾರ, 2019ರಲ್ಲಿ ಭಾರತದಲ್ಲಿ ಮಧುಮೇಹದ ಸಾವಿನ ದರ ಲಕ್ಷ ಜನರಿಗೆ 27.35ರಷ್ಟಿದೆ.
ಇದನ್ನೂ ಓದಿ: ಭಾರತದ ದುಡಿಯುವ ವರ್ಗದಲ್ಲಿ ಕುರುಡುತನಕ್ಕೆ ಕಾರಣವಾಗುತ್ತಿರುವ ಮಧುಮೇಹ
