ನವದೆಹಲಿ: ಭಾರತದಲ್ಲಿ ಒಂದೇ ದಿನದಲ್ಲಿ 157 ಕೋವಿಡ್ 19 ಸೋಂಕಿನ ಪ್ರಕರಣಗಳು ಪತ್ತೆಯಾಗಿದ್ದು, ದೇಶದಲ್ಲಿ ಒಟ್ಟಾರೆ ಕೋವಿಡ್ ಸಕ್ರಿಯ ಪ್ರಕರಣಗಳ ಸಂಖ್ಯೆ 1,496 ಇದೆ ಎಂದು ಆರೋಗ್ಯ ಸಚಿವಾಲಯ ಬಿಡುಗಡೆ ಮಾಡಿದ ವರದಿ ತಿಳಿಸಿದೆ.
ಕೋವಿಡ್ನಿಂದಾಗಿ ಕಳೆದ 24 ಗಂಟೆಯಲ್ಲಿ ದೇಶದಲ್ಲಿ ಎರಡು ಸಾವು ವರದಿಯಾಗಿದ್ದು, ಛತ್ತೀಸ್ಗಢ ಮತ್ತು ಉತ್ತರ ಪ್ರದೇಶದಲ್ಲಿ ಸೋಂಕಿತ ವ್ಯಕ್ತಿಗಳು ಸಾವನ್ನಪ್ಪಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ಬುಧವಾರ ಬೆಳಗ್ಗೆ ಬಿಡುಗಡೆ ಮಾಡಿದ ವರದಿಯಲ್ಲಿ ಕಾಣಬಹುದಾಗಿದೆ. ಡಿಸೆಂಬರ್ 5ರಿಂದ ಏರಿಕೆ ಕಾಣುತ್ತಿದ್ದ ಕೋವಿಡ್ ಪ್ರಕರಣಗಳು ಇದೀಗ ಇಳಿಕೆಯ ಹಾದಿಯಲ್ಲಿದೆ. ಹವಾಮಾನ ಬದಲಾವಣೆಯಿಂದಾಗಿ ಜೆಎನ್.1 ಸೋಂಕು ವೇಗವಾಗಿ ಹರಡುತ್ತಿತ್ತು. ಡಿಸೆಂಬರ್ 5ರಂದು ಒಂದೇ ದಿನದಲ್ಲಿ 841 ಪ್ರಕರಣಗಳು ದಾಖಲಾಗಿದ್ದು, ಡಿಸೆಂಬರ್ 5 ರಿಂದ ಡಿಸೆಂಬರ್ 31ರವರೆಗೆ ಕೋವಿಡ್ ಪ್ರಕರಣದ ಏರಿಕೆ 0.2ರಷ್ಟಿತು.
ಕರ್ನಾಟಕ, ಕೇರಳ ಸೇರಿದಂತೆ 11 ರಾಜ್ಯದಲ್ಲಿ ಜೆಎನ್.1 ಸೋಂಕು ಪ್ರಬಲವಾಗಿ ಹರಡುವಿಕೆ ದರವನ್ನು ಹೊಂದಿತು. ಈ ಸೋಂಕು ವೇಗವಾಗಿ ಹರಡುವ ಸಾಮರ್ಥ್ಯ ಹೊಂದಿದ್ದು, ಜೀವ ಹಾನಿಯಂತಹ ಗಂಭೀರತೆ ಸೃಷ್ಟಿಸುವುದಿಲ್ಲ. ಆದರೆ, ಸೋಂಕಿನ ಮುನ್ನೆಚ್ಚರಿಕೆ ವಹಿಸುವಂತೆ ತಜ್ಞರು ಸಲಹೆ ನೀಡಿದ್ದರು.
ಸದ್ಯ ಲಭ್ಯವಿರುವ ದತ್ತಾಂಶದ ಅನುಸಾರ, ಇದೀಗ ದೇಶದಲ್ಲಿ ಕೋವಿಡ್ ಪ್ರಕರಣದ ಏರಿಕೆಯಲ್ಲಿ ಜೆಎನ್.1 ತಳಿ ಪ್ರಮುಖವಾಗಿಲ್ಲ. ಜೆಎನ್.1 ಸೋಂಕಿನಿಂದ ಆಸ್ಪತ್ರೆ ದಾಖಲೀಕರಣ ಮತ್ತು ಸಾವಿನ ಪ್ರಕರಣವೂ ಸಂಪೂರ್ಣವಾಗಿ ಇಳಿಕೆಯಾಗಿದೆ ಎಂದು ಮೂಲಗಳು ತಿಳಿಸಿದೆ.
ಭಾರತವೂ ಇದುವರೆಗೆ ಮೂರು ಕೋವಿಡ್ 19 ಅಲೆಗಳನ್ನು ಕಂಡಿದೆ. ಮೂರನೇ ಅಲೆಯು ಏಪ್ರಿಲ್ -ಜೂನ್ 2021ರಲ್ಲಿ ಡೆಲ್ಟಾ ಸೋಂಕಿನಿಂದ ಕಂಡಿತು. ಈ ವೇಳೆ ಡೆಲ್ಟಾ ಸೋಂಕ ಪ್ರತಿನಿತ್ಯ ಪ್ರಕರಣಗಳ ಏರಿಕೆ ಮತ್ತು ಸಾವಿಗೆ ಪ್ರಮುಖ ಕಾರಣವಾಗಿತ್ತು. ಈ ಮೂರನೇ ಅಲೆಯಲ್ಲಿ 4,14,188 ಪ್ರಕರಣಗಳು ದಾಖಲಾಗಿದ್ದು, 3,915 ಸಾವುಗಳು ವರದಿಯಾಗಿದ್ದವು. 2020ರಲ್ಲಿ ಆರಂಭವಾದ ಸಾಂಕ್ರಾಮಿಕತೆಯಿಂದ ದೇಶದಲ್ಲಿ 4.5 ಕೋಟಿ ಜನರು ಸೋಂಕಿಗೆ ತುತ್ತಾಗಿದ್ದು, 5.3 ಲಕ್ಷ ಜನರು ಸಾವನ್ನಪ್ಪಿದ್ದಾರೆ. ಸೋಂಕಿನಿಂದ 4.4 ಕೋಟಿ ಮಂದಿ ಚೇತರಿಕೆಯ ಕಂಡಿದ್ದು, ಚೇತರಿಕೆ ದರ 98.81ರಷ್ಟಿದೆ ಎಂದು ಆರೋಗ್ಯ ಸಚಿವಾಲಯದ ವೆಬ್ಸೈಟ್ ತಿಳಿಸಿದೆ. ಮಾಹಿತಿ ಅನುಸಾರ ದೇಶದಲ್ಲಿ ಇದುವರೆಗೆ 2,20,67 ಕೋಟಿ ಡೋಸ್ ಕೋವಿಡ್ ಲಸಿಕೆಗಳನ್ನು ಇದುವರೆಗೂ ನೀಡಲಾಗಿದೆ.
ಇದನ್ನೂ ಓದಿ: ಕೋವಿಡ್ ಬಿಕ್ಕಟ್ಟಿನಿಂದಾದ ಆಹಾರ ಕೊರತೆಯಿಂದ ಶೇ 14ರಷ್ಟು ಮಕ್ಕಳಲ್ಲಿ ತೂಕ ಸಮಸ್ಯೆ; ಅಧ್ಯಯನ
