ಬಾಲಿವುಡ್ನ ಬೇಡಿಕೆಯ ಮತ್ತು ಪ್ರತಿಭಾನ್ವಿತ ನಟ ವಿಕ್ಕಿ ಕೌಶಲ್ ಮುಖ್ಯಭೂಮಿಕೆಯ 'ಬ್ಯಾಡ್ ನ್ಯೂಸ್' ಕಳೆದ ದಿನ ತೆರೆಕಂಡು ಮಿಶ್ರ ಪ್ರತಿಕ್ರಿಯೆ ಸ್ವೀಕರಿಸಿದೆ. ಆನಂದ್ ತಿವಾರಿ ನಿರ್ದೇಶನದ ಈ ಚಿತ್ರ ಬಹುತೇಕ ಮೆಚ್ಚುಗೆ ಸ್ವೀಕರಿಸಿದ್ದು, ಬಾಕ್ಸ್ ಆಫೀಸ್ ಪ್ರಯಾಣ ಉತ್ತಮವಾಗಿದೆ.
ಬ್ಯಾಡ್ ನ್ಯೂಸ್ ತೆರೆಕಂಡ ಮೊದಲ ದಿನ ಸರಿಸುಮಾರು 9 ಕೋಟಿ ರೂಪಾಯಿಗಳನ್ನು ಗಳಿಸಿದೆ ಎಂದು ಚಿತ್ರದ ನಿರ್ಮಾಪಕರು ತಿಳಿಸಿದ್ದಾರೆ ಎಂದು ವರದಿಗಳು ಸೂಚಿಸಿವೆ. ಆನಂದ್ ತಿವಾರಿ, ಹಿರೂ ಯಶ್ ಜೋಹರ್, ಕರಣ್ ಜೋಹರ್, ಅಪೂರ್ವ ಮೆಹ್ತಾ ಮತ್ತು ಅಮೃತಪಾಲ್ ಸಿಂಗ್ ಬಿಂದ್ರಾ ಅವರ ಸಹ - ನಿರ್ಮಾಣವಿರುವ ಈ ಚಿತ್ರದ ವಾರಾಂತ್ಯದ ಗಳಿಕೆ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ.
ಬಾಲಿವುಡ್ನ ಖ್ಯಾತ ಚಲನಚಿತ್ರ ನಿರ್ಮಾಪಕ-ನಿರ್ದೇಶಕ ಕರಣ್ ಜೋಹರ್ ಅವರ ಧರ್ಮ ಪ್ರೊಡಕ್ಷನ್ಸ್, ಸಿನಿಮಾದ ಮೊದಲ ದಿನದ ಕಲೆಕ್ಷನ್ ಮಾಹಿತಿಯನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದೆ. "ಅಭಿನಂದನೆಗಳು, ಮೊದಲ ದಿನವೇ ಬ್ಯಾಡ್ ನ್ಯೂಸ್ ಎಲ್ಲರ ಮನ ಗೆದ್ದಿದೆ" ಎಂದು ಬರೆದುಕೊಂಡಿದ್ದಾರೆ. ಪೋಸ್ಟರ್ ಜೊತೆಗೆ, 8.62 ಕೋಟಿ ರೂ. ಕಲೆಕ್ಷನ್ (Net collection) ಆಗಿದೆ ಎಂದು ಚಲನಚಿತ್ರ ನಿರ್ಮಾಣ ಸಂಸ್ಥೆ ಘೋಷಿಸಿದೆ.
ಚಿತ್ರವೊಂದರ ಗಳಿಕೆಯ ಈ ಅಂಕಿ - ಅಂಶ ಗಮನಾರ್ಹ. ಇತ್ತೀಚೆಗೆ, ಆರಂಭಿಕ ದಿನದಂದು ಈ ಅಂಕಿ - ಅಂಶವನ್ನು ಮೀರಿದ ಕೊನೆಯ ಬಾಲಿವುಡ್ ಚಿತ್ರವೆಂದರೆ 'ಬಡೇ ಮಿಯಾನ್ ಚೋಟೆ ಮಿಯಾನ್'. ಈ ಸಿನಿಮಾ 16 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು. ಅದಾಗ್ಯೂ ಶೀಘ್ರದಲ್ಲೇ ಕಲೆಕ್ಷನ್ ಕುಸಿಯಿತು.
ಬ್ಯಾಡ್ ನ್ಯೂಸ್ ತನ್ನ ಕಲೆಕ್ಷನ್ನೊಂದಿಗೆ ನಾಯಕ ನಟ ವಿಕ್ಕಿ ಕೌಶಲ್ ಅವರ ಹಿಂದಿನ ಚಿತ್ರಗಳ ಮೊದಲ ದಿನದ ವ್ಯವಹಾರದ ದಾಖಲೆಗಳನ್ನು ಪುಡಿಗಟ್ಟಿದೆ. 'ಬ್ಯಾಡ್ ನ್ಯೂಸ್' ಈವರೆಗೆ, ತೆರೆಕಂಡ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ವಿಕ್ಕಿ ಕೌಶಲ್ ಅವರ ಮೊದಲ ಚಿತ್ರವಾಗಿದೆ.
ತೆರೆಕಂಡ ದಿನ ಅತಿಹೆಚ್ಚು ಕಲೆಕ್ಷನ್ ಮಾಡಿದ ವಿಕ್ಕಿ ಕೌಶಲ್ ಅವರ ಸಿನಿಮಾಗಳ ಪಟ್ಟಿ ಈ ಕೆಳಗಿನಂತಿದೆ.
- ಬ್ಯಾಡ್ ನ್ಯೂಸ್ (2024) - 8.62 ಕೋಟಿ ರೂ.
- ಉರಿ: ದಿ ಸರ್ಜಿಕಲ್ ಸ್ಟ್ರೈಕ್ (2019) - 8.25 ಕೋಟಿ ರೂ.
- ಸ್ಯಾಮ್ ಬಹದ್ದೂರ್ (2023) - 6.25 ಕೋಟಿ ರೂ.
- ಜರಾ ಹಟ್ಕೆ ಜರಾ ಬಚ್ಕೆ (2023) - 5.49 ಕೋಟಿ ರೂ.
- ಭೂತ್: ದಿ ಹಂಟೆಡ್ ಶಿಪ್ (2020) - 5.10 ಕೋಟಿ ರೂ.
- ದಿ ಗ್ರೇಟ್ ಇಂಡಿಯನ್ ಫ್ಯಾಮಿಲಿ (2023) - 1.40 ಕೋಟಿ ರೂ.
ಇದನ್ನೂ ಓದಿ: ಸುಶ್ಮಿತಾ ಸೇನ್ ಜೊತೆ ರೂಮರ್ ಬಾಯ್ಫ್ರೆಂಡ್ ರೋಹ್ಮನ್: ವಿಡಿಯೋ ವೈರಲ್ - Sushmita Sen Rohman Shawl
ವಿಕ್ಕಿ ಕೌಶಲ್ ಜೊತೆ ತೃಪ್ತಿ ದಿಮ್ರಿ, ಆ್ಯಮಿ ವಿರ್ಕ್ ಮತ್ತು ನೇಹಾ ಧೂಪಿಯಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅನನ್ಯಾ ಪಾಂಡೆ ಮತ್ತು ನೇಹಾ ಶರ್ಮಾ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
