ಅಕ್ಟೋಬರ್ 10ರಂದು ತೆರೆಕಂಡ ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಪ್ರಯಾಣ ಹೊಂದಿದೆ. ಇಂಡಿಯನ್ ಸಿನಿಮಾ ಇಂಡಸ್ಟ್ರಿಯ ಇಬ್ಬರು ಐಕಾನ್‌ಗಳಾದ ರಜನಿಕಾಂತ್ ಹಾಗೂ ಅಮಿತಾಭ್ ಬಚ್ಚನ್ ಬರೋಬ್ಬರಿ 30 ವರ್ಷಗಳ ಬಳಿಕ ತೆರೆಹಂಚಿಕೊಂಡ ತಮಿಳು ಆ್ಯಕ್ಷನ್ ಡ್ರಾಮಾ 'ವೆಟ್ಟೈಯನ್' ಗುರುವಾರ ತೆರೆಕಂಡು, ಬಹುತೇಕ ಉತ್ತಮ ಪ್ರತಿಕ್ರಿಯೆಗಳನ್ನು ಪಡೆದುಕೊಂಡಿದೆ. ಟಿ.ಜೆ ಜ್ಞಾನವೆಲ್ ನಿರ್ದೇಶನದ ವೆಟ್ಟೈಯನ್ ಯಶಸ್ಸು ಈ ಚಿತ್ರದ ಕಲಾವಿದರಿಗೆ ಮಾತ್ರವಲ್ಲದೇ ರಾಷ್ಟ್ರದಾದ್ಯಂತದ ಸಿನಿಪ್ರಿಯರು ಮತ್ತು ಅಭಿಮಾನಿಗಳಿಗೆ ಮಹತ್ವದ, ಸಂಭ್ರಮಾಚರಣೆಯ ಕ್ಷಣವಾಗಿದೆ.
ವೆಟ್ಟೈಯನ್ ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ ಅತ್ಯುತ್ತಮ ಆರಂಭ ಕಂಡಿದೆ. ವಾರದ ನಡುವೆ ತೆರೆ ಕಂಡರೂ ಕೂಡಾ ಸರಿಸುಮಾರು 64 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಚಿತ್ರ ಸರಿ ಸುಮಾರು 30ಕ್ಕೂ ಕೋಟಿ ರೂಪಾಯಿಗಳನ್ನು ಗಳಿಸಿದೆ. ತಮಿಳುನಾಡಿನವರಿಂದಲೇ 20.50 ಕೋಟಿ ರೂಪಾಯಿಗಳು ಬಂದಿವೆ. ಸಾಗರೋತ್ತರ ಪ್ರದೇಶಗಳಲ್ಲಿ ಸಿನಿಮಾ 27 ಕೋಟಿ ರೂ. (ಸುಮಾರು $3.2 ಮಿಲಿಯನ್) ಗಳಿಸಿದೆ. 2024ರಲ್ಲಿ ತಮಿಳು ಚಿತ್ರರಂಗದಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಎರಡನೇ ಸಿನಿಮಾವಾಗಿ ವೆಟ್ಟೈಯನ್ ಹೊರಹೊಮ್ಮಿದೆ. ಮೊದಲ ಸ್ಥಾನದಲ್ಲಿ ದಳಪತಿ ವಿಜಯ್ ಅವರ ಇತ್ತೀಚಿನ ಗೋಟ್ ಚಿತ್ರವಿದೆ.
2ನೇ ದಿನ ಸಿನಿಮಾ ತನ್ನ ಗಳಿಕೆಯಲ್ಲಿ ಕೊಂಚ ಕುಸಿತ ಕಂಡಿದೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಮಾಹಿತಿ ಪ್ರಕಾರ, ಚಿತ್ರ 50 ಕೋಟಿ ರೂಪಾಯಿಯ ಮೈಲಿಗಲ್ಲನ್ನು ದಾಟಿದೆ. ಕೇವಲ ಎರಡು ದಿನಗಳಲ್ಲಿ ಒಟ್ಟು 55.5 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಆದ್ರೆ ಮೊದಲ ದಿನದ ಅಂಕಿಅಂಶಕ್ಕೆ ಹೋಲಿಸಿದರೆ, ಎರಡನೇ ದಿನದ ಸಂಪಾದನೆಯಲ್ಲಿ ಕೊಂಚ ಇಳಿಕೆಯಾಗಿದೆ.
ಮೊದಲ ದಿನದ 'ವೆಟ್ಟೈಯನ್' ಕಲೆಕ್ಷನ್ ದಿನ: 31.7 ಕೋಟಿ ರೂಪಾಯಿ. (ಸ್ಯಾಕ್ನಿಲ್ಕ್ ಮಾಹಿತಿ, ಭಾರತದಲ್ಲಿ).
- ತಮಿಳು: 27.75 ಕೋಟಿ ರೂ.
- ತೆಲುಗು: 3.3 ಕೋಟಿ ರೂ.
- ಹಿಂದಿ: 0.6 ಕೋಟಿ ರೂ.
- ಕನ್ನಡ: 0.05 ಕೋಟಿ ರೂ.
ಎರಡನೇ ದಿನದ 'ವೆಟ್ಟೈಯನ್' ಕಲೆಕ್ಷನ್: 23.8 ಕೋಟಿ ರೂಪಾಯಿ.
- ತಮಿಳು: 21.35 ರೂ.
- ತೆಲುಗು: 2 ರೂ.
- ಹಿಂದಿ: 0.4 ರೂ.
- ಕನ್ನಡ: 0.05 ರೂ.
ಒಟ್ಟು: 55.5 ಕೋಟಿ ರೂಪಾಯಿ.
- ತಮಿಳು: 49.1 ಕೋಟಿ ರೂ.
- ತೆಲುಗು: 5.3 ಕೋಟಿ ರೂ.
- ಹಿಂದಿ: 1 ಕೋಟಿ ರೂ.
- ಕನ್ನಡ: 0.1 ಕೋಟಿ ರೂ.
ಇದನ್ನೂ ಓದಿ: ಸ್ವರ್ಗ ನರಕ ಒಂದಾಯ್ತು: ಶಿಶಿರ್ ಬಿಗ್ ಬಾಸ್ನ ಹೊಸ ಕ್ಯಾಪ್ಟನ್: ಕಿಚ್ಚನ ಪಂಚಾಯ್ತಿಯಲ್ಲಿಂದು ಹೈ ಡ್ರಾಮಾ?
ವೆಟ್ಟೈಯನ್ ಚಿತ್ರ ಪ್ರತಿಭಾವಂತ ತಾರಾಗಣವನ್ನು ಹೊಂದಿದೆ. ಸೌತ್ ಸೂಪರ್ ಸ್ಟಾರ್ ರಜನಿಕಾಂತ್ ಎಸ್ಪಿ ಅಜಿತ್ ಕುಮಾರ್ ಐಪಿಎಸ್ ಆಗಿ ಮತ್ತು ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಭ್ ಬಚ್ಚನ್ ಡಿಜಿಪಿ ಸತ್ಯದೇವ್ ಬ್ರಹ್ಮದತ್ ಪಾಂಡೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ಯಾಟ್ರಿಕ್ ಆಗಿ ದಕ್ಷಿಣ ಚಿತ್ರರಂಗದ ಖ್ಯಾತ ನಟ ಫಹಾದ್ ಫಾಸಿಲ್, ನಟ್ರಾಜ್ ಆಗಿ ರಾಣಾ ದಗ್ಗುಬಾಟಿ ಮತ್ತು ಥರಾ ಪಾತ್ರದಲ್ಲಿ ಮಂಜು ವಾರಿಯರ್ ನಟಿಸಿದ್ದಾರೆ. ತಮಿಳಿನಲ್ಲಿ ಅಮಿತಾಭ್ ಬಚ್ಚನ್ ಅವರ ಚೊಚ್ಚಲ ಚಿತ್ರವಿದು.
ಇದನ್ನೂ ಓದಿ: 'ವೆಟ್ಟೈಯನ್' ಕಲೆಕ್ಷನ್: ಅಮಿತಾಭ್ ಬಚ್ಚನ್, ರಜನಿಕಾಂತ್ ಸಿನಿಮಾ ಗಳಿಸಿದ್ದಿಷ್ಟು
