''ಪುಷ್ಪ 2: ದಿ ರೂಲ್'', ಈ ಸಾಲಿನ ಬಹುನಿರೀಕ್ಷಿತ ಚಿತ್ರಗಳಲ್ಲೊಂದು. ರಾಷ್ಟ್ರಪ್ರಶಸ್ತಿ ವಿಜೇತ ನಟ ಅಲ್ಲು ಅರ್ಜುನ್ ಹಾಗೂ ಬಹುಬೇಡಿಕೆ ನಟಿ ರಶ್ಮಿಕಾ ಮಂದಣ್ಣ ಅಭಿನಯದ ಈ ಸಿನಿಮಾ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ. ಇಂದು 'ಪುಷ್ಪ ಮಾಸ್ ಜಾತ್ರೆ' (Pushpa Mass Jaathara) ಶುರುವಾಗಲಿದೆ ಎಂದು ಚಿತ್ರತಂಡ ಘೋಷಿಸಿದ್ದು, ಸಿನಿಪ್ರಿಯರು ಕುತೂಹಲ ವ್ಯಕ್ತಪಡಿಸುತ್ತಿದ್ದಾರೆ.
ಏಪ್ರಿಲ್ 5 ನಾಯಕ ನಟಿ ರಶ್ಮಿಕಾ ಮಂದಣ್ಣ ಅವರ ಜನ್ಮದಿನ. ಏಪ್ರಿಲ್ 8 ನಾಯಕ ನಟ ಅಲ್ಲು ಅರ್ಜುನ್ ಅವರ ಜನ್ಮದಿನ. ಈ ಹಿನ್ನೆಲೆ, ಅಲ್ಲು ಅರ್ಜುನ್ ಅವರ ಜನ್ಮದಿನದವರೆಗೆ ಅದ್ಧೂರಿ ಆಚರಣೆಗೆ ಚಿತ್ರತಂಡ ಸಜ್ಜಾಗಿದೆ. ಸಿನಿಮಾಗೆ ಸಂಬಂಧಿಸಿದ ಗ್ಲಿಂಪ್ಸ್ ಹೊರಬೀಳಲಿದೆ ಎಂದು ಅಭಿಮಾನಿಗಳು ಉತ್ಸುಕರಾಗಿದ್ದಾರೆ.
ಅಲ್ಲು ಅರ್ಜುನ್ ಅವರ ಕೈ ಚಿತ್ರವನ್ನು ಒಳಗೊಂಡಿರುವ ಪೋಸ್ಟರ್ ಒಂದನ್ನು ನಿನ್ನೆ ಹಂಚಿಕೊಂಡಿದ್ದ ಮೈತ್ರಿ ಮೂವಿ ಮೇಕರ್ಸ್, 'ಪುಷ್ಪ ಮಾಸ್ ಜಾತ್ರೆ ಬಿಗಿನ್ಸ್ ಟುಮಾರೋ' ಎಂದು ಬರೆದುಕೊಂಡಿದೆ. ದೊಡ್ಡ ಘೋಷಣೆ ಇದೆ ಎಂಬ ಸುಳಿವನ್ನೂ ಪೋಸ್ಟರ್ನಲ್ಲಿ ಬಿಟ್ಟುಕೊಟ್ಟಿದೆ. ಪೋಸ್ಟ್ಗೆ ''ಇದು ವರ್ಷದ ಆ ಸಮಯ, ಪುಷ್ಪ ಮಾಸ್ ಜಾತ್ರೆ ಮಂಗಳವಾರ ಆರಂಭವಾಗಲಿದೆ. ಅತ್ಯಾಕರ್ಷಕ ಘೋಷಣೆ ಲೋಡ್ ಆಗುತ್ತಿದೆ. ಆಗಸ್ಟ್ 15ರಂದು ಪುಷ್ಪ 2 ಗ್ರ್ಯಾಂಡ್ ರಿಲೀಸ್ ಆಗಲಿದೆ" ಎಂದು ಕ್ಯಾಪ್ಷನ್ ಕೊಟ್ಟಿದೆ.
'ಪುಷ್ಪ 2: ದಿ ರೂಲ್' ಈ ವರ್ಷ ಬಿಡುಗಡೆಯಾಗಲಿರುವ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದಾಗಿದೆ. ಸಿನಿಮಾ ಬಿಡುಗಡೆಯ ಸುತ್ತಲಿನ ಉತ್ಸಾಹ ದೊಡ್ಡ ಮಟ್ಟದಲ್ಲಿದೆ. ಸಿನಿಮಾ ವೀಕ್ಷಿಸಲು ಕಾತುರದಿಂದ ಕಾಯುತ್ತಿದ್ದಾರೆ. ಆಗಸ್ಟ್ 15ರಂದು ಪುಷ್ಪ ಸೀಕ್ವೆಲ್ ಚಿತ್ರಮಂದಿರ ಪ್ರವೇಶಿಸಲಿದೆ. ಪ್ರಸ್ತುತ ಪೋಸ್ಟ್-ಪ್ರೊಡಕ್ಷನ್ ಕೆಲಸ ನಡೆಯುತ್ತಿದೆ.
ಇದನ್ನೂ ಓದಿ: ಹೊಸ ಪ್ರತಿಭೆಗಳ 'ಸಿಂಹಗುಹೆ' ಸಿನಿಮಾಗೆ ನಟ ಅನಿರುದ್ಧ್ ಸಾಥ್ - Simhaguhe
ಅಲ್ಲು ಅರ್ಜುನ್ ಅವರ ಹುಟ್ಟುಹಬ್ಬ ಹತ್ತಿರವಾಗುತ್ತಿದ್ದು, ಅಭಿಮಾನಿಗಳ ಸಂತಸಕ್ಕೆ ಮತ್ತಷ್ಟು ಕಾರಣಗಳಿವೆ. ಈ ಹಿಂದೆ ರಶ್ಮಿಕಾ ಮಂದಣ್ಣ, ಪುಷ್ಪ 2 ಚಿತ್ರ ಈ ಹಿಂದಿಗಿಂತಲೂ ದೊಡ್ಡದಾಗಲಿದೆ ಎಂದು ಸುಳಿವು ಬಿಟ್ಟುಕೊಟ್ಟಿದ್ದರು. ನಾಯಕ ನಟರ ಜನ್ಮದಿನಗಳಿರುವ ಹಿನ್ನೆಲೆ, ಟೀಸರ್ ಅಥವಾ ಗ್ಲಿಂಪ್ಸ್ ಹೊರಬೀಳುವ ಸಾಧ್ಯತೆಗಳಿವೆ. 2021ರಲ್ಲಿ ತೆರೆಕಂಡ 'ಪುಷ್ಪ: ದಿ ರೈಸ್' ಅಭೂತಪೂರ್ವ ಯಶಸ್ಸು ಕಂಡಿದ್ದು, ಪುಷ್ಪ 2: ದಿ ರೂಲ್ ಮೂಲಕ ಅಲ್ಲು ಅರ್ಜುನ್ ತೆರೆಗೆ ಮರಳಲಿದ್ದಾರೆ. ರಶ್ಮಿಕಾ ಮಂದಣ್ಣ ಅವರ ಬೇರೆ ಸಿನಿಮಾ ಈಗಾಗಲೇ ತೆರೆಕಂಡು ಯಶಸ್ವಿಯಾಗಿದೆ. ಸುಕುಮಾರ್ ನಿರ್ದೇಶನದ ಈ ಚಿತ್ರ ಎಪಿಕ್ ಮಾಸ್ ಎಂಟರ್‌ಟೈನರ್ ಆಗಲಿದೆ ಎಂದು ಭರವಸೆ ನೀಡಿದೆ. ಮೈತ್ರಿ ಮೂವಿ ಮೇಕರ್ಸ್ ನಿರ್ಮಿಸಿರುವ ಪುಷ್ಪ ಸ್ವಾತಂತ್ರ್ಯ ದಿನಾಚರಣೆ ಸಂದರ್ಭ ತೆರೆಕಾಣಲಿದೆ.
ಇದನ್ನೂ ಓದಿ: 'ವಾರ್-2'ನಲ್ಲಿ ಮತ್ತೊಬ್ಬ ತೆಲುಗು ಸ್ಟಾರ್: ಈ ಕ್ಯಾರೆಕ್ಟರ್ ತುಂಬಾ ಪವರ್‌ಫುಲ್ ಅಂತೆ! - War 2 Movie
