ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಮುಖ್ಯಭೂಮಿಕೆಯ ಸೈನ್ಸ್ ಫಿಕ್ಷನ್ ಸಿನಿಮಾ 'ಕಲ್ಕಿ 2898 ಎಡಿ' ನಿರೀಕ್ಷೆಯಂತೆ ಯಶ ಕಂಡಿದೆ. ಶಂಕರ್ ನಿರ್ದೇಶನದ 'ಇಂಡಿಯನ್ 2', ಸುಧಾ ಕೊಂಗರ ಅವರ 'ಸರ್ಫಿರಾ' ಮತ್ತು ಆನಂದ್ ತಿವಾರಿ ಆ್ಯಕ್ಷನ್ ಕಟ್ ಹೇಳಿರುವ 'ಬ್ಯಾಡ್ ನ್ಯೂಸ್'ನಂತಹ ಲೇಟೆಸ್ಟ್ ರಿಲೀಸ್ ಸಿನಿಮಾಗಳ ತೀವ್ರ ಪೈಪೋಟಿಯ ನಡುವೆಯೂ ನಾಗ್ ಅಶ್ವಿನ್ ನಿರ್ದೇಶನದ 'ಕಲ್ಕಿ 2898 ಎಡಿ' ಮಂಗಳವಾರದಂದು ಭಾರತೀಯ ಬಾಕ್ಸ್ ಆಫೀಸ್ನಲ್ಲಿ 1.77 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ.
ಸೋಮವಾರದ ಸಂಪಾದನೆಗೆ ಹೋಲಿಸಿದರೆ ಶೇ.7.27ರಷ್ಟು ಹೆಚ್ಚಳವಾಗಿದೆ. ಈ ಮೂಲಕ ಬಹುತಾರಾಗಣದ ಈ ಚಿತ್ರ ಭಾರತದಲ್ಲಿ 620 ಕೋಟಿ ರೂಪಾಯಿ ಗಡಿ ದಾಟಿದೆ. ಶಾರುಖ್ ಖಾನ್ ಮುಖ್ಯಭೂಮಿಕೆಯ ಬ್ಲಾಕ್ಬಸ್ಟರ್ 'ಜವಾನ್'ನ ಒಟ್ಟು ಕಲೆಕ್ಷನ್ 640 ಕೋಟಿ ರೂಪಾಯಿ ಮೀರಿಸಲು ಸಜ್ಜಾಗಿದೆ.
ಅದಾಗ್ಯೂ, 27ನೇ ದಿನದ ಚಿತ್ರದ ಗಳಿಕೆ ಗಮನಿಸಿದರೆ 'ಜವಾನ್' ಕಲೆಕ್ಷನ್ಗಿಂತ ಕೊಂಚ ಕಡಿಮೆ ಇದೆ. ಜವಾನ್ ತನ್ನ 27ನೇ ದಿನ 2.05 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು. ಇನ್ನೂ, ಈಗಿರುವ ಚಿತ್ರಗಳ ಜೊತೆಗೆ ಡೆಡ್‌ಪೂಲ್ ಮತ್ತು ವೊಲ್ವೆರಿನ್‌ನಂತಹ ಬಹುನಿರಿಕ್ಷಿತ ಚಿತ್ರಗಳು ಈ ವಾರ ಬಿಡುಗಡೆಯಾಗುತ್ತಿದ್ದು, ಕಲ್ಕಿ ಕಲೆಕ್ಷನ್ ಮತ್ತಷ್ಟು ಕುಸಿಯುವ ಸಾಧ್ಯತೆಯಿದೆ.
ಇನ್ನೂ, ಕಲ್ಕಿ 11 ದಿನಗಳ ಹಿಂದೆ ಜಾಗತಿಕವಾಗಿ 1,000 ಕೋಟಿ ರೂಪಾಯಿಯ ಗಡಿ ದಾಟಿದೆ. ಅತಿ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಲನಚಿತ್ರಗಳ ಪಟ್ಟಿಯಲ್ಲಿ ಭದ್ರ ಸ್ಥಾನ ಪಡೆದುಕೊಳ್ಳಲು ಚಿತ್ರ 1,100 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಬೇಕಿದೆ. ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಬ್ಲಾಕ್ಬಸ್ಟರ್ 'ಪಠಾಣ್' ಕಲೆಕ್ಷನ್ ಮೀರಿಸಿ ಐದನೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾವಾಗಿ ಹೊರಹೊಮ್ಮಿದೆ. ಅದಾಗ್ಯೂ, 1,160 ಕೋಟಿ ರೂಪಾಯಿಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿರುವ 'ಜವಾನ್' ಜಾಗತಿಕ ಕಲೆಕ್ಷನ್ ಮೀರಿಸುವ ಸಾಧ್ಯತೆಗಳು ಕಡಿಮೆ ಎನ್ನಲಾಗಿದೆ.
ಬ್ಲಾಕ್ ಬಸ್ಟರ್ ಸಿನಿಮಾಗಳ ಕಲೆಕ್ಷನ್ ಮಾಹಿತಿ:
| ಕ್ರ.ಸಂ | ಸಿನಿಮಾ (ಬಿಡುಗಡೆಯಾದ ವರ್ಷ) | ಜಾಗತಿಕ ಕಲೆಕ್ಷನ್ | ದೇಶೀಯ ಕಲೆಕ್ಷನ್ (Net) | ಭಾರತದಲ್ಲಾದ ಒಟ್ಟು ಕಲೆಕ್ಷನ್ | ಸಾಗರೋತ್ತರ ಪ್ರದೇಶಗಳ ಕಲೆಕ್ಷನ್ | ಸಿನಿಮಾ ಬಜೆಟ್ | ಬಾಕ್ಸ್ ಆಫೀಸ್ ಯಶಸ್ಸು |
|---|---|---|---|---|---|---|---|
| 1 | ಬಾಹುಬಲಿ 2: ದಿ ಕನ್‌ಕ್ಲೂಷನ್ (2017) | 1788.06 ಕೋಟಿ ರೂ. | 1030.42 ಕೋಟಿ ರೂ. | 1,416.9 ಕೋಟಿ ರೂ. | 371.16 ಕೋಟಿ ರೂ. | 250 ಕೋಟಿ ರೂ. | ಆಲ್ ಟೈಮ್ ಬ್ಲಾಕ್ಬಸ್ಟರ್ |
| 2 | ಕೆಜಿಎಫ್ ಚಾಪ್ಟರ್ 2 (2022) | 1,215 ಕೋಟಿ ರೂ. | 859.7 ಕೋಟಿ ರೂ. | 1000.85 ಕೋಟಿ ರೂ. | 214.15 ಕೋಟಿ ರೂ. | 100 ಕೋಟಿ ರೂ. | ಆಲ್ ಟೈಮ್ ಬ್ಲಾಕ್ಬಸ್ಟರ್ |
| 3 | ಆರ್ಆರ್ಆರ್ (2022) | 1,230 ಕೋಟಿ ರೂ. | 782.2 ಕೋಟಿ ರೂ. | 915.85 ಕೋಟಿ ರೂ. | 314.15 ಕೋಟಿ ರೂ. | 550 ಕೋಟಿ ರೂ. | ಬ್ಲಾಕ್ಬಸ್ಟರ್ |
| 4 | ಜವಾನ್ (2023) | 1,160 ಕೋಟಿ ರೂ. | 640.25 ಕೋಟಿ ರೂ. | 760 ಕೋಟಿ ರೂ. | 400 ಕೋಟಿ ರೂ. | 300 ಕೋಟಿ ರೂ. | ಆಲ್ ಟೈಮ್ ಬ್ಲಾಕ್ಬಸ್ಟರ್ |
| 5 | ಕಲ್ಕಿ 2898 ಎಡಿ (2024, ಚಿತ್ರಮಂದಿರಗಳಲ್ಲಿ ಪ್ರದರ್ಶನವಾಗುತ್ತಿದೆ) | 1,008 ಕೋಟಿ ರೂ. | 620.5 ಕೋಟಿ ರೂ. | 737 ಕೋಟಿ ರೂ. | 271 ಕೋಟಿ ರೂ. | 600 ಕೋಟಿ ರೂ. | ಬ್ಲಾಕ್ಬಸ್ಟರ್ |
(ಸಿನಿಮಾ ಇಂಡಸ್ಟ್ರಿ ಟ್ಯಾಕರ್ ಸ್ಯಾಕ್ನಿಲ್ಕ್ ಮಾಹಿತಿ).
ಇದನ್ನೂ ಓದಿ: ರೂಮರ್ ಲವ್ ಬರ್ಡ್ಸ್ ಅಗಸ್ತ್ಯ ನಂದಾ - ಸುಹಾನಾ ಖಾನ್ ಜೊತೆ ಜೂ.ಬಚ್ಚನ್: ವಿಡಿಯೋ - Abhishek Suhana Agastya
ನಾಗ್ ಅಶ್ವಿನ್ ನಿರ್ದೇಶನದ ಈ ಚಿತ್ರದಲ್ಲಿ ಪ್ರಭಾಸ್, ದೀಪಿಕಾ ಪಡುಕೋಣೆ, ಅಮಿತಾಭ್ ಬಚ್ಚನ್ ಮತ್ತು ಕಮಲ್ ಹಾಸನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
