ರಾಜ್ಕುಮಾರ್ ರಾವ್ ಮತ್ತು ಜಾಹ್ನವಿ ಕಪೂರ್ ಅಭಿನಯದ ಬಹು ನಿರೀಕ್ಷಿತ ಸ್ಪೋರ್ಟ್ಸ್ ಡ್ರಾಮಾ ಮಿಸ್ಟರ್ ಮಾಹಿ ಶೀಘ್ರದಲ್ಲೇ ಚಿತ್ರಮಂದಿರ ಪ್ರವೇಶಿಸಲಿದೆ. ಚಿತ್ರದ ಅಪ್ಡೇಟ್ಸ್ಗಾಗಿ ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದಾರೆ. ಅದರಂತೆ ಚಿತ್ರದಿಂದ ಪ್ರಮುಖ ನಟರ ಒಂದು ನೋಟ ಅನಾವರಣಗೊಂಡಿದ್ದು, ಪ್ರೇಕ್ಷಕರ ಕುತೂಹಲ ಮತ್ತಷ್ಟು ಹೆಚ್ಚಿದೆ.
2021ರ ಹಾರರ್ ಕಾಮಿಡಿ ಸಿನಿಮಾ 'ರೂಹಿ' ನಂತರ ಜಾಹ್ನವಿ ಮತ್ತು ರಾಜ್ಕುಮಾರ್ ತೆರೆ ಹಂಚಿಕೊಂಡಿರುವ ಚಿತ್ರವಿದು. ಹಾಗಾಗಿ ಚಿತ್ರದ ಮೇಲೆ ಸಾಕಷ್ಟು ಕುತೂಹಲವಿದೆ. ಇಂದು ನಾಯಕ ನಟಿ ತಮ್ಮ ಈ ಚಿತ್ರದಿಂದ ಒಂದೆರಡು ಪೋಸ್ಟರ್‌ಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.
ಒಂದು ಪೋಸ್ಟರ್‌ನಲ್ಲಿ ಜಾಹ್ನವಿ ಕಪೂರ್ ಮತ್ತು ರಾಜ್ಕುಮಾರ್ ರಾವ್ ಇಂಡಿಯನ್ ಕ್ರಿಕೆಟ್ ಜೆರ್ಸಿ ಧರಿಸಿದ್ದು, ಒಬ್ಬರಿಗೊಬ್ಬರು ಹತ್ತಿರದಲ್ಲಿ ನಿಂತು ಸಂತೋಷದ ಕ್ಷಣ ಕಳೆದಿದ್ದಾರೆ. ಅವರ ಮುಖದ ಮೇಲೆ ತ್ರಿವರ್ಣವನ್ನು ಚಿತ್ರಿಸಲಾಗಿದೆ. ಮತ್ತೊಂದು ಪೋಸ್ಟರ್‌ನಲ್ಲಿ, ಇಬ್ಬರೂ ಕ್ರಿಕೆಟ್ ಸ್ಟೇಡಿಯಂನ ಸ್ಟ್ಯಾಂಡ್‌ನಲ್ಲಿ ಸಂತೋಷದಿಂದ ಕಿರುಚುತ್ತಿರುವುದನ್ನು ಕಾಣಬಹುದು. ಆನ್ - ಸ್ಕ್ರೀನ್ ಪಾರ್ಟ್ನರ್ಶಿಪ್ ಕ್ಷಣವನ್ನು ಸೆರೆಹಿಡಿಯಲಾಗಿದೆ. ಪೋಸ್ಟರ್‌ಗಳಲ್ಲಿ "ಆ್ಯನ್ ಇಮ್ಪರ್ಫೆಕ್ಟ್ಲಿ ಪರ್ಫೆಕ್ಟ್ ಪಾರ್ಟ್ನರ್ಶಿಪ್" ಎಂದು ಬರೆಯಲಾಗಿದೆ.
ತಮ್ಮ ಅಫೀಶಿಯಲ್ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟರ್‌ಗಳನ್ನು ಹಂಚಿಕೊಂಡಿರುವ ಜಾಹ್ನವಿ, "ಮಿಸ್ಟರ್ ಆ್ಯಂಡ್ ಮಿಸಸ್ ಮಾಹಿ ಅವರನ್ನು ಭೇಟಿಯಾಗಿ, ಇವರಿಗೆ ಜೀವನವೇ ಕ್ರಿಕೆಟ್, ಕ್ರಿಕೆಟೇ ಜೀವನ. ಕ್ರಿಕೆಟ್ ನಂತರ, ಮಿಸ್ಟರ್ ಮಾಹಿ ತನ್ನ ಪ್ರೀತಿಯ ಹೆಂಡತಿಯನ್ನು ಮಾತ್ರ ಪ್ರೀತಿಸುತ್ತಾರೆ. ಮಿಸ್ಟರ್ ಆ್ಯಂಡ್ ಮಿಸಸ್ ಮಾಹಿ ಮೇ 31 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ" ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಪ್ರಿಯಾಂಕಾ ಚೋಪ್ರಾ ನಟನೆಯ ಹಾಲಿವುಡ್ ಚಿತ್ರ ಪೂರ್ಣ: ಸೆಟ್‌ನಿಂದ ಮಗಳೊಂದಿಗಿನ ವಿಡಿಯೋ ಶೇರ್ - Priyanka Chopra
ಝೀ ಸ್ಟುಡಿಯೋಸ್ ಮತ್ತು ಧರ್ಮ ಪ್ರೊಡಕ್ಷನ್ಸ್ ಪ್ರಸ್ತುತಪಡಿಸುತ್ತಿರುವ ಮಿಸ್ಟರ್ ಆ್ಯಂಡ್ ಮಿಸೆಸ್ ಮಾಹಿ ಚಿತ್ರವನ್ನು ಕರಣ್ ಜೋಹರ್, ಹಿರೂ ಯಶ್ ಜೋಹರ್, ಅಪೂರ್ವ ಮೆಹ್ತಾ ಮತ್ತು ಝೀ ಸ್ಟುಡಿಯೋಸ್ ಸೇರಿ ನಿರ್ಮಾಣ ಮಾಡಲಾಗಿದೆ. ನಿಖಿಲ್ ಮೆಹ್ರೋತ್ರಾ ಮತ್ತು ಶರಣ್ ಶರ್ಮಾ ಚಿತ್ರಕಥೆ ಬರೆದಿದ್ದು, ಸಿನಿಮಾ ಸ್ಟಾರ್ ಕ್ರಿಕೆಟರ್ ಮಹೇಂದ್ರ ಸಿಂಗ್ ಧೋನಿ ಅವರ ಜೀವನದಿಂದ ಸ್ಫೂರ್ತಿ ಪಡೆದಿದೆ. ಶರಣ್ ಶರ್ಮಾ ನಿರ್ದೇಶನದ ಚಿತ್ರವು ಇದೇ ಮೇ 31 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ರಾಜ್ಕುಮಾರ್ ರಾವ್ ಮತ್ತು ಜಾಹ್ನವಿ ಕಪೂರ್ ಬಾಲಿವುಡ್ನಲ್ಲಿ ಜನಪ್ರಿಯ ಆಗಿರುವ ಹಿನ್ನೆಲೆ ಈ ಚಿತ್ರ ಮೇಲೆ ಸಿನಿಪ್ರಿಯರು ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.
