ಹೈದರಾಬಾದ್: ತಮ್ಮ ಗರ್ಲ್ಫ್ರೆಂಡ್ ಸಬಾ ಆಜಾದ್ ನಟನೆಯ 'ಮಿನಿಮಮ್' ಚಿತ್ರಕ್ಕೆ ಬಾಲಿವುಡ್ ನಟ ಹೃತಿಕ್ ರೋಶನ್ ಪ್ರೋತ್ಸಾಹ ನೀಡಿದ್ದಾರೆ. 26ನೇ ಯುಕೆ ಏಷ್ಯನ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಚಿತ್ರ ಪ್ರದರ್ಶನದ ಕಾಣುತ್ತಿದ್ದು, ತಮ್ಮ ಗೆಳತಿಗೆ ಪ್ರೀತಿ, ಬೆಂಬಲ ವ್ಯಕ್ತಪಡಿಸಲು ನಟ ಹೃತಿಕ್ ಹಿಂದೆ ಬಿದ್ದಿಲ್ಲ. ನಟಿ, ಗಾಯಕಿಯಾಗಿ ಗುರುತಿಸಿಕೊಂಡಿರುವ ಸಬಾ ಆಜಾದ್ ಚಿತ್ರ ಯುಕೆ ಏಷ್ಯನ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಪ್ರದರ್ಶನ ಕಾಣುತ್ತಿರುವ ಹಿನ್ನಲೆ ನಟ ಹರ್ಷ ವ್ಯಕ್ತಪಡಿಸಿ, ತನ್ನ ಪ್ರೀತಿಯ ಮನದನ್ನೆಗೆ ಶುಭ ಕೋರಿದ್ದಾರೆ.
ಸಬಾ ನಟನೆಯ 'ಮಿನಿಮಮ್' ಚಿತ್ರಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದ ಹೃತಿಕ್ ರೋಶನ್, ಇದೀಗ ಇನ್ಸ್ಟಾಗ್ರಾಂನಲ್ಲಿ ಆಕೆಯನ್ನು ಮನಸಾರೆ ಹೊಗಳಿ, ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಇನ್ಸ್ಟಾಗ್ರಾಂನ ಸ್ಟೋರಿಯಲ್ಲಿ ಚಿತ್ರದ ಪೋಸ್ಟರ್ ಹಂಚಿಕೊಂಡಿದ್ದು, ಚಿತ್ರ 26ನೇ ಯುಕೆ ಏಷ್ಯನ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಪ್ರದರ್ಶನ ಕಾಣಲಿರುವ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.
ತಮ್ಮ ಗೆಳತಿ ಜೊತೆಗೆ ಚಿತ್ರ ತಂಡವನ್ನು ಹೊಗಳಿರುವ ನಟ ರೋಶನ್, ಚಿತ್ರದ ವೀಕ್ಷಣೆಯು ಅದ್ಬುತ ಅನುಭವ ಆಗಿರಲಿದೆ ಎಂಬ ಅಡಿಬರಹದ ಜೊತೆಗೆ ಕೈತಟ್ಟುವ ಮತ್ತು ಹೃದಯದ ಎಮೋಜಿಯೊಂದಿಗೆ ಪೋಸ್ಟ್ ಹಂಚಿಕೊಂಡಿದ್ದಾರೆ. ರುಮನಾ ಮೊಲ್ಲಾ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರದಲ್ಲಿ ಸಬಾ ಜೊತೆಗೆ ನಮಿತಾ ದಾಸ್, ಗೀತಾಂಜಲಿ ಕಲುಕರ್ಣಿ, ರುಮನ, ನಸೀರುದ್ದೀನ್ ಶಾ ನಟನೆ ಮಾಡುತ್ತಿದ್ದಾರೆ.
ಹಲವು ಸಮಯಗಳ ಡೇಟಿಂಗ್ ನಂತರ ಹೃತಿಕ್ ರೋಶನ್ ಮತ್ತು ಸಬಾ ಆಜಾದ್ ತಮ್ಮ ನಡುವಿನ ಸಂಬಂಧವನ್ನು ಇನ್ಸ್ಟಾಗ್ರಾಂ ಮೂಲಕ ಸಾರ್ವಜನಿಕವಾಗಿ ತಿಳಿಸಿದ್ದರು. ಈ ಇಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಸಾರ್ವಜನಿಕವಾಗಿ ಪರಸ್ಪರ ಅಭಿಮಾನ ವ್ಯಕ್ತಪಡಿಸುವ ಮೂಲಕ ತಮ್ಮ ನಡುವಿನ ಪ್ರೀತಿಯನ್ನು ವ್ಯಕ್ತಪಡಿಸುತ್ತಿದ್ದರು. ಜೊತೆಗೆ ಸಾರ್ವಜನಿಕ ಮತ್ತು ಖಾಸಗಿ ಸಮಾರಂಭದಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದೂ ಉಂಟು.
ವೃತ್ತಿ ಜೀವನದ ಕಡೆ ಗಮನಿಸುವುದಾದರೆ, ನಟ ಹೃತಿಕ್ ಇತ್ತೀಚಿಗೆ 'ಫೈಟರ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆಕ್ಷ್ಯನ್ ಥ್ರಿಲ್ಲರ್ನ ಈ ಸಿನಿಮಾದಲ್ಲಿ ನಟಿ ದೀಪಿಕಾ ಪಡುಕೋಣೆ, ಅನಿಲ್ ಕಪೂರ್, ಕರಣ್ ಸಿಂಗ್ ಗ್ರೋವರ್ ಮತ್ತಿತ್ತರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದರ ಹೊರತಾಗಿ 2019ರಲ್ಲಿ ತೆರೆಕಂಡಿದ್ದ ಅವರ ಚಿತ್ರ 'ವಾರ್'ನ ಎರಡನೇ ಭಾಗದಲ್ಲಿ ನಟ ಬ್ಯುಸಿಯಾಗಿದ್ದಾರೆ. ಈ ಚಿತ್ರದಲ್ಲಿ ಹೃತಿಕ್ ರೋಷನ್ ಜೊತೆ ಟೈಗರ್ಶ್ರಾಫ್, ವಾಣಿ ಕಪೂರ್ ನಟಿಸಿದ್ದಾರೆ.
ಇದನ್ನೂ ಓದಿ: ಬಿಗಿ ಭದ್ರತೆಯೊಂದಿಗೆ ಭಾರತಕ್ಕೆ ಮರಳಿದ ಸಲ್ಮಾನ್: ಕ್ಯಾಮರಾಗೆ ಪೋಸ್ ಕೊಡದೇ ತೆರಳಿದ ನಟ
