ಇಂದು ಛತ್ರಪತಿ ಶಿವಾಜಿ ಮಹಾರಾಜರ 395ನೇ ಜನ್ಮ ವಾರ್ಷಿಕೋತ್ಸವ ಹಿನ್ನೆಲೆ ದೇಶಾದ್ಯಂತ ಅವರ ಸ್ಮರಣೆಯಾಗುತ್ತಿದೆ. 1630ರ ಫೆಬ್ರವರಿ 19ರಂದು ಜನಿಸಿದ ಈ ಧೈರ್ಯಶಾಲಿ ಯೋಧ ರಾಜನಿಗೆ ಮರಾಠಾ ಸಾಮ್ರಾಜ್ಯವನ್ನು ಸ್ಥಾಪಿಸಿದ ಕೀರ್ತಿ ಸಲ್ಲುತ್ತದೆ. ಸ್ವರಾಜ್ಯ ಕನಸಿನೊಂದಿಗೆ, ದೇಶದ ಇತಿಹಾಸ ರೂಪಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದಾರೆ.
ಭಾರತದ ಅತ್ಯಂತ ಗೌರವಾನ್ವಿತ ಐತಿಹಾಸಿಕ ವ್ಯಕ್ತಿಗಳ ಪೈಕಿ ಗುರುತಿಸಿಕೊಂಡಿರುವ ಶಿವಾಜಿ, ತನ್ನ ಸೇನಾ ತಂತ್ರಗಳಿಗೆ, ವಿಶೇಷವಾಗಿ ಗೆರಿಲ್ಲಾ ಯುದ್ಧ, ಮತ್ತು ನ್ಯಾಯ, ಧರ್ಮ ಮತ್ತು ಆರ್ಥಿಕ ಬೆಳವಣಿಗೆಗೆ ಒತ್ತು ನೀಡಿ ಹೆಸರು ಮಾಡಿದ್ದಾರೆ. ಅವರ ಜೀವನದ ಮೇಲೆ ಬೆಳಕು ಚೆಲ್ಲುವ ಅನೇಕ ಚಿತ್ರಗಳು ಈಗಾಗಲೇ ಮೂಡಿಬಂದಿವೆ. ಮುಂಬರುವ 'ಭಾರತದ ಹೆಮ್ಮೆ: ಛತ್ರಪತಿ ಶಿವಾಜಿ ಮಹಾರಾಜ' ಚಿತ್ರ ಕೂಡಾ ಸಖತ್ ಸದ್ದು ಮಾಡುತ್ತಿದೆ.
'ಭಾರತದ ಹೆಮ್ಮೆ : ಛತ್ರಪತಿ ಶಿವಾಜಿ ಮಹಾರಾಜ' (2027): ಛತ್ರಪತಿ ಶಿವಾಜಿ ಮಹಾರಾಜರ 395ನೇ ಜನ್ಮ ವಾರ್ಷಿಕೋತ್ಸವ ಹಿನ್ನೆಲೆ ನಿರ್ದೇಶಕ ಸಂದೀಪ್ ಸಿಂಗ್ ಮರಾಠಾ ರಾಜನ ಪರಂಪರೆಯನ್ನು ಕೇಂದ್ರೀಕರಿಸುವ ಆಕರ್ಷಕ ಪೋಸ್ಟರ್ ಅನಾವರಣಗೊಳಿಸಿದ್ದಾರೆ. ತಮ್ಮ ವಿವಿಧ ಸೋಷಿಯಲ್ ಮೀಡಿಯಾ ಪ್ಲ್ಯಾಟ್ಫಾರ್ಮ್ಗಳಲ್ಲಿ, ಶಿವಾಜಿ ಮಹಾರಾಜರ ಶೌರ್ಯ ಮತ್ತು ಭಕ್ತಿಯನ್ನು ಪ್ರದರ್ಶಿಸುವ ಫಸ್ಟ್ ಲುಕ್ ಪೋಸ್ಟರ್ ಹಂಚಿಕೊಂಡಿದ್ದಾರೆ. 2027ರ ಜನವರಿ 21ರಂದು ಜಾಗತಿಕ ಮಟ್ಟದಲ್ಲಿ ಸಿನಿಮಾ ಬಹುಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ.
ಮಿ ಶಿವಾಜಿರಾಜೇ ಭೋಸಲೆ ಬೋಲ್ಟೊಯ್ (2009) : ಶಿವಾಜಿ ಮಹಾರಾಜರ ಜೀವನವನ್ನು ಆಧರಿಸಿದ ಅತ್ಯಂತ ಜನಪ್ರಿಯ ಮರಾಠಿ ಚಲನಚಿತ್ರಗಳಲ್ಲಿ ಒಂದಾದ ಮಿ ಶಿವಾಜಿರಾಜೇ ಭೋಸಲೆ ಬೋಲ್ಟೊಯ್ ಮರಾಠಾ ರಾಜನ ತತ್ವಗಳಿಗೆ ಸಂದ ಗೌರವವಾಗಿದೆ. ಈ ಸಿನಿಮಾ ಆಧುನಿಕ ಭಾರತದ ವ್ಯವಹಾರಗಳ ಸ್ಥಿತಿಯಿಂದ ಹತಾಶೆಗೊಂಡ ಸಾಮಾನ್ಯ ವ್ಯಕ್ತಿ ದಿನಕರ್ ಭೋಸಲೆ (ಸಚಿನ್ ಖೇಡೇಕರ್ ಈ ಪಾತ್ರವನ್ನು ನಿರ್ವಹಿಸಿದ್ದಾರೆ) ಸುತ್ತ ಸುತ್ತುತ್ತದೆ. ಅವರು ಶಿವಾಜಿ ಮಹಾರಾಜರ ಬೋಧನೆಯಿಂದ ಜಾಗೃತರಾಗುತ್ತಾರೆ. ಈ ಚಿತ್ರವು ಒಂದು ಸ್ಫೂರ್ತಿದಾಯಕ ಕಥಾಹಂದರವನ್ನೊಳಗೊಂಡಿದ್ದು, ಶಿವಾಜಿಯ ಆಳ್ವಿಕೆಯ ನ್ಯಾಯ, ಗೌರವ ಮತ್ತು ಧೈರ್ಯದ ಆದರ್ಶಗಳನ್ನು ಅಳವಡಿಸಿಕೊಳ್ಳಲು ಪ್ರೇಕ್ಷಕರನ್ನು ಒತ್ತಾಯಿಸುತ್ತದೆ.
ಛತ್ರಪತಿ ಶಿವಾಜಿ (1952) : ಈ ಹಿಂದಿ ಸಿನಿಮಾ ಮರಾಠಾ ರಾಜನ ಜನನದಿಂದ ಹಿಡಿದು ಪಟ್ಟಾಭಿಷೇಕ ಮತ್ತು ಮರಾಠಾ ಸಾಮ್ರಾಜ್ಯವನ್ನು ಸ್ಥಾಪಿಸುವವರೆಗಿನ ಕಥೆಯನ್ನು ಒಳಗೊಂಡಿದೆ. ಕೆ.ಬಿ. ಲಾಲ್ ನಿರ್ದೇಶನದ ಈ ಚಿತ್ರದಲ್ಲಿ ಚಂದ್ರಕಾಂತ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ. ಸೇನಾ ಕಾರ್ಯಾಚರಣೆಗಳು, ಸಾಮ್ರಾಜ್ಯದ ಸ್ಥಾಪನೆ ಮತ್ತು ಧರ್ಮವನ್ನು ಎತ್ತಿಹಿಡಿಯುವಲ್ಲಿ ಅವರ ಪ್ರಯತ್ನಗಳನ್ನು ಇಲ್ಲಿ ಕಟ್ಟಿಕೊಡಲಾಗಿದೆ.
ಮರಾಠಾ ತಿಟುಕ ಮೆಲ್ವಾವ (1964) : ಇದು ಭಾಲ್ಜಿ ಪೆಂಧಾರ್ಕರ್ ಅವರ ಮರಾಠಿ ಚಿತ್ರವಾಗಿದೆ. ಸಿನಿಮಾ ಶಿವಾಜಿ ಮಹಾರಾಜರ ಆಡಳಿತ, ಅವರ ಬುದ್ಧಿವಂತಿಕೆ ಮತ್ತು ಅವರ ಶೌರ್ಯವನ್ನು ಎತ್ತಿ ಹಿಡಿದಿದೆ. ಆರಂಭಿಕ ಜೀವನವನ್ನು ಆಧರಿಸಿರುವ ಈ ಸಿನಿಮಾ, ತಾಯಿ ಜೀಜಾಬಾಯಿ ಶಿವಾಜಿ ಮೇಲೆ ಬೀರಿದ ಪ್ರಭಾವವನ್ನು ಕೇಂದ್ರೀಕರಿಸಿದೆ.
ಇದನ್ನೂ ಓದಿ: ಶಿವಾಜಿ ಜಯಂತಿ: ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ಅಭಿನಯದ ಚಿತ್ರದಿಂದ ಪೋಸ್ಟರ್ ರಿಲೀಸ್
ಛಾವಾ (2025) : ಪ್ರಸ್ತುತ ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿರುವ ಐತಿಹಾಸಿಕ ಸಾಹಸ ಚಿತ್ರ 'ಛಾವಾ', ಶಿವಾಜಿ ಮಹಾರಾಜರ ಪುತ್ರ ಛತ್ರಪತಿ ಸಂಭಾಜಿ ಮಹಾರಾಜರ ಕಥೆಯನ್ನೊಳಗೊಂಡಿದೆ. ವಿಕ್ಕಿ ಕೌಶಲ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಮತ್ತು ಅಕ್ಷಯ್ ಖನ್ನಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದು ಮೊಘಲ್ ಸಾಮ್ರಾಜ್ಯದ ವಿರುದ್ಧ, ವಿಶೇಷವಾಗಿ ಚಕ್ರವರ್ತಿ ಔರಂಗಜೇಬನ ವಿರುದ್ಧ ಸಂಭಾಜಿಯ ಶೌರ್ಯವನ್ನು ಚಿತ್ರಿಸಿದೆ. ಲಕ್ಷ್ಮಣ್ ಉಟೇಕರ್ ನಿರ್ದೇಶನದ ಈ ಚಿತ್ರವು ಶಿವಾಜಿ ಸಾವಂತ್ ಅವರ ಮರಾಠಿ ಕಾದಂಬರಿ ಛಾವಾವನ್ನು ಆಧರಿಸಿದೆ.
ಇದನ್ನೂ ಓದಿ: ₹165 ಕೋಟಿ ಗಳಿಸಿದ 'ಛಾವಾ' : ರಶ್ಮಿಕಾ, ವಿಕ್ಕಿ ಸಿನಿಮಾದ ಜಾಗತಿಕ ಕಲೆಕ್ಷನ್ ಎಷ್ಟು?
ಹರ್ ಹರ್ ಮಹಾದೇವ್ (2022) : ಮರಾಠಿ ಭಾಷೆಯ ಐತಿಹಾಸಿಕ ಸಾಹಸ ಚಿತ್ರ ಹರ್ ಹರ್ ಮಹಾದೇವ್, ಮರಾಠಾ ಯೋಧ ಬಾಜಿ ಪ್ರಭು ದೇಶಪಾಂಡೆ ಅವರ ಸ್ಫೂರ್ತಿದಾಯಕ ಕಥೆಯನ್ನು ಒಳಗೊಂಡಿದೆ. ಅಭಿಜೀತ್ ದೇಶ್ಪಾಂಡೆ ನಿರ್ದೇಶನದ ಈ ಚಿತ್ರವು ಮರಾಠಾ ಸೈನಿಕರ ಶೌರ್ಯ ಮತ್ತು ರಾಜನ ಮೇಲೆ ಅವರು ಹೊಂದಿದ್ದ ಅಚಲ ನಿಷ್ಠೆಯನ್ನು ಚಿತ್ರಿಸಿದೆ.
