'ಫೈಟರ್'​​ನ 1 ಲಕ್ಷಕ್ಕೂ ಹೆಚ್ಚು ಟಿಕೆಟ್​ ಸೇಲ್​: 4 ಕೋಟಿ ರೂ ವ್ಯವಹಾರ!

Fighter: ಮೊದಲ ದಿನ ಸಿನಿಮಾ ವೀಕ್ಷಿಸಲು ಒಟ್ಟು 1,26,985 ಟಿಕೆಟ್‌ಗಳು ಸೇಲ್​ ಆಗಿದ್ದು, 4.06 ಕೋಟಿ ರೂಪಾಯಿಯ ವ್ಯವಹಾರ ನಡೆದಿದೆ.

ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆ ಅಭಿನಯದ ಬಹುನಿರೀಕ್ಷಿತ ಚಿತ್ರ 'ಫೈಟರ್' ಬಿಡುಗಡೆಗೆ ಸಜ್ಜಾಗಿದೆ. ಸಿನಿಮಾ ಉತ್ತಮ ಅಂಕಿ ಅಂಶಗಳೊಂದಿಗೆ ಬಾಕ್ಸ್​ ಆಫೀಸ್​ ಪ್ರಯಾಣ ಪ್ರಾರಂಭಿಸುವ ಎಲ್ಲ ಲಕ್ಷಣಗಳಿವೆ. ​​ಸಿನಿಮಾ ಇಂಡಸ್ಟ್ರಿ ಟ್ಯಾಕರ್ ಸ್ಯಾಕ್ನಿಲ್ಕ್ ವರದಿ ಪ್ರಕಾರ, ಇದೇ ಜನವರಿ 25 ರಂದು ತೆರೆಕಾಣಲಿರುವ 'ಫೈಟರ್' ಸಿನಿಮಾದ ಅಡ್ವಾನ್ಸ್ ಬುಕಿಂಗ್ಸ್ ಮೂಲಕ ಮೊದಲ ದಿನಕ್ಕೆ 4.06 ಕೋಟಿ ರೂ. ಕಲೆಕ್ಷನ್​ ಮಾಡಿದೆ.

ಭಾರತದಾದ್ಯಂತ ಚಿತ್ರದ ಮೊದಲ ದಿನ ಸಿನಿಮಾ ವೀಕ್ಷಿಸಲು ಒಟ್ಟು 1,26,985 ಟಿಕೆಟ್‌ಗಳು ಮಾರಾಟವಾಗಿವೆ ಎಂದು 'ಸ್ಯಾಕ್ನಿಲ್ಕ್' ವರದಿ ಮಾಡಿದೆ. ಮುಂಗಡ ಬುಕಿಂಗ್‌ ವಿಚಾರದಲ್ಲಿ ಮಹಾರಾಷ್ಟ್ರ, ಕರ್ನಾಟಕ, ತೆಲಂಗಾಣ, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ ಮತ್ತು ದೆಹಲಿ ಮುಂಚೂಣಿಯಲ್ಲಿದೆ.

ದೇಶಾದ್ಯಂತ ಫೈಟರ್​ ಸಿನಿಮಾ ಕ್ರೇಜ್​​​ ಜೋರಾಗಿಯೇ ಇದೆ. ಸಿನಿಮಾ ಮೇಲಿನ ಪ್ರೇಕ್ಷಕರ ನಿರೀಕ್ಷೆ ಕೊಂಚ ಹೆಚ್ಚೇ ಇದೆ. ಭಾರತದ ಗಡಿ ದಾಟಿ, ಸಾಗರೋತ್ತರ ಪ್ರದೇಶಗಳಲ್ಲಿಯೂ ಸಿನಿಮಾ ಬೆಗೆಗಿನ ಉತ್ಸಾಹ ಎದ್ದು ಕಾಣುತ್ತಿದೆ. ಅಡ್ವಾನ್ಸ್ ಟಿಕೆಟ್ ಬುಕಿಂಗ್​ ವಿಚಾರದಲ್ಲಿ ಅಮೆರಿಕ, ಕೆನಡಾದಲ್ಲಿಯೂ ಸಹ ಅತ್ಯುತ್ತಮ ಅಂಕಿ - ಅಂಶಗಳು ದಾಖಲಾಗಿವೆ. ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ ಸಿನಿಮಾ ಈಗಾಗಲೇ $300K (ಅಡ್ವಾನ್ಸ್ ಬ್ಯುಸಿನೆಸ್​) ಅನ್ನು ಮೀರಿದೆ. ಇದು ವಿಕ್ರಮ್ ವೇದ ಮತ್ತು ವಾರ್​ನಂತಹ ಹೃತಿಕ್ ಅವರ ಹಿಂದಿನ ದಾಖಲೆಗಳನ್ನು ಮೀರಿಸುವ ನಿರೀಕ್ಷೆ ಇದೆ.

• #Fighter ADVANCE BOOKING STATUS…
  NOTE: Tickets sold for *Thu* / *Day 1* at NATIONAL CHAINS…
  
  ⭐️ #PVR + #INOX: 45,500
  ⭐️ #Cinepolis: 10,000
  ⭐️ Total: 55,500 tickets sold#HrithikRoshan #DeepikaPadukone #AnilKapoor #SiddharthAnand pic.twitter.com/Pzv2SfZWqe

  — taran adarsh (@taran_adarsh) January 23, 2024 " class="align-text-top noRightClick twitterSection" data="

  #Fighter ADVANCE BOOKING STATUS…
  NOTE: Tickets sold for *Thu* / *Day 1* at NATIONAL CHAINS…
  
  ⭐️ #PVR + #INOX: 45,500
  ⭐️ #Cinepolis: 10,000
  ⭐️ Total: 55,500 tickets sold#HrithikRoshan #DeepikaPadukone #AnilKapoor #SiddharthAnand pic.twitter.com/Pzv2SfZWqe

  — taran adarsh (@taran_adarsh) January 23, 2024

  ">

  #Fighter ADVANCE BOOKING STATUS…
  NOTE: Tickets sold for *Thu* / *Day 1* at NATIONAL CHAINS…
  
  ⭐️ #PVR + #INOX: 45,500
  ⭐️ #Cinepolis: 10,000
  ⭐️ Total: 55,500 tickets sold#HrithikRoshan #DeepikaPadukone #AnilKapoor #SiddharthAnand pic.twitter.com/Pzv2SfZWqe

  — taran adarsh (@taran_adarsh) January 23, 2024

ಸಿನಿಮಾ ವ್ಯವಹಾರ ವಿಶ್ಲೇಷಕ ತರಣ್ ಆದರ್ಶ್ ಸೋಷಿಯಲ್​ ಮೀಡಿಯಾ ಪ್ಲಾಟ್​ಫಾರ್ಮ್ ಎಕ್ಸ್​ನಲ್ಲಿ ಈ ಬಗ್ಗೆ ಪೋಸ್ಟ್ ಶೇರ್ ಮಾಡಿದ್ದಾರೆ. "ಫೈಟರ್ ಸಾಗರೋತ್ತರ ಪ್ರದೇಶಗಳಲ್ಲಿನ ಅಡ್ವಾನ್ಸ್ ಬುಕಿಂಗ್​​​: ಯುಎಸ್​ಎ/ಕೆನಡಾದಲ್ಲಿ ಉತ್ತಮವಾಗಿದೆ. ಪ್ರೀ ಸೇಲ್ಸ್​ ಬ್ಯುಸಿನೆಸ್​​ ಈಗಾಗಲೇ $ 300K ಅನ್ನು ದಾಟಿದೆ. ಹೃತಿಕ್ ರೋಷನ್ ಅವರ ಕೊನೆಯ ವಿಕ್ರಮ್ ವೇದ ($370K) ಮತ್ತು ವಾರ್ ($311K) ಸಿನಿಮಾಗಳ ಅಡ್ವಾನ್ಸ್ ಟಿಕೆಟ್ಸ್ ವ್ಯವಹಾರವನ್ನು ಸುಲಭವಾಗಿ ಮೀರಿಸುವ ನಿರೀಕ್ಷೆ ಇದೆ'' ಎಂದು ಬರೆದು ಕೊಂಡಿದ್ದಾರೆ.

2023ರ ಬ್ಲಾಕ್​ಬಸ್ಟರ್ ಸಿನಿಮಾ 'ಪಠಾಣ್​​' ನಿರ್ದೇಶಕ ಸಿದ್ಧಾರ್ಥ್ ಆನಂದ್ ನಿರ್ದೇನದ ಫೈಟರ್ ಚಿತ್ರದಲ್ಲಿ ಇದೇ ಮೋದಲ ಬಾರಿಗೆ ದೀಪಿಕಾ ಪಡುಕೋಣೆ ಮತ್ತು ಹೃತಿಕ್ ರೋಷನ್ ಸ್ಕ್ರೀನ್​ ಶೇರ್ ಮಾಡಿದ್ದಾರೆ. ಈ ಚಿತ್ರದ ಮೂಲಕ ರಣ್​ಬೀರ್​ ಕಪೂರ್ ಅವರ ಬಚ್ನಾ ಏ ಹಸೀನೋ (2008) ಮತ್ತು ಶಾರುಖ್ ಖಾನ್ ಅವರ ಪಠಾಣ್​​​ (2023) ನಂತರ ಸಿದ್ಧಾರ್ಥ್ ಆನಂದ್ ಅವರೊಂದಿಗೆ ನಟಿ ದೀಪೀಕಾ ಪಡುಕೋಣೆ ಮೂರನೇ ಬಾರಿ ಕೆಲಸ ಮಾಡಿದ್ದಾರೆ. ಹೃತಿಕ್ ಅವರಿಗೂ ಕೂಡ ಸಿದ್ಧಾರ್ಥ್ ಜೊತೆ ಇದು ಮೂರನೇ ಚಿತ್ರ. ಈ ಹಿಂದೆ ಕತ್ರಿನಾ ಕೈಫ್‌ ಜೊತೆಗಿನ ಬ್ಯಾಂಗ್ ಬ್ಯಾಂಗ್ (2014) ಮತ್ತು ಟೈಗರ್ ಶ್ರಾಫ್ ಜೊತೆಗಿನ ಆ್ಯಕ್ಷನ್-ಪ್ಯಾಕ್ಡ್ ಸಿನಿಮಾ ವಾರ್‌ (2019)ನಲ್ಲಿ ಹೃತಿಕ್​​-ಸಿದ್ದಾರ್ಥ್ ಒಟ್ಟಿಗೆ ಕೆಲಸ ಮಾಡಿದ್ದರು.

• " class="align-text-top noRightClick twitterSection" data="">

ಇದನ್ನೂ ಓದಿ: 'ಎಮರ್ಜೆನ್ಸಿ' ರಿಲೀಸ್​ ಡೇಟ್ ಅನೌನ್ಸ್: ತೆರೆ ಮೇಲೆ ಬರಲಿದೆ ಇಂದಿರಾ ಗಾಂಧಿ ಆಡಳಿತಾವಧಿ

'ಫೈಟರ್‌'ನಲ್ಲಿ ದೀಪಿಕಾ ಮತ್ತು ಹೃತಿಕ್ ಅಲ್ಲದೇ ಅನಿಲ್ ಕಪೂರ್, ಕರಣ್ ಸಿಂಗ್ ಗ್ರೋವರ್ ಮತ್ತು ಅಕ್ಷಯ್ ಒಬೆರಾಯ್ ಕೂಡ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಮಾರ್ಫ್ಲಿಕ್ಸ್ ಪಿಕ್ಚರ್ಸ್ ಸಹಯೋಗದೊಂದಿಗೆ ವಯಾಕಾಮ್​ 18 ಸ್ಟುಡಿಯೋಸ್ ನಿರ್ಮಾಣದ ಈ ಸಿನಿಮಾ ಗಣರಾಜ್ಯೋತ್ಸವಕ್ಕೂ ಒಂದು ದಿನ ಮುನ್ನ ಬಿಡುಗಡೆಯಾಗಲಿದೆ. 'ಫೈಟರ್' ಭಾರತೀಯ ಸಶಸ್ತ್ರ ಪಡೆಗಳ ತ್ಯಾಗ ಮತ್ತು ದೇಶಭಕ್ತಿಗೆ ಸೂಚಿಸುತ್ತಿರುವ ಗೌರವ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಶ್ರೀನಗರ ಕಣಿವೆಯಲ್ಲಿ ಉಗ್ರಗಾಮಿ ಚಟುವಟಿಕೆಗಳ ನಿಯಂತ್ರಣಕ್ಕೆ ನಿಯೋಜಿಸಲಾದ ಹೊಸ ಯೂನಿಟ್ 'ಏರ್ ಡ್ರ್ಯಾಗನ್‌'ಗಳ ಕಥೆಯನ್ನು ಫೈಟರ್​ ಮೂಲಕ ತೆರೆಮೇಲೆ ತರುವ ಪ್ರಯತ್ನ ಮಾಡಲಾಗಿದೆ.

ಇದನ್ನೂ ಓದಿ: 'ರಾಮಲಲ್ಲಾ' ಪ್ರಾಣ ಪ್ರತಿಷ್ಠಾಪನೆ: ದೇಶಾದ್ಯಂತ ಪ್ರಜ್ವಲಿಸಿದ 'ರಾಮಜ್ಯೋತಿ' - ಫೋಟೋಗಳಿಲ್ಲಿವೆ

ಸಿದ್ಧಾರ್ಥ್ ಆನಂದ್ ಅವರೊಂದಿಗೆ ದೀಪಿಕಾ ಪಡುಕೋಣೆ ಭಿನ್ನಾಭಿಪ್ರಾಯ ಹೊಂದಿದ್ದಾರೆಂಬ ಊಹಾಪೋಹ ಇತ್ತು. ವದಂತಿಗೆ ಫುಲ್​ ಸ್ಟಾಪ್​ ಇಟ್ಟಿರುವ ದೀಪಿಕಾ, ಫೈಟರ್‌ ಪ್ರಮೋಶನ್​ನಲ್ಲಿ ಬ್ಯುಸಿಯಾಗಿದ್ದಾರೆ. ಸಿನಿಮಾ ಇದೇ ಶುಕ್ರವಾರ ತೆರೆಕಾಣಲಿದೆ.