ಎರಡು ದಿನಗಳ ಹಿಂದೆ (ನವೆಂಬರ್ 19) ಸಂಗೀತ ದಿಗ್ಗಜ ಎ. ಆರ್ ರೆಹಮಾನ್ ಮತ್ತು ಸೈರಾ ಬಾನು ದಂಪತಿ 29 ವರ್ಷಗಳ ದಾಂಪತ್ಯ ಜೀವನಕ್ಕೆ ಫುಲ್ಸ್ಟಾಪ್ ಇಡುತ್ತಿರುವುದಾಗಿ ಘೋಷಿಸಿದರು. ಅವರ ಅನೌನ್ಸ್ಮೆಂಟ್ ಬೆನ್ನಲ್ಲೇ, ರೆಹಮಾನ್ ಅವರ ಬಾಸ್ ವಾದಕರಾದ ಮೋಹಿನಿ ಡೇ ಕೂಡಾ ಪತಿ ಮಾರ್ಕ್ ಹರ್ಟ್ಸಚ್‌ನಿಂದ ಬೇರೆಯಾಗುತ್ತಿರುವುದಾಗಿ ಅನೌನ್ಸ್ ಮಾಡಿದ್ರು. ಇವರು ಎ.ಆರ್ ರೆಹಮಾನ್ ಜೊತೆ ವಿಶ್ವದಾದ್ಯಂತ 40ಕ್ಕೂ ಹೆಚ್ಚು ಶೋಗಳಲ್ಲಿ ಭಾಗಿಯಾಗಿದ್ದಾರೆ. ಇಬ್ಬರ ವಿಚ್ಛೇದನ ಒಂದೇ ಸಮಯ ಘೋಷಣೆಯಾದ ಹಿನ್ನೆಲೆ, ಏನಾದ್ರು ಲಿಂಕ್ ಇದೆಯಾ ಎಂಬ ವದಂತಿಗಳು ಹರಡಲು ಪ್ರಾರಂಭಿಸಿದವು.
ಇದೀಗ, ರೆಹಮಾನ್ ಅವರ ವಕೀಲರಾದ ವಂದನಾ ಶಾ ಅವರು ಈ ಊಹಾಪೋಹಗಳನ್ನು ನಿರಾಕರಿಸಿದ್ದಾರೆ. ರೆಹಮಾನ್ ಮತ್ತು ಮೋಹಿನಿ ತಮ್ಮ ವಿಚ್ಛೇದನಗಳನ್ನು ಕೆಲವೇ ಗಂಟೆಗಳ ಅಂತರದಲ್ಲಿ ಘೋಷಿಸಿದ ಹಿನ್ನೆಲೆ, ಇಬ್ಬರ ಸಂಬಂಧದ ಸುತ್ತ ಊಹಾಪೋಹಗಳು ಎದ್ದಿದ್ದವು.
“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…
— A.R.Rahman (@arrahman) November 19, 2024
ಸುದ್ದಿವಾಹಿನಿಯೊಂದಕ್ಕೆ ನೀಡಿದ ಹೇಳಿಕೆಯಲ್ಲಿ, "ಈ ವಿಚ್ಛೇದನಗಳ ನಡುವೆ ಯಾವುದೇ ಕನೆಕ್ಷನ್ ಇಲ್ಲ. ಸೈರಾ ಮತ್ತು ರೆಹಮಾನ್ ಪರಸ್ಪರ ಈ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಈ ಬಗ್ಗೆ ರೆಹಮಾನ್ ಮತ್ತು ಸೈರಾ ಇಬ್ಬರೂ ಅಗಾಧವಾಗಿ ಯೋಚಿಸಿದ ನಂತರವೇ ನಿರ್ಧಾರ ಕೈಗೊಂಡಿದ್ದಾರೆಂದು ವಕೀಲೆ ವಂದನಾ ಶಾ ಒತ್ತಿ ಹೇಳಿದರು.
ದಂಪತಿಯ ಪ್ರತ್ಯೇಕತೆಯು ಭಾವನಾತ್ಮಕ ಸವಾಲುಗಳನ್ನು ಆಧರಿಸಿದೆ. ಡಿವೋರ್ಸ್ಗೆ ಸಂಬಂಧಿಸಿದಂತೆ ಹಣಕಾಸಿನ ವಿಷಯಗಳ ಬಗ್ಗೆ ಯಾವುದೇ ಚರ್ಚೆ ನಡೆದಿಲ್ಲ ಎಂದು ವಕೀಲರು ತಿಳಿಸಿದ್ದಾರೆ. ಈ ಸವಾಲಿನ ಸಮಯದಲ್ಲಿ ರೆಹಮಾನ್ ಮತ್ತು ಸೈರಾ ಇಬ್ಬರ ಖಾಸಗಿತನವನ್ನು ಗೌರವಿಸುವಂತೆ ಮನವಿ ಮಾಡಿದರು.
ಮತ್ತೊಂದೆಡೆ ಪುತ್ರಿ ರಹೀಮಾ, ತಂದೆ ತಾಯಿಯ ವಿಚ್ಛೇದನ ಘೋಷಣೆಯ ನಂತರ 'ಕಷ್ಟ'ದ ಬಗ್ಗೆ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. ಪ್ರಶಾಂತ ಭೂದೃಶ್ಯದ ಚಿತ್ರದೊಂದಿಗೆ "ಪ್ರತೀ ಕಷ್ಟಗಳ ನಡುವೆಯೂ ಸುಲಭವಿದೆ. ನಿಮ್ಮ ಭಗವಂತ ನಿಮಗೆ ಎಲ್ಲವನ್ನೂ ನೀಡಲಿದ್ದಾನೆ ಮತ್ತು ನೀವು ತೃಪ್ತರಾಗಲಿದ್ದೀರಿ" ಎಂದಿದೆ. ಇನ್ನು ರೆಹಮಾನ್, ತಮ್ಮ ಪೋಸ್ಟ್ನಲ್ಲಿ ಪ್ರತ್ಯೇಕತೆಯ ನೋವನ್ನು ಒಪ್ಪಿಕೊಂಡಿದ್ದಾರೆ. ಜೊತೆಗೆ ಇದು ತಮ್ಮನ್ನು 'ಛಿದ್ರಗೊಳಿಸುವ' ನಿರ್ಧಾರ ಆಗಿದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ನಾನು ಸಿಂಗಲ್ ಆಗಿರುತ್ತೇನೆಂದು ಅನಿಸುತ್ತದೆಯೇ? ಲವ್ ಲೈಫ್ ಬಗ್ಗೆ ಬಾಯ್ಬಿಟ್ಟ ವಿಜಯ್ ದೇವರಕೊಂಡ
ರೆಹಮಾನ್ ಅವರ ಪೋಸ್ಟ್ನಲ್ಲಿ, 29 ವರ್ಷಗಳ ದಾಂಪತ್ಯ ನಡೆಸಿರುವ "ನಾವು ಗ್ರ್ಯಾಂಡ್ ತರ್ಟಿ ಆಚರಿಸಲು ಆಶಿಸಿದ್ದೆವು. ಆದ್ರಿದು ಅಂತ್ಯ ತಲುಪಿದೆ. ಹೃದಯ ಛಿದ್ರಗೊಂಡಿದೆ. ಗೌಪ್ಯತೆಯನ್ನು ಗೌರವಿಸಿದ್ದಕ್ಕಾಗಿ ಸ್ನೇಹಿತರಿಗೆ ಧನ್ಯವಾದಗಳು'' ಎಂದು ಬರೆದುಕೊಂಡಿದ್ದರು.
ಇದನ್ನೂ ಓದಿ: 'AI ಅಥವಾ ಎ.ಆರ್.ರೆಹಮಾನ್'? ಸಂಗೀತ ನಿರ್ದೇಶಕನ ಡಿವೋರ್ಸ್ ಪೋಸ್ಟ್‌ಗೆ ಟೀಕೆ, ಯಾಕೆ ಗೊತ್ತಾ?
ರೆಹಮಾನ್ ಸೈರಾ 1995ರಲ್ಲಿ ಮದುವೆಯಾದರು. ಖತೀಜಾ, ರಹೀಮಾ ಮತ್ತು ಅಮೀನ್ ಎಂಬ ಮೂವರು ಮಕ್ಕಳಿದ್ದಾರೆ. ಮಂಗಳವಾರ ಸಂಜೆ ತಮ್ಮ ವಿಚ್ಛೇದನವನ್ನು ಘೋಷಿಸಿದರು.
