ಬಾಲಿವುಡ್ ನಟ ಅಕ್ಷಯ್ ಕುಮಾರ್ ನಟನೆಯ ಸಿನಿಮಾಗಳು ಒಂದಾದ ಮೇಲೊಂದರಂತೆ ಬಿಡುಗಡೆಯಾಗುತ್ತಿವೆ. ಕೆಲವು ಸಿನಿಮಾ ಕೆಲಸಗಳು ಮುಂದುವರಿದಿವೆ. ನಟನ ಕೈಯಲ್ಲಿ ದೊಡ್ಡ ದೊಡ್ಡ ಪ್ರಾಜೆಕ್ಟ್ಗಳಿದ್ದು, ಹೊಸ ಯೋಜನೆಯೊಂದಕ್ಕೆ ಕೈ ಹಾಕಿದ್ದಾರಂತೆ. ಸ್ಟಾರ್ ಡೈರೆಕ್ಟರ್ ಪ್ರಿಯದರ್ಶನ್ ಜೊತೆ ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿ ಚಿತ್ರರಂಗ ಸೇರಿದಂತೆ ಅಭಿಮಾನಿ ವಲಯದಲ್ಲಿ ಹರಿದಾಡುತ್ತಿದೆ.
ಅಕ್ಷಯ್, ಪ್ರಿಯದರ್ಶನ್ ಕಾಂಬಿನೇಶನ್ನಲ್ಲಿ 'ಹೇರಾ ಫೇರಿ', 'ಕಟ್ಟಾ ಮೀಠ' ಚಿತ್ರಗಳು ಮೂಡಿ ಬಂದಿದ್ದವು. ಆ ಕಾಲಕ್ಕೆ ಈ ಸಿನಿಮಾಗಳು ದೊಡ್ಡ ಮಟ್ಟದಲ್ಲಿ ಹಿಟ್ ಎನಿಸಿಕೊಂಡಿದ್ದವು. ಇದಾಗಿ 14 ವರ್ಷಗಳ ಅಂತರದ ನಂತರ ಮತ್ತೆ ಇವರಿಬ್ಬರ ಕಾಂಬಿನೇಶನ್ನಲ್ಲಿ ಹೊಸ ಸಿನಿಮಾ ತಯಾರಾಗುತ್ತಿದೆ. ಹಾಗಾಗಿ ಈ ಚಿತ್ರದ ಮೇಲೆ ಅಭಿಮಾನಿಗಳು ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಹಾರರ್ ಕಾಮಿಡಿ ಜಾನರ್‌ನಲ್ಲಿ ಸಿನಿಮಾ ತಯಾರಾಗುತ್ತಿರುವುದರಿಂದ ಸಿನಿಪ್ರಿಯರ ಕುತೂಹಲ ತುಸು ಹೆಚ್ಚೇ ಇದೆ.
ಈ ನಡುವೆ ಸಿನಿಮಾದ ನಾಯಕಿ ಯಾರು ಎಂಬ ಪ್ರಶ್ನೆ ಹೆಚ್ಚು ಚರ್ಚಿತ ವಿಷಯವಾಗಿದೆ. ಚಿತ್ರಕ್ಕೆ ಮೂವರು ನಾಯಕಿಯರ ಹೆಸರು ಪರಿಗಣನೆಯಲ್ಲಿದೆ. ಸೌತ್ ಸಿನಿಮಾ ಇಂಡಸ್ಟ್ರಿಯ ಕೀರ್ತಿ ಸುರೇಶ್, ಬಿಟೌನ್ ಸುಂದರಿಯರಾದ ಆಲಿಯಾ ಭಟ್ ಮತ್ತು ಕಿಯಾರಾ ಅಡ್ವಾಣಿ ಹೆಸರುಗಳು ಮುಂಚೂಣಿಯಲ್ಲಿವೆ. ಯಾವುದೇ ಅಧಿಕೃತ ಮಾಹಿತಿ ಇರದಿದ್ದರೂ ಈ ನಾಯಕಿಯರ ಹೆಸರುಗಳು ಟ್ರೆಂಡಿಂಗ್ನಲ್ಲಿವೆ.
ಈಗಾಗಲೇ ನಾಯಕ ಹಾಗೂ ನಿರ್ದೇಶಕರು ಆಲಿಯಾ ಭಟ್ ಅವರನ್ನು ಓಕೆ ಮಾಡಿದ್ದಾರೆ. ಈ ಯೋಜನೆ ಓಕೆಯಾಗದಿದ್ದರೆ, ಚಿತ್ರತಯಾರಕರು ಅಕ್ಷಯ್‌ಗಾಗಿ ಕಿಯಾರಾ ಅವರನ್ನು ಆಯ್ಕೆ ಮಾಡಲಿದ್ದಾರೆ ಎಂದು ವರದಿಗಳು ತಿಳಿಸಿವೆ.
ಮತ್ತೊಂದೆಡೆ, ದಕ್ಷಿಣದ ಸ್ಟಾರ್ ನಟಿ ಕೀರ್ತಿ ಸುರೇಶ್ ಈ ಚಿತ್ರದ ಮೂಲಕ ಬಾಲಿವುಡ್ ಪ್ರವೇಶಿಸಲಿದ್ದಾರೆ ಎಂಬ ವದಂತಿಗಳೂ ಇವೆ. ಈಗಾಗಲೇ ಬಾಲಿವುಡ್ ನಟ ವರುಣ್ ಧವನ್ ಜೊತೆ 'ಬೇಬಿ ಜಾನ್' ಎಂಬ ಹಿಂದಿ ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ ಕೀರ್ತಿ ಈ ಸಿನಿಮಾಗೂ ಡೇಟ್ಸ್ ಫಿಕ್ಸ್ ಮಾಡಲಿದ್ದಾರೆ ಎಂದು ಹೇಳಲಾಗಿದೆ. ಇದು ನಿಜವಾದರೆ ಕೀರ್ತಿ ಸುರೇಶ್ ಬಾಲಿವುಡ್ ನಟರೊಂದಿಗೆ ಎರಡು ಚಿತ್ರಗಳಲ್ಲಿ ಕಾಣಿಸಿಕೊಳ್ಳುವರು. ಎಲ್ಲದಕ್ಕೂ ಅಧಿಕೃತ ಮಾಹಿತಿ ನಿರೀಕ್ಷಿಸಲಾಗಿದೆ.
ಇದನ್ನೂ ಓದಿ: ಅರ್ಮಾನ್ ಮಲಿಕ್ ದನಿಯಲ್ಲಿ ಮೂಡಿಬಂತು ಡಾಲಿಯ 'ಕೋಟಿ' ಚಿತ್ರದ ಚೊಚ್ಚಲ ಗೀತೆ - Kotee Movie Song
ಒಟ್ಟಾರೆ ಚಿತ್ರತಂಡ ಈ ಮೂವರು ನಾಯಕಿಯರನ್ನು ಸಂಪರ್ಕಿಸಿದ್ದು, ಸ್ಕ್ರಿಪ್ಟ್ ಯಾರಿಗೆ ಇಷ್ಟವಾಗುತ್ತದೆ, ಯಾರ ಡೇಟ್ಸ್ ಶೂಟಿಂಗ್ಗೆ ಹೊಂದಿಕೆಯಾಗಲಿದೆ ಎಂಬುದನ್ನು ನೋಡಿಕೊಂಡು ಅಂತಿಮ ನಿರ್ಧಾರ ಹೊರಬೀಳಲಿದೆ.
