ಕನ್ನಡ ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ 'ಬಿಗ್ ಬಾಸ್ ಸೀಸನ್ 11'ರ ಈ ಅವಧಿಯಲ್ಲಿ ಧನರಾಜ್ ಆಚಾರ್ ಮತ್ತು ರಜತ್ ಕಿಶನ್ ಅವರ ಜಗಳ ತಾರಕಕ್ಕೇರಿದೆ. ಮೊನ್ನೆಯಷ್ಟೇ ಮಾತಿಗೆ ಮಾತು ಬೆಳೆದಿತ್ತು. ಸಂಭಾವ್ಯ ಅನಾಹುತವನ್ನು ಮನೆಯ ಇತರೆ ಸ್ಪರ್ಧಿಗಳು ತಡೆದು, ಪರಿಸ್ಥಿತಿಯನ್ನು ನಿಭಾಯಿಸಿದ್ದರು.
ಆದರೆ ಇಂದು ದೊಡ್ಡ ಜಗಳ ನಡೆದೇ ಬಿಟ್ಟಿದೆ. ವೈಲ್ಡ್ ಕಾರ್ಡ್ ಸ್ಪರ್ಧಿ ರಜತ್ ಕಿಶನ್ ಅವರು ತಾಳ್ಮೆ ಕಳೆದುಕೊಂಡಿದ್ದಾರೆ. ಧನರಾಜ್ ಆಚಾರ್ ಮೈಮೇಲೆ ಎಗರಿದ್ದು, ಪರಿಸ್ಥಿತಿ ಮತ್ತಷ್ಟು ತಾರಕಕ್ಕೇರಿದೆ. ರಜತ್ ಹೊಡೆಯಲು ಹೋಗಿದ್ದಾರೆ, ಪರಿಸ್ಥಿತಿ ನಿಭಾಯಿಸಲು ಮನೆಯವರು ಹರಸಾಹಸ ಪಟ್ಟಿದ್ದಾರೆ. ಒಂದೆರಡು ಪೆಟ್ಟು ಬಿದ್ದಂತೆ ತೋರಿದ್ದು, ಸಂಪೂರ್ಣ ಸಂಚಿಕೆ ಬಳಿಕ ಎಲ್ಲವೂ ಸ್ಪಷ್ಟವಾಗಲಿದೆ.
ಈಗಾಗಲೇ ಹೊಡೆದಾಟಕ್ಕೆ ಸಂಬಂಧಿಸಿದಂತೆ ಇಬ್ಬರನ್ನು ಕನ್ನಡ ಬಿಗ್ ಬಾಸ್ ಮನೆಯಿಂದ ಹೊರ ಕಳುಹಿಸಲಾಗಿದೆ. ಇಲ್ಲಿ ಹೊಡೆದಾಟಕ್ಕೆ ಅವಕಾಶವಿಲ್ಲ. ಇದು ಮನೆಯ ಮುಖ್ಯ ನಿಯಮಗಳಲ್ಲೊಂದು. ಸದ್ಯ ರಜತ್ ಕಿಶನ್ ಅವರ ಸರದಿ. ನಿಯಮ ಉಲ್ಲಂಘನೆ ಹಿನ್ನೆಲೆ ವೈಲ್ಡ್ ಕಾರ್ಡ್ ಸ್ಪರ್ಧಿ ರಜತ್ ಕಿಶನ್ ಅವರನ್ನು ಬಿಗ್ ಬಾಸ್ ಹೊರ ಕಳುಹಿಸಲಿದ್ದಾರಾ ಎಂಬುದನ್ನು ಕಾದು ನೋಡಬೇಕಿದೆ. ಕಿಚ್ಚನ ಪಂಚಾಯ್ತಿಯಲ್ಲಿ ಈ ವಿಷಯ ಚರ್ಚೆಗೆ ಬರೋದಂತೂ ಖಚಿತ ಎಂಬುದು ಪ್ರೇಕ್ಷಕರ ದೃಢ ವಿಶ್ವಾಸ. ಆದ್ರೆ ಮನೆಯಿಂದ ಹೊರ ಕಳುಹಿಸೋದು ಇನ್ನಷ್ಟೇ ಸ್ಪಷ್ಟವಾಗಬೇಕಿದೆ.
ಇದನ್ನೂ ಓದಿ: ನಟ ಅಲ್ಲು ಅರ್ಜುನ್ ಪೊಲೀಸ್ ವಶಕ್ಕೆ!
ಧನರಾಜ್ ಅವರು ಕಳಪೆ ಕೊಟ್ಟಿದ್ದೇ ತಡ, ರಜತ್ ಫುಲ್ ರಾಂಗ್ ಆಗಿದ್ದಾರೆ. ಮೊನ್ನೆ ನೀನು ಮಾಡಿದ್ದು ಸರಿಯೇ? ನನ್ನ ಮುಖ ಮುಟ್ಟಿದ್ದೇನು ಸಾಫ್ಟ್ ಆಗಿರಲಿಲ್ಲ ಎಂದು ಧನರಾಜ್ ತಿಳಿಸಿದ್ದಾರೆ. ಅದಕ್ಕೆ ಪ್ರತಿಕ್ರಿಯಿಸಿದ ಧನರಾಜ್ ನನಗೆ ಗೊತ್ತು ನಾನು ಎಷ್ಟು ಸಾಫ್ಟ್ ಆಗಿ ವರ್ತಿಸಿದ್ದೇನೆಂದು ಅಂತಾ ತಿಳಿಸಿದ್ದಾರೆ. ಅಸಮಧಾನಗೊಂಡ ರಜತ್, ಮಗುವನ್ನು ಮುಟ್ಟಿದಂತೆ ನನ್ನನ್ನು ಮುಟ್ಟಿದಾ?. ನಾನೇನು ನಿನ್ನೆ ಹುಟ್ಬಿದ್ದು ಇವತ್ ಬಂದಿಲ್ಲ ಕಣೋ ಬಿಗ್ ಬಾಸ್ಗೆ. ನಿನ್ ಮುಖ ಮೂತಿ ಹೊಡೆದಾಕ್ಬಿಟ್ಟೇ ಆಚೆ ಹೋಗ್ಬೇಕಿತ್ತು ಎಂದು ತಿಳಿಸಿದ್ದಾರೆ. ಹೊಡಿರಿ, ತಾಕತ್ ಇದ್ರೆ ಮುಟ್ಟಿ ತೋರಿಸಿ ಎಂದು ಧನರಾಜ್ ತಿಳಿಸುತ್ತಿದ್ದಂತೆ, ರಜತ್ ಎಗರಿದ್ದಾರೆ. ಇವರನ್ನು ತಡೆಯಲು ಇಡೀ ಮನೆ ಮಂದಿ ಮುಂದೆ ಬಂದಿದ್ದಾರೆ.
ಇದನ್ನೂ ಓದಿ: ಬಿಗ್ ಬಾಸ್ನಲ್ಲಿ ಕೈ ಕೈ ಮಿಲಾಯಿಸಿದ ಸ್ಪರ್ಧಿಗಳು: ತನ್ನ___ಕ್ಕೆ ತಾನೇ ಸವಾಲೆಸೆದುಕೊಂಡ ರಜತ್!
ಮೊನ್ನೆ ಮಾತಿಗೆ ಮಾತು ಬೆಳೆದು ಧನರಾಜ್ ಒಂದು ಹೆಜ್ಜೆ ಮುಂದೆ ಹೋಗಿದ್ದರು. ರಜತ್ ಅವರ ಗಲ್ಲ ಹಿಡಿದಿದ್ದರು. ಇದರಿಂದ ರಜತ್ ಕೆರಳಿದ್ದರು. ಅಂದು ಕೂಡಾ ಹೊಡೆದಾಟಕ್ಕೆ ಮುಂದಾದಂತೆ ತೋರಿತ್ತು. ಅಂದು ಕ್ಯಾಪ್ಟನ್ ಗೌತಮಿ ಮತ್ತು ಉಗ್ರಂ ಮಂಜು ಇವರನ್ನು ತಡೆದಿದ್ದರು. ಆದ್ರಿಂದು ರಂಪಾಟ ನಡೆದೇ ಬಿಟ್ಟಿದೆ.
