ಹೈದರಾಬಾದ್: ಇರುವ ಓರ್ವ ಮಗಳನ್ನು ಉತ್ತಮ ವಿದ್ಯೆ ಕೊಡಿಸಿ, ಆಕೆಯನ್ನು ಸಬಲರಾನ್ನಾಗಿ ಮಾಡಬೇಕು ಎಂದು ಯೋಚಿಸುವ ಅನೇಕ ಪೋಷಕರಿಗೆ ಆಸರೆಯಾಗಿರುವುದು ಸಿಇಬಿಎಸ್ಸಿಯ ಸಿಂಗಲ್ ಗರ್ಲ್ ಚೈಲ್ಡ್’ ಮೆರಿಟ್ ಸ್ಕಾಲರ್ಶಿಪ್. ಹೆಣ್ಣುಮಕ್ಕಳಿಗೆ ಶಿಕ್ಷಣದ ಸೌಲಭ್ಯವನ್ನು ಪ್ರೋತ್ಸಾಹಿಸುವ ಸಲುವಾಗಿ ಈ ಯೋಜನೆಯನ್ನು ಜಾರಿಗೆ ತರಲಾಗಿದೆ. ಈ ಮೂಲಕ ಪ್ರತಿಭಾನ್ವಿತ ಹೆಣ್ಣು ಮಕ್ಕಳನ್ನು ಶೈಕ್ಷಣಿಕವಾಗಿ ಬಲಗೊಳಿಸುವ ಕಾರ್ಯವನ್ನು ಹೊಂದಲಾಗಿದೆ. ಅಷ್ಟಕ್ಕೂ ಏನಿದು ಯೋಜನೆ, ಯಾರು ಇದಕ್ಕೆ ಅರ್ಹರು ಎಂಬ ಕುರಿತು ಯೋಚಿಸುತ್ತಿದ್ದರೆ ಇಲ್ಲಿದೆ ಆ ಬಗೆಗಿನ ಮಾಹಿತಿ.
ಸಿಬಿಎಸ್ಸಿ ಸಿಂಗಲ್ ಗರ್ಲ್ ಚೈಲ್ಡ್’ ಮೆರಿಟ್ ಸ್ಕಾಲರ್ಶಿಪ್ ಯೋಜನೆಯ ಪ್ರಯೋಜನವನ್ನು ಕುಟುಂಬದಲ್ಲಿ ಒಂದೇ ಹೆಣ್ಣು ಮಗು ಹೊಂದಿರುವವರು ಪಡೆಯಬಹುದಾಗಿದೆ. ಈಗಾಗಲೇ 10ನೇ ತರಗತಿ ಪಾಸ್ ಆಗಿ, ಮುಂದಿನ ಶಿಕ್ಷಣಕ್ಕೆ ಎದುರು ನೋಡುತ್ತಿರುವ ಪ್ರತಿಭಾನ್ವಿತ ಹೆಣ್ಣು ಮಗುವು ಈ ಯೋಜನೆಯ ಪ್ರಯೋಜನ ಪಡೆಯಲು ಅರ್ಹರಾಗಿದ್ದಾರೆ. ಪ್ರತಿವರ್ಷ ಈ ಯೋಜನೆಗಾಗಿ ಸಿಬಿಎಸ್ಸಿ ಅರ್ಜಿ ಆಹ್ವಾನಿಸುವ ಮೂಲಕ ಅವರ ಮುಂದಿನ ಹಂತದ ಶಿಕ್ಷಣ ಪಡೆಯಲು ಆರ್ಥಿಕವಾಗಿ ಪ್ರೋತ್ಸಾಹಿಸುತ್ತದೆ. ಈ ಬಾರಿ ಕೂಡ ಈ ಸ್ಕಾಲರ್ಶಿಪ್ ಪಡೆಯಲು ಅರ್ಜಿ ಆಹ್ವಾನಿಸಲಾಗಿದ್ದು, ಇದಕ್ಕೆ ಅರ್ಜಿ ಸಲ್ಲಿಕೆಗೆ ಕಡೇಯ ದಿನ ಫೆಬ್ರವರಿ 8, 2025 ಆಗಿದೆ. ಈ ಸ್ಕಾಲರ್ಶಿಪ್ ಪಡೆಯಲು ಅಭ್ಯರ್ಥಿಗಳು ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಕೆ ಮಾಡಬಹುದಾಗಿದ್ದು, https://cbseit.in/cbse/2024/sgcx/default.aspx ಈ ಜಾಲತಾಣಕ್ಕೆ ಭೇಟಿ ನೀಡಬಹುದಾಗಿದೆ.
ಸ್ಕಾಲರ್ಶಿಪ್ ಕುರಿತಾದ ಮಾಹಿತಿ:
- ಕುಟುಂಬದಲ್ಲಿರುವ ಓರ್ವ ಹೆಣ್ಣು ಮಗಳಿಗೆ ಶಿಕ್ಷಣ ನೀಡಲು ಪ್ರೋತ್ಸಾಹಿಸಲು ಈ ಮೆರಿಟ್ ಸ್ಕಾಲರ್ಶಿಪ್ ಜಾರಿಗೆ ತರಲಾಗಿದೆ.
- ಈ ಸ್ಕಾಲರ್ಶಿಪ್ಗೆ ಆಯ್ಕೆಯಾದ ವಿದ್ಯಾರ್ಥಿನಿಗೆ ಎರಡು ವರ್ಷಗಳ ಕಾಲ ಪ್ರತಿ ತಿಂಗಳು 1000 ರೂ ಹಣವನ್ನು ನೀಡಲಾಗುವುದು. ಈ ಹಣವನ್ನು ವಿದ್ಯಾರ್ಥಿನಿಯ ಖಾತೆಯಲ್ಲಿ ಜಮೆ ಮಾಡಲಾಗುವುದು.
- ಅರ್ಜಿ ಸಲ್ಲಿಸುವ ವಿದ್ಯಾರ್ಥಿನಿ ಸಿಬಿಎಸ್ಸಿಯಲ್ಲಿ 10ನೇ ತರಗತಿ ಪೂರ್ಣಗೊಳಿಸಿದ್ದು, ಇದೀಗ ಸಿಬಿಎಸ್ಪಿ ಅನುಮೋದಿತ ಶಾಲೆಯಲ್ಲಿ 11 ಮತ್ತು 12ನೇ ತರಗತಿ ಓದುತ್ತಿರಬೇಕು.
- 10ನೇ ತರಗತಿಯಲ್ಲಿ ಕನಿಷ್ಠ 70ರಷ್ಟು ಮತ್ತು ಅದಕ್ಕಿಂತ ಹೆಚ್ಚಿನ ಅಂಕ ಗಳಿಸಿದವರು ಮಾತ್ರ ಈ ಸ್ಕಾಲರ್ಶಿಪ್ಗೆ ಅರ್ಜಿ ಸಲ್ಲಿಸಲು ಅರ್ಹರಾಗಿದ್ದಾರೆ.
- ವಿದ್ಯಾರ್ಥಿನಿಯ 10ನೇ ತರಗತಿಯ ಟ್ಯೂಷನ್ ಫೀಸ್ 2500 ರೂ ಮತ್ತು 11 ಹಾಗೂ 12ನೇ ತರಗತಿಯಲ್ಲಿ ಟ್ಯೂಷನ್ ಫೀಸ್ 3000 ರೂ ಮೀರಿರಬಾರದು.
- ಸಿಬಿಎಸ್ಸಿ ಬೋರ್ಡ್ನಲ್ಲಿ ಕಲಿಯುವ ಎನ್ಆರ್ಐ ವಿದ್ಯಾರ್ಥಿಗಳು ಕೂಡ ಇದರ ಪ್ರಯೋಜನ ಪಡೆಯಬಹುದು. ಅವರ ಟ್ಯೂಷನ್ ಫೀಸ್ ಮಾಸಿಕ 6,000 ರೂ ಮೀರಬಾರದು.
- ಈಗಾಗಲೇ ಈ ಸ್ಕಾಲರ್ಶಿಪ್ಗೆ ಆಯ್ಕೆಯಾದ ವಿದ್ಯಾರ್ಥಿಗಳು 11ನೇ ತರಗತಿ ಬಳಿಕ ಇದನ್ನು ಪುನರ್ನವೀಕರಣ ಮಾಡಬೇಕು. ಈ ರೀತಿ ನವೀಕರಿಸಲು ವಿದ್ಯಾರ್ಥಿಗಳು ಕ್ಲಾಸ್ 11 ಮತ್ತು 12ರಲ್ಲೂ ಶೇ 70 ಮತ್ತು ಅದಕ್ಕಿಂತ ಹೆಚ್ಚಿನ ಅಂಕ ಗಳಿಸಿರಬೇಕು.
- ಈ ಸ್ಕಾಲರ್ಶಿಪ್ ಪಡೆಯುವ ವಿದ್ಯಾರ್ಥಿಗಳ ಪೋಷಕರ ವಾರ್ಷಿಕ ಆದಾಯ 8 ಲಕ್ಷ ಮೀರಿರಬಾರದು.
- ವಿದ್ಯಾರ್ಥಿ ಪ್ರತಿನಿಧಿಸುವ ಶಾಲೆಗಳು ಈ ಕುರಿತ ಅರ್ಜಿಯನ್ನು ಫೆ 15ರೊಳಗೆ ಪರಿಶೀಲಿಸಬೇಕು.
ಇದನ್ನೂ ಓದಿ: ಎಸ್‌ಎಸ್‌ಎಲ್‌ಸಿ, ಪಿಯುಸಿ ಪರೀಕ್ಷೆಯಲ್ಲಿ ಹೆಚ್ಚು ಅಂಕ ಗಳಿಸಬೇಕಾ?: ಈ ಸಲಹೆಗಳನ್ನು ಪಾಲಿಸಿದರೆ ನೀವೇ ಟಾಪರ್
ಇದನ್ನೂ ಓದಿ: ನೀಟ್ ಆಕಾಂಕ್ಷಿಗಳಿಗೆ ಶುಭ ಸುದ್ದಿ: ಈ ವರ್ಷದಿಂದ 1.2 ಲಕ್ಷ ಎಂಬಿಬಿಎಸ್ ಸೀಟುಗಳು ಲಭ್ಯತೆ ಸಾಧ್ಯತೆ
