ದೆಹಲಿಯಲ್ಲಿ ಭಾರೀ ಮಳೆ, ರಸ್ತೆಗಳು ಜಲಾವೃತ; ಜನಜೀವನ ಅಸ್ತವ್ಯಸ್ತ - Rain Submerges Delhi

ಹವಾಮಾನ ಇಲಾಖೆಯ ಪ್ರಕಾರ, ದೆಹಲಿಯಲ್ಲಿ ಗುರುವಾರ ಬೆಳಗ್ಗೆ 8.30ರಿಂದ ಶುಕ್ರವಾರ ಬೆಳಗ್ಗೆ 8.30ರವರೆಗೆ 228 ಮಿ.ಮೀ ಮಳೆ ಸುರಿದಿದೆ.

ನವದೆಹಲಿ: ಕಳೆದೆರಡು ತಿಂಗಳಿನಿಂದ ಬಿಸಿಲ ಪ್ರಕೋಪಕ್ಕೆ ನಲುಗಿದ ರಾಷ್ಟ್ರ ರಾಜಧಾನಿ ದೆಹಲಿಯ ಜನ ಇದೀಗ ಮಳೆಯ ರುದ್ರನರ್ತನದಿಂದ ಸಂಕಷ್ಟ ಅನುಭವಿಸುತ್ತಿದ್ದಾರೆ. ಗುರುವಾರ ಸುರಿದ ಭಾರೀ ಮಳೆಯಿಂದಾಗಿ ದೆಹಲಿ-ಎನ್​ಸಿಆರ್​ ಪ್ರದೇಶಗಳಲ್ಲಿ ರಸ್ತೆಗಳು ಜಲಾವೃತಗೊಂಡವು. ವಾಹನ ಸವಾರರು ಉಸಿರುಗಟ್ಟಿಸುವ ಟ್ರಾಫಿಕ್​ ಸಮಸ್ಯೆ ಅನುಭವಿಸಿದರು.

#WATCH | Roads flooded after heavy rain lashed parts of Delhi overnight.

(Visuals from ITO) pic.twitter.com/pjUsaCHWsh

— ANI (@ANI) June 28, 2024

ಹವಾಮಾನ ಇಲಾಖೆ ನೀಡಿದ ಮಾಹಿತಿ ಪ್ರಕಾರ, ಗುರುವಾರ ಬೆಳಗ್ಗೆ 8.30ರಿಂದ ಶುಕ್ರವಾರ ಬೆಳಗ್ಗೆ 8.30ರವರೆಗೆ 228 ಮಿ.ಮೀ ಮಳೆಯಾಗಿದೆ. 1936ರಲ್ಲಿ ಅಂದರೆ, 88 ವರ್ಷದ ಹಿಂದೆ ದೆಹಲಿಯಲ್ಲಿ 24 ಗಂಟೆಗಳ ಅವಧಿಯಲ್ಲಿ 235.5 ಮಿ.ಮೀ ಮಳೆ ದಾಖಲಾಗಿತ್ತು.

#WATCH | Delhi: Roads inundated as heavy rain continues in parts of National Capital

(Visuals from Govindpuri) pic.twitter.com/9idnGwx0nb

— ANI (@ANI) June 28, 2024

ಸಾಮಾನ್ಯವಾಗಿ, ದೆಹಲಿ ಜೂನ್​ನಲ್ಲಿ ದೆಹಲಿ 80.6 ಮಿ.ಮೀ ಮಳೆ ಕಾಣುತ್ತದೆ. ಆದರೆ, ಹವಾಮಾನ ಬದಲಾವಣೆ ವೈಪರೀತ್ಯದಿಂದಾಗಿ ಒಂದೇ ದಿನದಲ್ಲಿ ದಾಖಲೆಯ ಮಳೆ ಸುರಿದಿದ್ದು, ಜನತೆ ನಲುಗಿದ್ದಾರೆ. ಹಲವು ಪ್ರದೇಶಗಳಿಗೆ ನೀರು ನುಗ್ಗಿದ್ದು, ಜನರ ದೈನಂದಿನ ಜೀವನಕ್ಕೆ ತೊಂದರೆಯಾಗಿದೆ.

#WATCH | Waterlogging witnessed at several parts of Delhi following heavy rain

(Visuals from Moti Bagh) pic.twitter.com/XLV1xs7YyW

— ANI (@ANI) June 28, 2024

ಕಳೆದೆರಡು ತಿಂಗಳಿನಿಂದ ವಿಪರೀತ ಬಿಸಿಲಿಗೆ ಗುರಿಯಾಗಿದ್ದ ನಗರದಲ್ಲಿ ತಾಪಮಾನ 50 ಡಿಗ್ರಿ ಸೆಲ್ಸಿಯಸ್ ಸಮೀಪಿಸಿತ್ತು. ಶುಕ್ರವಾರ ಸಾಮಾನ್ಯ ತಾಪಮಾನಕ್ಕಿಂತ 3.2 ಡಿಗ್ರಿ ಸೆಲ್ಸಿಯಸ್​ ಕಡಿಮೆ ದಾಖಲಾಗಿದ್ದು, ಇಂದು 24.7 ಡಿಗ್ರಿ ಸೆಲ್ಸಿಯಸ್ ಇದೆ.

ಜಡಿ ಮಳೆಯಿಂದ ಅನೇಕ ಕಡೆ ವಿದ್ಯುತ್​ ವ್ಯತ್ಯಯವಾಗಿದೆ. ಚರಂಡಿ ನೀರು ಮಳೆ ನೀರಿನೊಂದಿಗೆ ಸೇರಿ ರಸ್ತೆಯಲ್ಲಿ ಮೊಣಕಾಲುಮಟ್ಟ ನಿಂತಿದೆ. ಅನೇಕ ಕಡೆಗಳಲ್ಲಿ ಮನೆಗಳಿ ನೀರು ನುಗ್ಗಿದರೆ, ಅಂಡರ್​ಪಾಸ್​ ಮತ್ತು ತಗ್ಗು ಪ್ರದೇಶಗಳು ಜಲಾವೃತವಾಗಿವೆ.

#WATCH | Waterlogging witnessed at several parts of Delhi following heavy rain

(Visuals from Dhaula Kuan) pic.twitter.com/XkkKIec3YJ

— ANI (@ANI) June 28, 2024

ಮುಂದಿನ ಏಳು ದಿನ ದೆಹಲಿಯಲ್ಲಿ ಮೋಡ ಕವಿದ ವಾತಾವರಣ ಇರಲಿದೆ. ಭಾರೀ ಗಾಳಿಯೊಂದಿಗೆ ಸಾಧಾರಣದಿಂದ ಹೆಚ್ಚಿನ ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. (ಐಎಎನ್​ಎಸ್​/ಎಎನ್​ಐ)

ಇದನ್ನೂ ಓದಿ: ದೆಹಲಿ ವಿಮಾನ ನಿಲ್ದಾಣದ ಟರ್ಮಿನಲ್ ಕುಸಿತ ಪ್ರಕರಣ: ಮೃತರ ಕುಟುಂಬಕ್ಕೆ ₹20 ಲಕ್ಷ, ಗಾಯಗೊಂಡವರಿಗೆ ₹3 ಲಕ್ಷ ಪರಿಹಾರ ಘೋಷಣೆ