ರಾಯ್ಪುರ: ಉದ್ಯೋಗಸ್ಥ ಮಹಿಳೆಯರು ಮತ್ತು ಶಾಲಾ ಕಾಲೇಜಿನ ವಿದ್ಯಾರ್ಥಿನಿಯರಿಗೆ ಋತುಚಕ್ರದ ರಜೆ ಬಗ್ಗೆ ಚರ್ಚೆಗಳು ನಡೆಯುತ್ತಿರುವ ಹೊತ್ತಿನಲ್ಲಿ ಚತ್ತೀಸ್ಗಢದಲ್ಲಿ ಈ ರಜೆ ನೀತಿಯನ್ನು ಜಾರಿಗೆ ತರಲಾಗಿದೆ. ಚತ್ತೀಸ್ಗಢದ ಹಿದಾಯುತ್ತುಲ್ಲಾ ಕಾನೂನು ವಿಶ್ವವಿದ್ಯಾಲಯ ಈ ಮುಟ್ಟಿನ ರಜೆ ನೀತಿಯನ್ನು ಈಗಾಗಲೇ ಆರಂಭಿಸಿರುವುದಾಗಿ ಘೋಷಿಸಿದೆ. ಮಾಸಿಕ ಋತುಚಕ್ರದ ಕಠಿಣವಾದ ಒಂದು ದಿನದಲ್ಲಿ ವಿದ್ಯಾರ್ಥಿನಿಯರು ಈ ರಜೆಯನ್ನು ಪಡೆಯಬಹುದು ಎಂದು ಘೋಷಿಸಿದೆ. ಈ ನೀತಿಯನ್ನು ಜುಲೈ 1ರಿಂದಲೇ ಪರಿಣಾಮಕಾರಿಯಾಗಿ ಜಾರಿಗೆ ತರಲಾಗಿದೆ.
ಚತ್ತೀಸ್ಗಢದಲ್ಲಿ ಮುಟ್ಟಿನ ರಜೆ: ಈ ರಜೆ ನೀತಿ ಕುರಿತು ಮಾತನಾಡಿರುವ ಕಾನೂನು ವಿಶ್ವವಿದ್ಯಾಯಲದ ವಕ್ತಾರರು, ವಿದ್ಯಾರ್ಥಿನಿಯರು ಮಾಸಿಕವಾಗಿ ತಮ್ಮ ಋತುಚಕ್ರದ ದಿನಗಳಲ್ಲಿ ಒಂದು ದಿನ ರಜೆಯನ್ನು ಪಡೆಯಬಹುದಾಗಿದೆ. ಈ ದಿನ ಅವರು ತಮ್ಮ ಹಾಜರಾತಿ ಪಡೆಯಲಿದ್ದಾರೆ. ಸಾಮಾನ್ಯ ಕಾಲೇಜು ದಿನಗಳಲ್ಲಿ ಈ ರೀತಿಯ ಹಾಜರಾತಿ ಪ್ರಯೋಜನವನ್ನು ಅವರು ಹೊಂದಬಹುದಾಗಿದೆ. ಮುಂದಿನ ದಿನದಲ್ಲಿ ಪರೀಕ್ಷೆಗಳಂತಹ ಸಂದರ್ಭದಲ್ಲಿ ವಿಶೇಷ ಅಗತ್ಯತೆ ಮೇಲೆ ರಜೆಗಳನ್ನು ನೀಡುವ ಕುರಿತು ಚಿಂತಿಸಲಾಗುವುದು. ವಿದ್ಯಾರ್ಥಿನಿಯರು ಅನಿಯಮಿತ ಋತುಚಕ್ರ ಸಿಂಡ್ರೋಮ್ ಅಥವಾ ಪಿಸಿಒಎಸ್ ಸಮಸ್ಯೆಗಳಿಗೆ ರಜೆ ಪಡೆಯಬಹುದಾಗಿದೆ. ಪ್ರತಿ ಸೆಮಿಸ್ಟರ್‌ಗೆ ಪ್ರತಿ ವಿಷಯಕ್ಕೆ ಆರು ತರಗತಿಗಳಲ್ಲಿ ಈ ನೀತಿ ಮೂಲಕ ಹಾಜರಾತಿ ಪಡೆಯಬಹುದಾಗಿದೆ ಎಂದರು.
ಹೆಚ್ಎನ್ಎಲ್ಯು ನಡೆ: ವಿದ್ಯಾರ್ಥಿನಿಯರಿಗೆ ಋತುಚಕ್ರದ ರಜೆ ನೀಡಿದ್ದಕ್ಕೆ ಶೈಕ್ಷಣಿಕ ಮಂಡಳಿಗೆ ಹೆಚ್ಎನ್ಎಲ್ಯುನ ಉಪ ಕುಲಪತ ಪ್ರೊ ವಿ. ವಿವೇಕನಂದನ್ ಧನ್ಯವಾದ ತಿಳಿಸಿದ್ದಾರೆ. ಯುವ ಮಹಿಳಾ ವಿದ್ಯಾರ್ಥಿಗಳ ವಿಶೇಷ ಅಗತ್ಯತೆಗೆ ಸೌಲಭ್ಯಗಳನ್ನು ಅರ್ಥ ಮಾಡಿಕೊಂಡು ಈ ರಜೆ ನೀತಿಯನ್ನು ಅಳವಡಿಸಲಾಗಿದೆ. ಇಂತಹ ರಜೆಗೆ ಬೆಂಬಲಿಸಿದ ಶೈಕ್ಷಣಿಕ ಮಂಡಳಿಗೆ ಧನ್ಯವಾದಗಳು ಎಂದಿದ್ದಾರೆ.
ಏನಿದು ಮುಟ್ಟಿನ ರಜೆ: ಋತುಚಕ್ರ ಎಂಬುದು ಎಲ್ಲ ಮಹಿಳೆಯರಲ್ಲಿ ಒಂದೇ ರೀತಿಯ ಅನುಭವ ನೀಡುವುದಿಲ್ಲ. ಕೆಲವರಲ್ಲಿ ಇದು ಅಸಾಧ್ಯ ಪರಿಸ್ಥಿತಿಗೆ ಕಾರಣವಾಗುತ್ತದೆ. ಈ ನಿಟ್ಟಿನಲ್ಲಿ ಉದ್ಯೋಗಸ್ಥ ಮಹಿಳೆಯರು ಅಥವಾ ವಿದ್ಯಾರ್ಥಿನಿಯರಿಗೆ ತಮ್ಮ ಮಾಸಿಕ ಋತುಚಕ್ರದ ನೋವುದಾಯಕ ದಿನಗಳಲ್ಲಿ ರಜೆ ಪಡೆಯುವ ಸೌಲಭ್ಯವನ್ನು ಈ ನೀತಿ ಒಳಗೊಂಡಿದೆ. ಈ ರೀತಿ ನೀತಿ ಅಳವಡಿಕೆ ಕುರಿತು ಸಂಸತ್ತಿನಲ್ಲೀ ಪ್ರಸ್ತಾಪವಾಗಿದೆ. ಅಲ್ಲದೆ ಮುಟ್ಟಿನ ರಜೆ ಕುರಿತು ಮಾದರಿ ನೀತಿ ರೂಪಿಸುವಂತೆ ಇತ್ತೀಚೆಗೆ ಸುಪ್ರೀಂಕೋರ್ಟ್ ಕೂಡ ಕೇಂದ್ರ ಸರ್ಕಾರಕ್ಕೆ ಸೂಚಿಸಿತ್ತು.
ಇದನ್ನೂ ಓದಿ: ಮಹಿಳೆಯರ ಮುಟ್ಟಿನ ರಜೆ ಕುರಿತು ನೀತಿ ರೂಪಿಸುವಂತೆ ಕೇಂದ್ರಕ್ಕೆ ಸುಪ್ರೀಂ ನಿರ್ದೇಶನ
