ವಿಡಿಯೋ: ಮುಳುಗಡೆಯಾದ ಸೇತುವೆ ಮೇಲೆ ಬೈಕ್ ತೊಳೆಯುವ ಜನರು, ಅಪಾಯಕ್ಕೆ ಆಹ್ವಾನ!

ರಾಯಚೂರು: ನಾರಾಯಣಪುರ ಜಲಾಶಯ ಭರ್ತಿಯಾಗಿದ್ದು ಹೆಚ್ಚುವರಿ​ ನೀರನ್ನು ಕೃಷ್ಣಾ ನದಿಗೆ ಹರಿಸಲಾಗಿದೆ. ಸದ್ಯಕ್ಕೆ ಜಲಾಶಯದಲ್ಲಿ 1.60 ಲಕ್ಷ ಕ್ಯೂಸೆಕ್​ ಒಳಹರಿವಿದ್ದು, 1.74 ಲಕ್ಷ ಕ್ಯೂಸೆಕ್​ ನೀರನ್ನು ನದಿಗೆ ಬಿಡಲಾಗುತ್ತಿದೆ. ಪರಿಣಾಮ ಲಿಂಗಸೂಗೂರು ತಾಲೂಕಿನ ಶೀಲಹಳ್ಳಿ ಬ್ರಿಡ್ಜ್ ಮುಳುಗಡೆಯಾಗಿದೆ. ಕಡದರಗಡ್ಡಿ, ಯರಗೋಡಿ-ಹಂಚಿನಾಳ ನಡುಗಡ್ಡೆ ಪ್ರದೇಶಗಳಿಗೆ ಸಂಚಾರ ಬಂದ್ ಆಗಲಿದೆ. ಆದ್ರೆ, ಗ್ರಾಮಸ್ಥರು ಅಪಾಯವನ್ನು ಲೆಕ್ಕಿಸದೇ ಮುಳುಗಡೆಯಾಗಿರುವ ಸೇತುವೆ ಮೇಲೆ ಬೈಕ್​ ತೊಳೆಯುವುದು ಸೇರಿದಂತೆ ಓಡಾಡುತ್ತಿದ್ದಾರೆ.