ಸವಾರ ಸಮೇತ ದ್ವಿಚಕ್ರ ವಾಹನ ಕ್ರೇನ್​​​ನಲ್ಲಿ ಎತ್ತಿಕೊಂಡು ಹೋದ ಟ್ರಾಫಿಕ್​ ಪೊಲೀಸ್​​.. ವಿಡಿಯೋ

ನಾಗ್ಪುರ​​(ಮಹಾರಾಷ್ಟ್ರ): ನೋ ಪಾರ್ಕಿಂಗ್​​ ಪ್ರದೇಶದಲ್ಲಿ ದ್ವಿಚಕ್ರ ವಾಹನ ನಲ್ಲಿಸಿದ್ದ ವ್ಯಕ್ತಿಯೊಬ್ಬನನ್ನು ಟ್ರಾಫಿಕ್​​ ಪೊಲೀಸರು ಕ್ರೇನ್​​ ಸಹಾಯದಿಂದ ಎತ್ತಿಕೊಂಡು ಹೋಗಿದ್ದಾರೆ. ಮಹಾರಾಷ್ಟ್ರದ ನಾಗ್ಪುರ​​ದಲ್ಲಿ ಈ ಘಟನೆ ನಡೆದಿದೆ. ಅಂಜುಮನ್ ಕಾಂಪ್ಲೆಕ್ಸ್​ ಬಳಿ ನೋ ಪಾರ್ಕಿಂಗ್ ಪ್ರದೇಶದಲ್ಲಿ ವ್ಯಕ್ತಿಯೊಬ್ಬ ದ್ವಿಚಕ್ರ ವಾಹನ ನಿಲ್ಲಿಸಿದ್ದಾನೆ. ಆದರೆ, ಇದು ನೋ ಪಾರ್ಕಿಂಗ್​​ ಸ್ಥಳವಾಗಿತ್ತು. ಟ್ರಾಫಿಕ್​​ ಪೊಲೀಸರು ಹಾಗೂ ಯುವಕನ ಮಧ್ಯೆ ಕೆಲ ಹೊತ್ತು ಈ ವಿಚಾರವಾಗಿ ವಾಗ್ವಾದ ನಡೆದಿದೆ. ಈ ವೇಳೆ, ಹೈಡ್ರಾಲಿಕ್ ಕ್ರೇನ್ ಸಮೇತ ಸ್ಥಳಕ್ಕಾಗಮಿಸಿದ ಟ್ರಾಫಿಕ್​ ಸಿಬ್ಬಂದಿ ಬೈಕ್​ ಸವಾರ ಸಮೇತವಾಗಿ ವಾಹನ ಮೇಲಿತ್ತಿದ್ದಾರೆ. ಇದನ್ನ ಸ್ಥಳೀಯರು ತಮ್ಮ ಮೊಬೈಲ್​ನಲ್ಲಿ ಸೆರೆ ಹಿಡಿದಿದ್ದಾರೆ. ಇದೀಗ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಘಟನೆಗೆ ಸಂಬಂಧಿಸಿದಂತೆ ಟ್ರಾಫಿಕ್​ ಸಂಚಾರಿ ಇಲಾಖೆ ತನಿಖೆಗೆ ಆದೇಶ ನೀಡಿದೆ.