ಈಜು ತೊಟ್ಟಿಯಲ್ಲಿ ಮುಳುಗಿ ಎರಡು ವರ್ಷದ ಮಗು ಸಾವು

ಪುಣೆ: ಅವಳಿ ಮಕ್ಕಳ ಹುಟ್ಟುಹಬ್ಬ ಆಚರಿಸಲು ನಾಸಿಕ್‌ನಿಂದ ಲೋನಾವಾಲಾಕ್ಕೆ ಕುಟುಂಬವೊಂದು ಬಂದಿತ್ತು. ಈ ವೇಳೆ ಎರಡು ವರ್ಷದ ಮಗುವೊಂದು ಪೋಷಕರ ಕಣ್ತಪ್ಪಿಸಿ ಬಂದು ಈಜು ತೊಟ್ಟಿಯಲ್ಲಿ ಬಿದ್ದಿದೆ. ನಂತರ ಸಾಕಷ್ಟು ಸಮಯ ಪ್ರಾಣವನ್ನು ಉಳಿಸಿಕೊಳ್ಳಲು ಪ್ರಯತ್ನಿಸಿದೆ. ದುರಾದೃಷ್ಟವಶಾತ್ ಆ ಕಡೆ ಯಾರೂ ಬರದಿದ್ದರಿಂದ ಮಗು ನೀರಿನಲ್ಲಿ ಮುಳುಗಿ ಮೃತಪಟ್ಟಿದೆ. ಘಟನೆಯ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.