ಬಾರ್​​ನಲ್ಲಿ ಕಳ್ಳನ ಕರಾಮತ್ತು: ಹಣ ಮದ್ಯದ ಬಾಟಲ್ ಎಗ​ರಿಸಿ ಪರಾರಿ... ಸಿಸಿಟಿವಿಯಲ್ಲಿ ದೃಶ್ಯ ಸೆರೆ!

ಹುಬ್ಬಳ್ಳಿ: ಕಳ್ಳನೊರ್ವ ತನ್ನ ಕೈಚಳಕ ತೋರಿಸಿ ಬಾರ್​ವೊಂದರಲ್ಲಿ ನಗದು ಸೇರಿದಂತೆ ಬೆಳೆಬಾಳುವ ಮದ್ಯದ ಬಾಟಲ್ ಕದ್ದು ಪರಾರಿಯಾಗಿರುವ ಘಟನೆ ಹುಬ್ಬಳ್ಳಿಯ ಗುಡಿಹಾಳ್ ಕ್ರಾಸ್ ಬಳಿ ನಡೆದಿದೆ. ನಿಂಗುಶಾ ನಿರಂಜನ ಎಂಬುವವರಿಗೆ ಸೇರಿದ ತೇಜ್ ವೈನ್ಸ್ ಶಾಪ್ ನಲ್ಲಿ ಈ ಕಳ್ಳತನ ನಡೆದಿದೆ. ಖದೀಮ 40 ಸಾವಿರ ರೂ. ನಗದು ಹಾಗೂ ಸಾವಿರಾರು ರೂ. ಮೌಲ್ಯದ ಮದ್ಯದ ಬಾಟಲ್ ಎಗರಿಸಿ ಪರಾರಿಯಾಗಿದ್ದಾನೆ. ಇನ್ನು ಕಳ್ಳನ ಕೈಚಳಕ ಸಿಸಿಟಿವಿ ನಲ್ಲಿ ಸೆರೆಯಾಗಿದೆ. ಈ ಕುರಿತು ಹಳೇ ಹುಬ್ಬಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸಿದ್ದಾರೆ.