ಬಂಡಿ ಉತ್ಸವ : ಎತ್ತು ಹಾಯ್ದು ಹೋದರು ಪ್ರಾಣಾಪಾಯದಿಂದ ಪಾರಾದ ಯುವತಿ

ಹುಬ್ಬಳ್ಳಿ: ಕಾರ ಹುಣ್ಣಿಮೆ ಪ್ರಯುಕ್ತ ಬಂಡಿ ಉತ್ಸವ ಆಯೋಜನೆ ಮಾಡಲಾಗಿತ್ತು. ಉತ್ಸವ ನಡೆಯುತ್ತಿರುವಾಗ ಇದರ ಮಧ್ಯೆ ಸ್ಕೂಟಿಯಲ್ಲಿ ಬಂದ ಯುವತಿ ಮೇಲೆ ಎತ್ತುಗಳು ಹಾಯ್ದು ಹೋದ ಘಟನೆ ಕುಂದಗೋಳ ತಾಲೂಕಿನ ಗುಡಗೇರಿಯಲ್ಲಿ ನಡೆದಿದೆ. ಎತ್ತುಗಳಿಗೆ ರೈತರು ಕೋಡಬಳೆ, ಚಕ್ಕಲಿ ಸೇರಿದಂತೆ ವಿವಿಧ ಆಹಾರ ಪದಾರ್ಥಗಳನ್ನು ಅವುಗಳ ಕೋಡುಗಳಿಗೆ ಹಾಕಿ ಪ್ರಮುಖ ಬೀದಿಯಲ್ಲಿ ಓಡಿಸುತ್ತಾರೆ. ಹೀಗೆ ಓಡುವಾಗ ಯುವತಿಯೋರ್ವಳು ಸ್ಕೂಟಿಯಲ್ಲಿ ಅಡ್ಡ ಬಂದ ಪರಿಣಾಮ ಯುವತಿ ಮೇಲೆ ಎತ್ತುಗಳು ಹಾಯ್ದು ಹೋಗಿವೆ‌. ಬಳಿಕ ಯುವತಿ ಸ್ಕೂಟಿ ಸಮೇತ ಕೆಳಗಡೆ ಬಿದಿದ್ದಾಳೆ.‌ ಅದೃಷ್ಟವಶಾತ್ ಯುವತಿ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ.