ಕೆಂಪುಕೋಟೆಯಲ್ಲಿ ಇದೇ ಮೊದಲ ಬಾರಿಗೆ ದೇಶಿ ಗನ್​ ಸೆಲ್ಯೂಟ್‌, ವಿಡಿಯೋ ನೋಡಿ

ನವದೆಹಲಿ: ದೇಶದ 75ನೇ ಸ್ವಾತಂತ್ರ್ಯೋತ್ಸವ ಆಚರಣೆ ಸಂದರ್ಭದಲ್ಲಿ ಕೆಂಪುಕೋಟೆಯಲ್ಲಿ ಇದೇ ಮೊದಲ ಬಾರಿಗೆ ದೇಶಿ ನಿರ್ಮಿತ ಹೋವಿಟ್ಜರ್‌ ಗನ್‌ ಮೂಲಕ 21 ಗನ್‌ ಸೆಲ್ಯೂಟ್‌ ನೀಡಲಾಯಿತು. ಎಟಿಎಜಿಎಸ್​ ಎಂದು ಕರೆಯಲಾಗುವ ಈ ಶಸ್ತಾಸ್ತ್ರವನ್ನು ಭಾರತೀಯ ಬೊಫೋರ್ಸ್‌ ಎಂದೂ ಹೇಳಲಾಗುತ್ತದೆ. ಹೋವಿಟ್ಜರ್‌ ಗನ್​ ಅನ್ನು ಡಿಆರ್​ಡಿಒ ಅಭಿವೃದ್ಧಿಪಡಿಸಿದೆ. ಇದುವರೆಗೆ ಬ್ರಿಟಿಷರ ಗನ್​ ಬಳಕೆ ಮಾಡಲಾಗುತ್ತಿತ್ತು. ಇದರ ಜತೆಗೆ, ಇದೇ ಮೊದಲ ಸಲ ಮಿಗ್​ 17 ಹೆಲಿಕಾಪ್ಟರ್​ ಮೂಲಕ ಕೆಂಪುಕೋಟೆ ಮೇಲೆ ಪುಷ್ಪವೃಷ್ಟಿಯೂ ಮಾಡಲಾಗಿದೆ.