ಸೈನಿಕ ಪಾರ್ಕ್ ಗೆ ಸ್ಮಾರ್ಟ್ ಸಿಟಿ ಟಚ್ ನೀಡಲು ಜಿಲ್ಲಾಡಳಿತ ನಿರ್ಧಾರ: ಈಟಿವಿ ಭಾರತ ವರದಿ ಫಲಶ್ರುತಿ

ರಾಜ್ಯದಲ್ಲಿಯೇ ಮೊಟ್ಟ ಮೊದಲ ಬಾರಿಗೆ ನಗರದಲ್ಲಿ ನಿರ್ಮಾಣವಾಗಿದ್ದ ಸೈನಿಕ ಉದ್ಯಾನವನ ಜಿಲ್ಲಾಡಳಿತದ ನಿರ್ಲಕ್ಷ್ಯಕ್ಕೊಳಗಾಗಿ ನಿರ್ವಹಣೆ ಇಲ್ಲದೇ ಹಾಳಾಗಿ ಹೋಗಿತ್ತು. ನೀರಿಲ್ಲದೆ ಒಣಗಿದ ಹಸಿರು ಹುಲ್ಲು, ಎಲ್ಲೆಂದರಲ್ಲಿ ಬಿದ್ದಿರುವ ಮದ್ಯದ ಬಾಟಲಿಗಳು.. ಹೀಗೆ ಹಲವಾರು ಸಮಸ್ಯೆಗಳಿಂದ ಸೈನಿಕ ಉದ್ಯಾನವನ ಅವ್ಯವಸ್ಥೆಯ ಆಗರವಾಗಿತ್ತು. ಈ ಕುರಿತು ಫೆ. 29ರಂದು 'ಪಡ್ಡೆ ಹುಡುಗರ ತಾಣವಾಯ್ತು ಸೈನಿಕ ಶಿಲ್ಪ ಉದ್ಯಾನವನ' ಎಂಬ ಶೀರ್ಷಿಕೆಯಡಿ ಈಟಿವಿ ಭಾರತ ಸುದ್ದಿ ಪ್ರಕಟಿಸಿತ್ತು. ಸುದ್ದಿಯಿಂದ ಎಚ್ಚೆತ್ತುಕೊಂಡಿರುವ ಜಿಲ್ಲಾಡಳಿತ ಉದ್ಯಾನವನದ ನಿರ್ವಹಣೆಯನ್ನು ಮಹಾನಗರ ಪಾಲಿಕೆ ಸ್ಮಾರ್ಟ್ ಸಿಟಿ ವ್ಯಾಪ್ತಿಗೆ ನೀಡಿದೆ.