ಪ್ರವಾಹದಿಂದ ಕಂಗೆಟ್ಟಿದ್ದ ಖಾನಾಪುರ ಕಬ್ಬು ಬೆಳೆಗಾರರಿಗೆ ಗಜಪಡೆಗಳ ಶಾಕ್...!

ಖಾನಾಪುರ ಹೊರವಲಯದಲ್ಲಿ ಆನೆಗಳ ಹಾವಳಿಯಿಂದ ಕಬ್ಬು ಬೆಳೆಗಾರರು ಕಂಗಾಲಾಗಿದ್ದಾರೆ. ಕಬ್ಬಿನ ಗದ್ದೆಗಳಿಗೆ ನುಗ್ಗುತ್ತಿರುವ ಗಜಪಡೆ ಕಬ್ಬಿನ ಬೆಳೆ ಹಾನಿ ಮಾಡುತ್ತಿವೆ. ಮಹದಾಯಿ‌ ನದಿ ತೀರದಲ್ಲಿ ಕಳೆದ ಒಂದು ವಾರದಿಂದ ಆನೆಗಳು ಬೀಡು ಬಿಟ್ಟಿದ್ದು, ಕುಳಗಿ ಅರಣ್ಯದಿಂದ ಐದು ಆನೆಗಳು ಭೀಮಗಢ ಅಭಯಾರಣ್ಯಕ್ಕೆ ಬಂದಿದ್ದು ಖಾನಾಪೂರ ತಾಲೂಕಿನ ಮಸ್ಕೆನಟ್ಟಿ , ಗೋರಂಟಿ ಗ್ರಾಮದಲ್ಲಿ ಕಬ್ಬು ಬೆಳೆ ನಾಶ ಮಾಡುತ್ತಿವೆ. ಗೂಳಿಹಟ್ಟಿ ಅರಣ್ಯ ಇಲಾಖೆ ಅಧಿಕಾರಿಗಳು ಸ್ಥಳದಲ್ಲಿ ಮುಕ್ಕಾಂ ಹೂಡಿದ್ದು, ಪಟಾಕಿ ಸಿಡಿಸಿ ಆನೆಗಳನ್ನು ಅರಣ್ಯಕ್ಕೆ ಓಡಿಸುವ ಯತ್ನ ಮಾಡುತ್ತಿದ್ದಾರೆ.