ಪತ್ನಿ ಅನಾರೋಗ್ಯದ ನಡುವೆಯೂ ಪ್ರವಾಹ ಸಂತ್ರಸ್ತರನ್ನು ರಕ್ಷಿಸುತ್ತಿರುವ ಬೋಟ್​ಮ್ಯಾನ್​!

ಪತ್ನಿ ಅನಾರೋಗ್ಯದಿಂದ ಬಳಲುತ್ತಿದ್ದರೂ ಲೆಕ್ಕಿಸದೆ ಲಂಕಾ ತಾತಮ್ಮ ಎಂಬ ಬೋಟ್ ನಿರ್ವಾಹಕರೊಬ್ಬರು ಕಳೆದ ನಾಲ್ಕು ದಿನಗಳಿಂದ ಪ್ರವಾಹ ಸಂತ್ರಸ್ತರನ್ನು ಸ್ಥಳಾಂತರಿಸುತ್ತಿದ್ದಾರೆ. ಆಂಧ್ರಪ್ರದೇಶದ ಕೋನಾಸೀಮೆ ಜಿಲ್ಲೆಯ ಲಂಕಾ ಗನ್ನವರಂ ಗ್ರಾಮದಲ್ಲಿ ಲಂಕಾ ತಾತಮ್ಮ ಪರೋಪಕಾರದ ಕೆಲಸವನ್ನು ಮುಂದುವರಿಸಿದ್ದಾರೆ. ಪತ್ನಿ ಕೃಷ್ಣವೇಣಿ ಅವರು 5 ತಿಂಗಳಿನಿಂದ ತೀವ್ರ ಅಸ್ವಸ್ಥರಾಗಿದ್ದಾರೆ. ಹೀಗಾಗಿ ಅವರನ್ನು ತಾರಸಿ ಮನೆಯ ಮೇಲೆ ಇರಿಸಲಾಗಿದೆ. ಕಳೆದ ಎರಡು ವರ್ಷಗಳ ಹಿಂದಿನಿಂದಲೂ ಬೋಟ್ ಮೂಲಕ ಸಂತ್ರಸ್ತರನ್ನು ಸ್ಥಳಾಂತರಿಸಿದರೂ ಸರ್ಕಾರದಿಂದ ಬಾಕಿ ಹಣ ಬಂದಿಲ್ಲ. ಈ ಬಾರಿಯಾದರೂ ಹಣ ನೀಡಿದರೆ ಅನುಕೂಲವಾಗುತ್ತದೆ ಎಂದು ತಮ್ಮ ಅಳಲನ್ನು ತೋಡಿಕೊಂಡಿದ್ದಾರೆ ತಾತಮ್ಮ. ಸರ್ಕಾರ ಇವರ ಸಂಕಷ್ಟಕ್ಕೆ ಸ್ಪಂದಿಸಬೇಕಿದೆ.