ಬೆಂಗಾಲ್​ ಸಫಾರಿ ಪಾರ್ಕ್​ನಲ್ಲಿ ತಾಯಿ ಜತೆ ರಾಯಲ್​ ಬೆಂಗಾಲ್​ ಹುಲಿಮರಿಗಳ ಆಟ

ಸಿಲಿಗುರಿಯ ಬೆಂಗಾಲ್​ ಸಫಾರಿ ಪಾರ್ಕ್​ನಲ್ಲಿ ತನ್ನ ನಾಲ್ಕು ಮುದ್ದಾದ ಮರಿಗಳೊಂದಿಗೆ ತಾಯಿ ಹುಲಿ ಆಟವಾಡುತ್ತಿರುವ ವಿಡಿಯೋವೊಂದು ಶನಿವಾರದಿಂದ ವೈರಲ್​​ ಆಗುತ್ತಿದೆ. ಶೀಲಾ ಎನ್ನುವ ರಾಯಲ್​ ಬೆಂಗಾಲ್​ ತಾಯಿ ಹುಲಿ ಮಾರ್ಚ್​ 14ರಂದು ಐದು ಮರಿಗಳಿಗೆ ಜನ್ಮ ನೀಡಿದೆ. ಅದರಲ್ಲಿ ಒಂದು ಅಪೌಷ್ಟಿಕತೆಯಿಂದ ಸಾವನ್ನಪ್ಪಿತ್ತು. ಉಳಿದ ಮರಿಗಳ ಬಗ್ಗೆ ಪಾರ್ಕ್​ನ ಅಧಿಕಾರಿಗಳು ಕಾಳಜಿ ವಹಿಸಿದ್ದು, ಮುಂದಿನ ಎರಡು ತಿಂಗಳವರೆಗೆ ಮರಿಗಳನ್ನು ಪ್ರವಾಸಿಗರ ವೀಕ್ಷಣೆಗೆ ತರಲಾಗುವುದಿಲ್ಲ ಎಂದಿದ್ದಾರೆ. ಆರೋಗ್ಯವಾಗಿರುವ ಮರಿಗಳು ತಮ್ಮ ತಾಯಿಯೊಂದಿಗೆ ಆಟವಾಡುತ್ತಿರುವ ವಿಡಿಯೋ ಎಲ್ಲರ ಗಮನ ಸೆಳೆದಿದ್ದು, ಮುಂದಿನ ದಿನಗಳಲ್ಲಿ ಉದ್ಯಾನವನದ ಆಕರ್ಷಣೆಯ ಕೇಂದ್ರ ಬಿಂದುವಾಗಲಿದೆ.