ಇಲ್ಲಿವೆ ನೋಡಿ ಸ್ವಾಮಿ ಕೊಹಿನೂರು ವಜ್ರ ತಯಾರಿಕೆಯಿಂದ ಹಿಡಿದು ಎಲ್ಲಾ ಬಗೆಯ ಅದಿರುಗಳ ಪ್ರದರ್ಶನ...

ಬೆಂಗಳೂರು: ಭಾರತೀಯ ಭೂವೈಜ್ಞಾನಿಕ ಸರ್ವೇ ಇಲಾಖೆಯು ಕೃಷಿ ವಿಶ್ವವಿದ್ಯಾಲಯದಲ್ಲಿ ಏರ್ಪಡಿಸಿದ್ದ 107ನೇ ಭಾರತೀಯ ವಿಜ್ಞಾನ ಕಾಂಗ್ರೆಸ್‌ ಮೇಳದಲ್ಲಿ ವಿವಿಧ ಬಗೆಯ ಕಲ್ಲುಗಳು, ಖನಿಜ, ಅದಿರು, ವಜ್ರಗಳನ್ನು ಪ್ರದರ್ಶಿಸಿ ಆಕರ್ಷಿಸಿದೆ. ಸ್ಟೇಟ್ ಯುನಿಟ್ ಆಫ್ ಕರ್ನಾಟಕ-ಗೋವಾ ಹಾಗೂ ಜಿಎಸ್​​ಐ ಕ್ಯುರೆಟೋರಿಯಲ್ ಡಿವಿಷನ್ ಕೋಲ್ಕತ್ತಾದ ಸಂಸ್ಥೆಯಿಂದ ಆಯೋಜಿಸಲಾಗಿತ್ತು. ಟಾಲ್ಕಂ ಪೌಡರ್ ತಯಾರಿಸುವ ಅದಿರು, ಸ್ಟೀಲ್ ತಯಾರಿಸುವ ಅದಿರು, ಕಾಗೆ ಬಂಗಾರದ ಅದಿರು, ಮಹಡಿಯ ಶೀಟ್​​ಗಳನ್ನು ತಯಾರಿಸುವ ಆಬ್ಸ್​ಟೋಸ್ ಅದಿರು, ಕೊಹಿನೂರು ವಜ್ರದ ನಕಲು, ವಜ್ರದ ಚೂರುಗಳು ಸಿಗುವ ಕಿಂಬರ್ ಲೈಟ್ ಅದಿರು ಪ್ರದರ್ಶನಕ್ಕಿಡಲಾಗಿದೆ. ಅಷ್ಟೇ ಅಲ್ಲದೆ, ಪಳೆಯುಳಿಕೆಯ ರೂಪ ತಳೆದು ಕಲ್ಲಾಗಿರುವ ಡೈನೋಸರ್ ಮೊಟ್ಟೆ, ಬೇರೆ ಜಾತಿಯ ಆನೆಯ ಪಳೆಯುಳಿಕೆ, ಹವಳದ ಅದಿರು ಕೂಡ ಇಲ್ಲಿದೆ. ಈ ಕುರಿತು ವಾಕ್​ ಥ್ರೂ ಮೂಲಕ ವಿವರಿಸಲಾಗಿದೆ.