ಮನೆಗೆ ಖನ್ನ ಹಾಕಿದ ಖದೀಮರು: ಲಕ್ಷಾಂತರ ರೂ. ಚಿನ್ನಾಭರಣ ದೋಚಿ ಪರಾರಿ

ರಾಯಚೂರು: ಮನೆ ಬೀಗ ಮುರಿದು ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ದೋಚಿರುವ ಘಟನೆ, ಜಿಲ್ಲೆಯ ಲಿಂಗಸುಗೂರಿನ ವಿವೇಕಾನಂದ ನಗರದ ಶೇಖ ಮಹೆಬೂಬ್​ ಸಾಹೇಬ್(ಸೌದಿ) ಅವರ ಮನೆಯಲ್ಲಿ ನಡೆದಿದೆ. 30ಕ್ಕೂ ಅಧಿಕ ತೊಲೆ ಚಿನ್ನಾಭರಣ, ಬೆಳ್ಳಿ  ಕದ್ದು ಪರಾರಿಯಾಗಿದ್ದಾರೆ. ಮೊಹರಂ ಹಬ್ಬದ ಹಿನ್ನೆಲೆಯಲ್ಲಿ ದೇವರನ್ನ ನೋಡಲು ಮನೆಯವರು ತೆರಳಿದ್ದರು. ಈ ವೇಳೆ, ಮನೆಯ ಬೀಗ ಮುರಿದು ಒಳಗೆ ನುಗ್ಗಿ ಚಿನ್ನಾಭರಣ, ಬೆಳ್ಳಿ ಕದ್ದು ಪರಾರಿಯಾಗಿದ್ದಾರೆ. ಸ್ಥಳಕ್ಕೆ ಲಿಂಗಸುಗೂರು ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆದ್ದಾರೆ.