ವಿದ್ಯುತ್ ತಂತಿ​ ತಗುಲಿ ಅವಘಡ: ಹೊತ್ತಿ ಉರಿದ ಮೇವಿನ ಲಾರಿ

ಚಲಿಸುತ್ತಿದ್ದ ಲಾರಿಗೆ ವಿದ್ಯುತ್ ತಂತಿ ತಗುಲಿ ಬೆಂಕಿ ಆವರಿಸಿಕೊಂಡ ಘಟನೆ ಬೀದರ್ ತಾಲೂಕಿನ ರಾಜಗೀರಾ ಗ್ರಾಮದ ಬಳಿ ಸಂಭವಿಸಿದೆ. ಬೀದರ್​ನಿಂದ ಹೈದರಾಬಾದ್​ನ ಗೋಶಾಲೆಗೆ ಲಾರಿಯಲ್ಲಿ ಮೇವು ಸಾಗಿಸಲಾಗುತ್ತಿತ್ತು. ಲಾರಿಗಿಂತ ಎತ್ತರವಾಗಿ ಮೇವಿನ ಹುಲ್ಲನ್ನು ತುಂಬಿಸಿದ ಪರಿಣಾಮ ವಿದ್ಯುತ್ ತಂತಿ ತಗುಲಿದೆ. ಸ್ಥಳಕ್ಕೆ ಅಗ್ನಿ ಶಾಮಕ ದಳದ ಸಿಬ್ಬಂದಿ ಆಗಮಿಸಿ ಬೆಂಕಿ ನಂದಿಸಿದರು.