ಮಹಾ ಶಿವರಾತ್ರಿಯಂದೇ ಮನೆಗೆ ಬಂದು ಹೆಡೆ ಎತ್ತಿ ನಿಂತ ನಾಗಪ್ಪ!

ಬೆಳಗಾವಿ: ಮಹಾ ಶಿವಾರಾತ್ರಿ ಹಬ್ಬದ ದಿನದಂದೇ ಏಳು ಅಡಿ ಉದ್ದದ ನಾಗರ ಹಾವೊಂದು ಮನೆಯೊಂದರಲ್ಲಿ ಪ್ರತ್ಯಕ್ಷವಾದ ಘಟನೆ ಜಿಲ್ಲೆಯ ಹುಕ್ಕೇರಿ ಪಟ್ಟಣದ ಹೊರವಲಯದಲ್ಲಿ ನಡೆದಿದೆ. ಗಜಬರವಾಡೆ ಬಳಿ ಶಶಿಕಾಂತ ಸೊಲ್ಲಾಪುರೆ ಎಂಬುವರ ಮನೆಯಲ್ಲಿ ಇಂದು ಮಧ್ಯಾಹ್ನ ಏಳು ಅಡಿ ಉದ್ದದ ಈ ಹಾವು ಪ್ರತ್ಯಕ್ಷವಾಗಿತ್ತು. ಹಾವು ಕಂಡ ಮನೆಯವರು ಗಾಬರಿಯಿಂದ ಹೊರಗೆ ಓಡಿ ಬಂದಿದ್ದರು. ವಿಷಯ ತಿಳಿದು ಸ್ಥಳಕ್ಕಾಗಮಿಸಿದ ಉರಗ ತಜ್ಞ ಹನೀಫ್ ನದಾಫ್ ಆಗಮಿಸಿ ಹಾವನ್ನು ರಕ್ಷಿಸಿ, ಕಾಡಿಗೆ ಬಿಟ್ಟಿದ್ದಾರೆ‌.