ಸಂಡೇ ಲಾಕ್​ಡೌನ್​ಗೆ ಸಿಲಿಕಾನ್ ಸಿಟಿ ಮಂದಿ ಡೋಂಟ್​ ಕೇರ್.. ರಸ್ತೆಗಿಳಿದ ವಾಹನಗಳು​!

ಬೆಂಗಳೂರು : ಕೊರೊನಾ ನಿಯಂತ್ರಿಸುವ ಸಲುವಾಗಿ ಪ್ರತಿ ಭಾನುವಾರ ಸರ್ಕಾರ ಲಾಕ್ ಡೌನ್ ಘೋಷಿಸಿದೆ. ಆದರೆ, ಕಳೆದ ಭಾನುವಾರಕ್ಕೆ ಹೋಲಿಸಿದರೆ, ಈ ಭಾನುವಾರ ಸಿಲಿಕಾನ್ ಸಿಟಿ ಜನ ಲಾಕ್ ಡೌನ್​ಗೆ ಅಷ್ಟೊಂದು ಪ್ರಾಶಸ್ತ್ಯ ಕೊಟ್ಟಂತಿಲ್ಲ. ಲಾಕ್ ಡೌನ್ ವೇಳೆ ವಿನಾಕಾರಣ ಓಡಾಟ ನಡೆಸುವವರ ಮೇಲೆ ಕ್ರಮ ಕೈಗೊಳ್ಳುವುದಾಗಿ ನಗರ ಪೊಲೀಸ್ ಆಯಕ್ತ ಭಾಸ್ಕರ್​ ರಾವ್ ಎಚ್ಚರಿಕೆ ನೀಡಿದ್ದರೂ, ಜನ ಮಾತ್ರ ಕ್ಯಾರೆ ಅನ್ನದೆ ಮುಂಜಾನೆಯೇ ರಸ್ತೆಗಿಳಿದಿದ್ದಾರೆ.