ಕೊರೊನಾ ಪರಿಣಾಮ: ಸಲೂನ್​ಗಳ ರಜಾದಿನ ಬದಲಾಯಿಸಿದ ಸವಿತಾ ಸಮಾಜ

ಕೊರೊನಾ ‌ಲಾಕ್​​ಡೌನ್ ನಂತರ ಕೆಲವೊಂದು ಸಂಪ್ರದಾಯ ಪರಂಪರೆಗಳು ಕೂಡ ಬದಲಾವಣೆಯಾಗ್ತಿವೆ. ಅದರಲ್ಲೂ ಮುಖ್ಯವಾಗಿ ಕ್ಷೌರಿಕ ವ್ರತ್ತಿಯಲ್ಲಿ ಪ್ರತೀ ಮಂಗಳವಾರ ಸಲೂನ್​ಗೆ ರಜೆ ನೀಡುವುದು ಪರಂಪರಾಗತವಾಗಿ ನಡೆದುಕೊಂಡು‌ ಬಂದ ಪದ್ಧತಿ. ಹಿಂದೂ ಸಂಪ್ರದಾಯದ ಪ್ರಕಾರ, ಈ ದಿನ‌‌ ಹೇರ್ ಕಟ್ ಮಾಡಿದ್ರೆ ಶನಿ ಹೆಗಲೇರುತ್ತೆ ಅನ್ನೋದು ವಾಡಿಕೆ. ಆದ್ರೆ, ಕೊರೊನಾ ಲಾಕ್​ಡೌನ್​​ ಎಫೆಕ್ಟ್​​ನಿಂದಾಗಿ ಸವಿತಾ ಸಮಾಜ ಮಂಗಳವಾರದ ರಜಾ ದಿನವನ್ನು ಭಾನುವಾರಕ್ಕೆ ಶಿಫ್ಟ್​​ ಮಾಡಿದೆ. ಭಾನುವಾರ ರಜಾ ದಿನವಾದ್ದರಿಂದ ಸೋಶಿಯಲ್ ಡಿಸ್ಟೆನ್ಸ್ ನಿಯಮ ಪಾಲಿಸೋದು ಕಷ್ಟ. ಹೀಗಾಗಿ ಮಂಗಳವಾರ ಸಲೂನ್ ಓಪನ್ ಮಾಡಿ ಭಾನುವಾರವನ್ನು ಖಾಯಂ ಆಗಿ ರಜಾ ದಿನವನ್ನಾಗಿ ಘೋಷಿಸಲಾಗಿದೆ.