ಮಹಾಮಳೆಗೆ ತತ್ತರಿಸಿದ್ದ ಕೊಡಗಿನಲ್ಲಿ ಚೇತರಿಸುತ್ತಿದೆ ಪ್ರವಾಸೋದ್ಯಮ...ಬರುತ್ತಿದೆ ಪ್ರವಾಸಿಗರ ದಂಡು!

ದಸರಾ ರಜೆ ಹಾಗೂ ವೀಕೆಂಡ್​​ ಸಿಕ್ಕಿದ್ದೇ ತಡ ಸೌಂದರ್ಯದ ರಾಶಿಯನ್ನೇ ಹೊದ್ದಿರುವ ಪುಟ್ಟ ಜಿಲ್ಲೆ ಕೊಡಗಿನ ಪ್ರವಾಸಿ ತಾಣಗಳಿಗೆ ಭೇಟಿ ಕೊಡುತ್ತಿರುವ ಪ್ರವಾಸಿಗರು ಮಸ್ತ್​ ಎಂಜಾಯ್​ ಮಾಡ್ತಿದ್ದಾರೆ. ಕೊಡಗಿನಲ್ಲಿ ಸಂಭವಿಸಿದ ವಿಕೋಪದ ಭೀಕರತೆಗೆ ಬೆಚ್ಚಿದ ಪ್ರವಾಸಿಗರು, ಇಲ್ಲಿಗೆ ಭೇಟಿ ನೀಡಲು ಹಿಂಜರಿಯುತ್ತಿದ್ದರು. ಹೀಗಾಗಿ ಪ್ರವಾಸೋದ್ಯಮ ಕುಸಿಯಿತು ಎಂಬ ಆತಂಕ ಎದುರಾಗಿತ್ತು. ಈಗ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗುತ್ತಿರುವುದರಿಂದ ಪ್ರವಾಸೋದ್ಯಮ ಚಿಗುರೊಡೆಯುವ ಆಶಾ ಭಾವನೆ ವ್ಯಕ್ತವಾಗುತ್ತಿದೆ!