ಬಂಟ್ವಾಳದಲ್ಲಿ ಕಂಡು ಬಂತು ಅಪರೂಪದ ಬಿಳಿ ಹೆಬ್ಬಾವು: ವಿಡಿಯೋ ನೋಡಿ

ಬಂಟ್ವಾಳ ತಾಲೂಕಿನ ಕಾವಳಕಟ್ಟೆಯ ನೌಶಾದ್ ಎಂಬುವರ ಮನೆಗೆ ಬಿಳಿ ಬಣ್ಣದ ಹೆಬ್ಬಾವೊಂದು ನುಗ್ಗಿದ್ದು, ಗಲಿಬಿಲಿಗೊಂಡ ಮನೆಯವರು ಕೂಡಲೇ ಅವರ ಸ್ನೇಹಿತ ಆಶೀಫ್​ಗೆ​​ ಕರೆ ಮಾಡಿ ಉರಗತಜ್ಞ ಸ್ನೇಕ್ ಕಿರಣ್​ರನ್ನ ಸಂಪರ್ಕಿಸಿದ್ದಾರೆ. ನಂತರ ಅವರು ಸ್ನೇಹಿತರಾದ ನಿತ್ಯಪ್ರಕಾಶ್ ಬಂಟ್ವಾಳ, ಶ್ರೀಪ್ರಸಾದ್ ಜೊತೆ ಅದನ್ನು ಹಿಡಿದು ವಲಯಾರಣ್ಯಾಧಿಕಾರಿ ಶ್ರೀಧರ್ ಅವರಿಗೆ ನೀಡಿದ್ದು, ಬಳಿಕ ಸುರಕ್ಷಿತವಾಗಿ ಮಂಗಳೂರು ಪಿಲಿಕುಳ ನಿಸರ್ಗಧಾಮಕ್ಕೆ ಬಿಡಲಾಗಿದೆ. ಈ ಬಿಳಿ ಹೆಬ್ಬಾವನ್ನ ಆಲ್ಬಿನೋ ಎಂದು ಕರೆಯಲಾಗುತ್ತದೆ.