ನಾಳೆ ಈದ್​-ಉಲ್​- ಫಿತರ್​​ ಸರಳ ಆಚರಣೆ: ಕೊರೊನಾ ಎಫೆಕ್ಟ್​ಗೆ ಅತ್ತರ್ ಪರಿಮಳ ಮಾಯ

ಮಂಗಳೂರು: ಮುಸ್ಲಿಮರ ಪವಿತ್ರ ಹಬ್ಬ ಈದ್​ -ಉಲ್ -ಫಿತರ್​​​ನಲ್ಲಿ ಪ್ರತಿಯೊಬ್ಬ ಮುಸ್ಲಿಮರು ಪರಿಮಳದ ಅತ್ತರ್ (ಸುಗಂಧ ದ್ರವ್ಯ)ನ್ನು ಹೊಸ ಬಟ್ಟೆಗೆ ಸಿಂಪಡಿಸಿ ಸಂಭ್ರಮ ಪಡುತ್ತಾರೆ. ಆದರೆ, ಈ ಬಾರಿ ಕೊರೊನಾ ಇಂತಹ ಸಂಭ್ರಮವನ್ನು ಇಲ್ಲದಂತೆ ಮಾಡಿದೆ. ಮುಸ್ಲಿಮರು ರಂಜಾನ್ ತಿಂಗಳ ಉಪವಾಸ ಮುಗಿಸಿದ ಬಳಿಕ ಆಚರಿಸುವ ಈದ್​​- ಉಲ್​​ - ಫಿತರ್​​ ಸರಳವಾಗಿ ಆಚರಿಸಲು ನಿರ್ಧರಿಸಿದ್ದಾರೆ. ಅದರಂತೆ ಈ ಬಾರಿಯ ಹಬ್ಬಕ್ಕೆ ಹೊಸ ಬಟ್ಟೆ, ಟೋಪಿ ಜೊತೆಗೆ ಅತ್ತರ್​ ಪರಿಮಳ ಇಲ್ಲದಂತಾಗಿದೆ.