ಜೋಗಿಮಟ್ಟಿ ವನ್ಯಧಾಮದಲ್ಲಿ ಬೃಹತ್​ ಗಾತ್ರದ ಹೆಬ್ಬಾವು ಪ್ರತ್ಯಕ್ಷ

ಚಿತ್ರದುರ್ಗ: ಕೋಟೆನಾಡಿನ ಮಿನಿ ಊಟಿ ಎಂದೇ ಪ್ರಸಿದ್ಧಿ ಪಡೆದಿರುವ ಜೋಗಿಮಟ್ಟಿ ವನ್ಯಜೀವಿ ಧಾಮದಲ್ಲಿ ಬೃಹತ್ ಗಾತ್ರದ ಹೆಬ್ಬಾವು ಕಾಣಿಸಿಕೊಂಡಿದೆ. ಚಿತ್ರದುರ್ಗದ ಛಾಯಾಗ್ರಾಹಕ ನಾಗರಾಜ್ ತಮ್ಮ ಕ್ಯಾಮರಾದಲ್ಲಿ ಈ ಹೆಬ್ಬಾವಿನ ಚಲನವಲನಗಳನ್ನು ಸೆರೆಹಿಡಿದಿದ್ದಾರೆ. ಇದೇ ಮೊದಲ ಬಾರಿಗೆ ಇಷ್ಟು ದೊಡ್ಡ ಗಾತ್ರದ ಹಾವು ಟ್ರೆಕ್ಕಿಂಗ್ ಜೋನ್​ನಲ್ಲಿ ಕಾಣಿಸಿರುವುದು ಭಯ ಹುಟ್ಟಿಸುವಂತೆ ಮಾಡಿದೆ ಎಂದು ಸ್ಥಳೀಯರು ಹೇಳಿದ್ದಾರೆ. ಭಾನುವಾರ ಚಾರಣಿಗರು ಹೆಚ್ಚಾಗಿ ತೆರಳುವ ಸ್ಥಳದಲ್ಲಿ ಅತ್ಯಂತ ದೊಡ್ಡ ಗಾತ್ರದ ಹೆಬ್ಬಾವು ಪ್ರತ್ಯಕ್ಷವಾಗಿರುವುದು ಪ್ರವಾಸಿಗರ ಗಮನ ಸೆಳೆಯಿತು.