ಮೈಸೂರು: ಕೊಳಕು‌ ಮಂಡಲ‌ ಹಾವಿನ ರಕ್ಷಣೆ

ಮೈಸೂರು: ಮನೆಯೊಳಗೆ ದುರ್ವಾಸನೆ ಬೀರುತ್ತಿದ್ದ ಕೊಳಕು‌ ಮಂಡಲ‌ ಹಾವನ್ನು ರಕ್ಷಣೆ ಮಾಡಿ ಚಾಮುಂಡಿ ಬೆಟ್ಟದ ಅರಣ್ಯ ಪ್ರದೇಶಕ್ಕೆ ಬಿಡಲಾಗಿದೆ. ಕೆ.ಆರ್‌. ಮಿಲ್​ನ ನಿವಾಸಿಯೊಬ್ಬರ ಮನೆಯಲ್ಲಿ ಚಪ್ಪಲಿ‌ ಸ್ಟ್ಯಾಂಡ್ ಕೆಳಗೆ ಅಡಗಿ ಕುಳಿತು ಬುಸುಗುಡುತ್ತಿದ್ದ ಕೊಳಕು ಮಂಡಲ ಹಾವನ್ನು ನೋಡಿ, ನಿವಾಸಿಗಳು ಕೂಡಲೇ ಸ್ನೇಕ್ ಕೆಂಪರಾಜು ಅವರಿಗೆ ಕರೆ ಮಾಡಿದ್ದಾರೆ. ಸ್ಥಳಕ್ಕಾಗಮಿಸಿದ ಕೆಂಪರಾಜು ಹಾವನ್ನು ಸುರಕ್ಷಿತವಾಗಿ ಹಿಡಿದು, ಚಾಮುಂಡಿ ಬೆಟ್ಟದ ತಪ್ಪಲಿನ ಅರಣ್ಯ ಪ್ರದೇಶಕ್ಕೆ ಬಿಟ್ಟಿದ್ದಾರೆ.