ಬುಗುರಿ ಆಡಿಸಿದ ಬೆಂಗಳೂರು ನಗರ ಪೊಲೀಸ್​ ಆಯುಕ್ತ​​... ವಿಡಿಯೋ ಸಖತ್​​​ ವೈರಲ್​​

ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಬುಗುರಿ ಆಡಿಸಿರುವ ವಿಡಿಯೊ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದೆ. ಈ ಹಿಂದೆ ಕೆಎಸ್ಆರ್​​ಪಿ ಎಡಿಜಿಪಿ ಯಾಗಿದ್ದಾಗ‌ ಮಕ್ಕಳೊಂದಿಗೆ ಬುಗುರಿಯಾಟ ಆಡಿದ್ದಾರೆ ಎನ್ನಲಾಗಿರುವ ವಿಡಿಯೋ ಇದಾಗಿದೆ. ಪ್ರಕರಣವೊಂದರ ಕುರಿತು ತಪಾಸಣೆಗೆ ತೆರಳಿದ್ದ ಭಾಸ್ಕರ್​ರಾವ್ ಈ ವೇಳೆ ಅಲ್ಲಿಯೇ ಬುಗುರಿಯಾಟವಾಡುತ್ತಿದ್ದ ಪುಟ್ಟ ಮಕ್ಕಳನ್ನು ಕಂಡಿದ್ದಾರೆ. ಆಗ ಅವರ ಬಾಲ್ಯದ ದಿನಗಳನ್ನು ಮೆಲುಕು ಹಾಕಿ, ಮಕ್ಕಳಿಂದ ಬುಗುರಿ ಪಡೆದು ಆಟವಾಡಿದ್ದಾರೆ. ಗಿರ ಗಿರನೆ ಬುಗುರಿಯಾಡಿಸಿ ಸಖತ್ ಎಂಜಾಯ್ ಮಾಡಿದ್ದಾರೆ. ಸದ್ಯ 16 ಸೆಕೆಂಡ್​​ಗಳ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಆಯುಕ್ತರ ಕ್ರೀಡಾ ಸ್ಫೂರ್ತಿಗೆ ಜನ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.