ಕುಂದಗೋಳ ಉಪಸಮರ: ವೀಲ್ ಚೇರ್​​ನಲ್ಲಿ ಬಂದು ಮತ ಚಲಾಯಿಸಿದ ವೃದ್ಧ

ಇಂದು ಧಾರವಾಡದ ಕುಂದಗೋಳ ವಿಧಾನಸಭಾ ಕ್ಷೇತ್ರದಲ್ಲಿ ನಡೆಯುತ್ತಿರುವ ಉಪಚುನಾವಣೆಯಲ್ಲಿ ವೃದ್ಧರು ತಮ್ಮ ಹಕ್ಕು ಚಲಾವಣೆ ಮಾಡಿದರು. ವೃದ್ಧ ಬಸವಣ್ಣೆಪ್ಪ ಮಾದ್ನೂರ್ (80) ಎಂಬುವರು ವೀಲ್ ಚೇರ್​​ನಲ್ಲಿ ಬಂದು ಮತ ಚಲಾಯಿಸಿದರು. ಹಾಗೆಯೇ ಯರಗುಪ್ಪಿ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಗಂಡು ಮಕ್ಕಳ ಶಾಲೆಯಲ್ಲಿ ಗೌರಮ್ಮ (75) ಹಾಗೂ ಸಿದ್ದಮ್ಮ (80) ಎಂಬುವರೂ ಕೂಡ ಮತದಾನ ಮಾಡುವ ಮೂಲಕ ಇತರರಿಗೆ ಮಾದರಿಯಾದರು.