ನನಗೆ ಜೆಪಿ ನಗರವೂ ಒಂದೇ, ರಾಮನಗರವೂ ಒಂದೇ: ನಿಖಿಲ್​​ ಕುಮಾರಸ್ವಾಮಿ

ರಾಮನಗರ: ರಾಜ್ಯದ 30 ಜಿಲ್ಲೆಯಲ್ಲಿ ಪ್ರವಾಸ ಮಾಡ್ತೇನೆ. ರಾಮನಗರ ಜಿಲ್ಲೆಯಿಂದ ನನ್ನ ಪ್ರವಾಸ ಪ್ರಾರಂಭವಾಗಿದೆ. ಇದು ನಮ್ಮ ತಂದೆಗೆ ರಾಜಕೀಯವಾಗಿ ಶಕ್ತಿ ಕೊಟ್ಟ ಜಿಲ್ಲೆ ಎಂದು ಚನ್ನಪಟ್ಟಣದಲ್ಲಿ ನಿಖಿಲ್ ಕುಮಾರಸ್ವಾಮಿ ಹೇಳಿದರು. ರಾಮನಗರ ಜಿಲ್ಲೆ ಚನ್ನಪಟ್ಟಣದಲ್ಲಿ ಹುಟ್ಟುಹಬ್ಬದ ಪ್ರಯುಕ್ತ ಆಗಮಿಸಿದ್ದ ವೇಳೆ ಅವರು ಮಾತನಾಡಿ, ನಮಗೆ ರಾಮನಗರ ಜಿಲ್ಲೆಯೇ ಮನೆ. ಜೆಪಿ ನಗರವೂ ಒಂದೇ, ರಾಮನಗರವೂ ಒಂದೇ. ನಾನು ರಾಜಕೀಯವಾಗಿ ಅಂಬೆಗಾಲು ಇಡ್ತಿದ್ದೇನೆ. ಆದರೂ ನಾನು ಒಂದು ಮಾತು ಹೇಳ್ತೇನೆ. ಚನ್ನಪಟ್ಟಣಕ್ಕೆ ಯಾರೇ ಮಂತ್ರಿಯಾಗಲಿ, ಏನೇ ಆಗಲಿ ನಿಮ್ಮ ಕೂಗು, ಧ್ವನಿಯೇ ಅವರಿಗೆ ಉತ್ತರವಾಗಲಿದೆ. ನಾವು ಚನ್ನಪಟ್ಟಣ ಕಾರ್ಯಕರ್ತರ ಕೈಬಿಡುವ ಪ್ರಶ್ನೆಯೇ ಇಲ್ಲ ಎಂದು ನಿಖಿಲ್​ ಹೇಳಿದ್ದಾರೆ.