ಪೇಜಾವರ ಶ್ರೀ ಬೃಂದಾವನಸ್ತ: ಮುತಾಲಿಕ್​ ಸಂತಾಪ

ಪೇಜಾವರ ಶ್ರೀಗಳ ನಿಧನಕ್ಕೆ ಶ್ರೀರಾಮಸೇನೆ ರಾಷ್ಟ್ರೀಯ ಅಧ್ಯಕ್ಷ ಪ್ರಮೋದ್​ ಮುತಾಲಿಕ್​ ಸಂತಾಪ‌ ಸೂಚಿಸಿದ್ದಾರೆ. ಶ್ರೀಗಳು ಹಿಂದೂ ಸಮಾಜದ ಮಾರ್ಗದರ್ಶಕರಾಗಿದ್ದರು. ಹಿಂದುತ್ವದ ಪ್ರತಿಪಾದಕರಾಗಿ ಆಧುನಿಕ ವಿವೇಕಾನಂದರಾಗಿದ್ದ ಅವರು ಅಗಲಿರುವುದು ನೋವಾಗಿದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ಶ್ರೀಗಳು ನಮ್ಮ ಗುರುಗಳು ಹಾಗೂ ಮಾರ್ಗದರ್ಶಕರಾಗಿದ್ದರು, ಮಹಾನ್ ರಾಷ್ಟ್ರೀಯ ಸಂತನ ಅಗಲಿಕೆಯಿಂದ ಸಮಾಜಕ್ಕೆ ತುಂಬಲಾರದ ಹಾನಿಯಾಗಿದೆಯೆಂದು ತಿಳಿಸಿದರು.