ಭಾನುವಾರದ ಲಾಕ್​ಡೌನ್​ಗೆ ಕೊಡಗು ಸ್ತಬ್ಧ: ವಾಕ್​ ಥ್ರೂ

ಕೊಡಗು: ಕೋವಿಡ್​-19 ಹಿನ್ನೆಲೆ ಸರ್ಕಾರ ಇಂದು ಸಂಪೂರ್ಣ ಲಾಕ್‌ಡೌನ್‌ಗೆ ಆದೇಶ ನೀಡಿರುವುದರಿಂದ ಅಗತ್ಯ ಸೇವೆಗಳನ್ನು ಹೊರತುಪಡಿಸಿ ಜಿಲ್ಲೆ ‌ಸಂಪೂರ್ಣ ಬಂದ್ ಆಗಿದೆ. ಶನಿವಾರ ಸಂಜೆ 7 ರಿಂದ ಸೋಮವಾರ ಬೆಳಗ್ಗೆ 7 ಗಂಟೆವರೆಗೆ ಲಾಕ್‌ಡೌನ್ ಮುಂದುವರೆಯಲಿದೆ. ಆಸ್ಪತ್ರೆ-ಮೆಡಿಕಲ್, ಹಾಲು, ತರಕಾರಿ, ದಿನಸಿಗಳು ಹೀಗೆ ಅಗತ್ಯ ವಸ್ತುಗಳನ್ನು ಹೊರತುಪಡಿಸಿ ಉಳಿದಂತೆ ಅಂಗಡಿ-ಮುಗ್ಗಟ್ಟುಗಳು, ಸಾರ್ವಜನಿಕ ಸಾರಿಗೆ, ಆಟೋ ಸಂಚಾರ ಸೇರಿದಂತೆ ಎಲ್ಲವೂ ಸ್ತಬ್ಧವಾಗಿವೆ. ಪೊಲೀಸ್ ಇಲಾಖೆ ಜನರ ಅನಗತ್ಯ ಓಡಾಟಕ್ಕೂ ಕಡಿವಾಣ ಹಾಕಿದೆ.