ಚಿಕ್ಕೋಡಿ ಉಪವಿಭಾಗದಲ್ಲಿ ಭಾರಿ ಮಳೆ: ನೆಲ ಕಚ್ಚಿದ ಕಬ್ಬು

ಚಿಕ್ಕೋಡಿ: ನಗರದ ಉಪವಿಭಾಗದಲ್ಲಿ ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಧಾರಾಕಾರ ಮಳೆ ಹಾಗೂ ಗಾಳಿಯಿಂದ ಕಟಾವಿಗೆ ಬಂದ ಕಬ್ಬು ನೆಲ ಕಚ್ಚಿದೆ. ಪರಿಣಾಮ ರೈತ ಮತ್ತೆ ಸಂಕಷ್ಟ ಅನುಭವಿಸುತ್ತಿದ್ದಾನೆ. ಈಗಾಗಲೇ ಸಕ್ಕರೆ ಕಾರ್ಖಾನೆಗಳು ಪ್ರಾರಂಭವಾಗಿದ್ದು ಮುಂದಿನ ದಿನಗಳಲ್ಲಿ ಕಾರ್ಖಾನೆಗೆ ಹೋಗಬೇಕಾದ ಕಬ್ಬು ನೆಲಕಚ್ಚಿದೆ. ಗಾಳಿ, ಮಳೆಯಿಂದ ಕಬ್ಬಿನ ಜೊತೆಗೆ ಕಟಾವಿಗೆ ಬಂದ ಮೆಕ್ಕೆಜೋಳ, ಸೊಯಾಬಿನ್ ಬೆಳೆಗಳೆಲ್ಲವೂ ಹಾಳಾಗಿವೆ.