ಸುಳ್ಳು ಸುದ್ದಿ ನಂಬಿ ರಾತ್ರೋರಾತ್ರಿ ಮನೆ ಮುಂದೆ ದೀಪ ಹಚ್ಚಿದ ಜಿಲ್ಲೆಯ ಜನತೆ

ಹಾವೇರಿ: ಮಂಜುನಾಥ ದೇವಾಲಯದಲ್ಲಿ ನಂದಾದೀಪ ನಂದಿ ಹೋಗಿದ್ದು, ಈ ಕೂಡಲೇ ಮನೆ ಬಾಗಿಲಿಗೆ ನೀರು ಹಾಕಿ ಮನೆ ಮುಂದೆ ದೀಪ ಹಚ್ಚಿಡಿ. ಈ ಮೂಲಕ ಮುಂದೆ ಎದುರಾಗೋ ಕಂಟಕ ದೂರ ಮಾಡೋಣ ಎನ್ನುವ ಸುಳ್ಳು ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದೆ. ಈ ಸುದ್ದಿಗೆ ಕಿವಿಗೊಟ್ಟ ಜಿಲ್ಲೆಯ ಕಲ್ಲೆದೇವರು, ಒಡೇನಪುರ, ಹಾದ್ರಿಹಳ್ಳಿ, ಮಾಸೂರು ಸೇರಿದಂತೆ ಹಲವು ಗ್ರಾಮಗಳ ಜನರು ರಾತ್ರೋರಾತ್ರಿ ಮನೆ ಅಂಗಳ ಸ್ವಚ್ಛಗೊಳಿಸಿ ಮನೆ ಮುಂದೆ ರಂಗೋಲಿ ಹಾಕಿ ದೀಪ ಹಚ್ಚಿ ಇಟ್ಟ ಘಟನೆ ನಡೆದಿದೆ.