ಮತಗಟ್ಟೆಯಲ್ಲಿ ವ್ಹೀಲ್​ಚೇರ್ ವ್ಯವಸ್ಥೆ ಇಲ್ಲದೇ ವಿಕಲಚೇತನನ ಪರದಾಟ

ಬೆಂಗಳೂರು: ರಾಜರಾಜೇಶ್ವರಿನಗರದ ಮೌಂಟ್ ಕಾರ್ಮೆಲ್ ಶಾಲೆಯ ಮತಗಟ್ಟೆ 344ರಲ್ಲಿ ವ್ಹೀಲ್​ಚೇರ್​ ಇಲ್ಲದ ಕಾರಣ ವಿಕಲಚೇತನರೊಬ್ಬರು ಉಪಚುನಾವಣೆಗೆ ಹಕ್ಕು ಚಲಾಯಿಸದೇ ವಾಪಸಾಗುತ್ತಿದ್ದರು. ಅಂಥೋನಿ ಜಾರ್ಜ್ ಎಂಬುವರು ಹಲವು ವರ್ಷಗಳಿಂದ ಮೌಂಟ್ ಕಾರ್ಮೆಲ್ ಶಾಲೆಯಲ್ಲಿ ಮತದಾನ ಮಾಡುತ್ತಿದ್ದರು. ಪ್ರತಿ ಬಾರಿ ಅವರಿಗೆ ವ್ಹೀಲ್ ಚೇರ್​ ವ್ಯವಸ್ಥೆ ಮಾಡಲಾಗುತ್ತಿತ್ತು. ಆದರೆ, ಉಪಚುನಾವಣೆಯಲ್ಲಿ ವ್ಹೀಲ್ ​ಚೇರ್​ ವ್ಯವಸ್ಥೆ ಮಾಡಿಲ್ಲ. ಆಗ ಅವರ ಪತ್ನಿ ಮಾತ್ರ ಮತದಾನ ಮಾಡಿದರು. ಅಂಥೋನಿ ವಾಪಸ್​ ಮನೆಗೆ ತೆರಳುತ್ತಿದ್ದಾಗ ಎಚ್ಚೆತ್ತುಕೊಂಡ ಅಧಿಕಾರಿಗಳು ವ್ಹೀಲ್​ ಚೇರ್​ ತಂದು ಅಂಥೋನಿಗೆ ಮತದಾನಕ್ಕೆ ಅವಕಾಶ ಮಾಡಿಕೊಟ್ಟರು.