ಜಲಾವೃತವಾಗುವ ಭೀತಿಯಲ್ಲಿ ಬಸವಣ್ಣನ ನಾಡು... ಹೆಚ್ಚಿದ ಆತಂಕ

ಮಹಾರಾಷ್ಟ್ರದಲ್ಲಿ ಹೆಚ್ಚು ಮಳೆಯಾಗುತ್ತಿರುವ ಹಿನ್ನೆಲೆ ಬಾಗಲಕೋಟೆ ಜಿಲ್ಲೆಯಲ್ಲಿ ಮತ್ತೆ ಪ್ರವಾಹ ಉಂಟಾಗಿದೆ. ಆಲಮಟ್ಟಿ ಜಲಾಶಯದ ಹಿನ್ನೀರಿನಲ್ಲಿ 1,71,740 ಕ್ಯೂಸೆಕ್​ ಒಳ ಹರಿವು ಇದೆ. 2,28,407 ಕ್ಯೂಸೆಕ್​ ನೀರನ್ನು ಹೊರ ಬಿಡಲಾಗುತ್ತಿದ್ದು, ಅಣ್ಣ ಬಸವಣ್ಣನವರ ನಾಡು ಕೂಡಲಸಂಗಮ ಮತ್ತೆ ಜಲಾವೃತವಾಗುವ ಭೀತಿಯಲ್ಲಿದೆ. ಕಳೆದ ತಿಂಗಳು ಈ ಭಾಗದ ಜನರು ಪ್ರವಾಹಕ್ಕೆ ಸಿಲುಕಿದ್ದರು. ಇದೀಗ ಮತ್ತೊಂದು ಆತಂಕ ಎದುರಾಗಿದೆ.